اغاني خليجي

ماني على فرقـاك يا شــــوق نـــاوي ... 

ميـر الزّمـن له وقفـةٍ بيـن الأحــبــاب

يشهد على ماقول قلب شقاوي

دمـعٍ نثرتــه بـان من بين الأهـــــداب

كانك على ذبج الوفى فيني قاوي

تذبـح خـفـوق اللي يحبـك ولا تــــــاب

واللي بقـى مـن وقتنــا مـا يســـــاوي ...

 لحظــة نعانيـها مـن البعــد أغــــراب

لا يا نجــوم الليـــل ماني بهـــــــــاوي ...

 فرقـى منـاة الروح ولو طالت أسباب

يا ناصحـيـن القلـب ما لــه مـــــداوي ...

غيـر الحبيــب اللي لـه القلب طـــلاّب

خلي هجرني ما ادري ايش السبب ...

خـلي نساني بالمحـبة وراح

يا صاح انا من بعــدكم في لـهـــب ...

يحـرق فــؤاد عـذبته الجــراح

زادت همومي راح وقت الطرب ...

ما عاد باسلى من طعون الرماح

يا بوي خلي من هواي اكـتسب ...

مني فؤادي صدق ما هو مـزاح

لو خيروني بين خلي والذهب ...

ما ارضى حبيبي عن فؤادي يزاح

الله اكـبر شفت من خلي عـجب ...

كـيف الخـيانة في غرامه تبـاح

جاني كلام إني معك كنت كذاب

وإني محملك الشقى والأسية

وإني أبيع الود وأبيع الأحباب

وش باقي ما قلته حبيبي عليّ

ظالم وأخاف عليك من يوم وحساب

يا اخي حرام اللي تسويه فيّ

إرفع إيديني طالبٍ رب الأرباب

واتذكر العشرة وأنزل إيديّ

شمت فينا أغراب وابعاد واقراب

خليت ذا يحكي وهاذي وذيّ

أهدي لك البسمة وتهديني أنياب

ليش الوفا في شرع مثلك خطية

الله بلاك بناس تفرش لك أهداب

والله بلاني بناس ما هي وفية

يا ليت عندي شوي من غدر الأصحاب

يا ليت عندك من وفايّ شوية

له في خلقه شئون سبحانه الفرد الصمد

علام ماكان ويكون وكل شيٍ له سجد

وجدت أنا نفسي معاق لي ميزة بين الرفاق

ماكنت ادري ويش هي عايشتها وآنا صغير

ما كنت اوقف او اسير وكنت احلم بالمشي

بديت مشوار العلاج من عمليه لي مساج

وما تغير فيني شي مضى على صبري سنين

وفي معا ناتي حزين ما صارلي ما ينسى

في المجتمع عايش غريب ونظرته شك وريب

علي قلبه قد قسى ياناس وش ذنب الضعيف

اما اصم والا كفيف ولا يعاني حا لتي

أسألوها هي متى تعرف تحب

جاوبوني لو لقيتو لي جواب

اسالوها هو زعل ها له سبب

او بليا اسباب تحكم بالعذاب

كم سهرت الليل والسهره الهدب

كم سرقني ليل وبقالي سراب

ذبت انا غمه وهو مني شراب

حب صادق ما يخالط به تراب

خبريها يل الخويه تنسحب

عن فؤاد من سبب جفواه داب

مهتويها ولا ابيها تقترب

جارحه تظلم تصيب و لا تصاب

والاكيد اليوم ماعندي محب

هي خطا والقلب يستاهل صواب

مهتو يها ولا ابيها تقترب

جارحه تظلم تصيب و لا تصاب

سقم حالي ياعلي من منقشة اليدين

جاتني فالكوت تمشي على سيف البحر

وجلست جنبي من الضيقه خاطرها حزين

قالت عيوني يا مسعود ذابحها السهر

هبي بعطره يالهبوب الجنوبي

مشتاقله والبعد مافيه حيله

مع غفلت الحساد وقت الغروبي

يسريبي الهاجس جنوبي وجيله

صدفه بلا ميعاد دوبه ودوبي

اجمل ليالي العمر لحظه جميله

تكفي غمامه ساقها الريح صوبي

في خدها برق جذبني مخيله

من مبسمه شمس تنور دروبي

في عيونه الخدرى سيوف صقيله

شهد العسل بشفاه سحره يذوبي

الخصر ناحل والردايف ثقيله

مسموح يدلع وطبعه لعوبي

مثل المهار الشقر شقرى اصيله

اذكريني اذا حبيتي غيري

اذكري المشتاق يانور عينه

اذكري حبٍ صفالك من ضميري

ارجوك لا ينسيك منهو تبينه

منك لايجيني ملام لو قلت انانيه

حبيت امازحك بكلام على حسن نيه

نضحك لجل ننسى الشقاء

وماني عجل ومعك البقاء

لو بغيت اضحك واسولف مع الناس

عيت العبره تفارق عيوني ..

حبك على عيني وقدرك على الراس

ما اغليت غيرك فالبشر يا فتوني ..

بنيت حبك في ضميري على ساس

ما لوم عيوني لو عليك اسهروني ..

ياناعس الطرفين ما بالهوى باس

عاهدني بحبك شتت اضنوني

خلاص ارجوك لا تسأل عن الماضي

الماضي اللي من اسبابك تناسيته

عيبك تصدق كلام وهرجة الفاضي

وقلبي صدوق العهد والدرب ماخطيته

وشلون اقاضيك وانت الخصم والقاضي

احسلي ابعد من اللي منك لاقيته

مفروض تفهم سكوتي عنك واعراضي

وغيرك من الناس يابن الناس حبيته

قلبي على ماكتب رب السما راضي

ويكفيني اللي من الاحزان قاسيته