اغاني خليجي

تقول الله يطعني و اقول الله يسبق بي

جنوبي نثر همه على (غيمة جنوبيه)

أحس أني إذا قالت فديتك ياعرب ربي

تراقص بي جبال ابها مع الريح الشماليه

حبيبتي ماني معلم باسمها

حلفتني ما أعلم باسمها

وسمحت لي بس أوصف حسنها

تخاف يدري خالها او عمها

طال السَّهر والهجر بانت مواريـه ..

من الصاحب الَّلي مانويت الرِّدى به

لو طالت الايَّـام مانيـب ناسيـه ..

وإن غاب جتني علِّةٍ مـن غيابـه

يا بحر يا موج يا ذيك المواني …

يا نسيم الصبح يانودٍ لفى

يالحن ياحرف ياصدق المعاني …

يامشاعر عايشة مر الجفى

كم نظرت الوقت واحسب هالثواني …

كم سهرت الليل جفني ماغفى

ما شعرت اني وحيد(ن) في زماني …

الا يوم انه تركني واختفى

قالوا نسيته .. قلت أنا ما أقدر أنسـاه

قالوا تحبَّه .. قلـت هـذي الحقيقـة

قالوا تزوره .. قلت أنا ويـن أبلقـاه

قالوا تحاول .. قلت كيـف الطريقـة

قالوا تشوفه .. قلت أنـا واحـلالاه

أشوف زوله .. فـي حياتـي دقيقـة

قالوا لي أصبر .. قلت أنا الصبر ما أقواه

الصبر عن مضنون عيني ما أطيقـه

منت فاهم ياغلى من مر بعيوني ..

عاشقك سلّم امره للغرام ..

شفت فيك العمر .. يالقلب الحنون

من عرفتك .. وآنا عايش في هيام

انسى هالعالم ولو هم يزعلون

ماعطيت اليوم غيرك إهتمام

عجزت عيوني على غيرك تمون

ماعرفت انطق لغيرك بالسلام ..

لك انا خطوه .. وأوصل للجنون

بك ترى العاقل على عقله يلام

بك انا بافخر على العالم وأكون ..

أسعد اللي حب .. وأجملهم كلام

يا ناس أحبه واحب اسمع سواليفه

صوته يشتت هموم عايش فيها

يامر وينهي وانا دايم على كيفه

أرجي ورود الهوى تنبت بأراضيها

لاغاب عني يعيش الفكر مع طيفه

وان صار عندي حياة الحب الاقيها

مسكين قلب ٍ شكى غيبة مواليفه

عزي لعله تعذر من يداويها

ظل ظليل ٍ عليّ وغصونه مريفه

شمعة زماني عسى الله ما يطفيها

أنسل من نظرته لأهل الهوى سيفه

ويطيح قلبي من غصون ٍ نبت فيها

لامن ضحك لي خذت قلبي تواصيفه

ولامن زعل عفت انا الدنيا ومافيها

لجل ان احبه واحب اسمع سواليفه

صوته يشتت هموم عايش ٍ فيها

أحب البر والمزيون ... وأحب البدو والأوطان

واحبك قبل لا يدرون ... هلي واهلك ولا الجيران

واحب العذري المخزون ... بمجرى الدم والشريان

واحبك والمحبة عون ... محب عاشق ولهان

اقلها اسال علي شوف ميت والا حي

يا ناعم العووود يا سيد الملاح

يا ناعس الطرف إرحم حالتي

ليت للغرام حاكم والله لاشتكي

يا قمر عيد يا نور الصباح

أنظر و تكفيك مني نظرتي

ليت للغرام حاكم والله لاشتكي

قلبي عليلٍ بطعنات الرماح

محروم و طالت لاجلك حسرتي

ليت للغرام حاكم والله لاشتكي

أبو خدودٍ يحلاها الوشاح

رمان نهديه غاية منيتي

ليت للغرام حاكم والله لاشتكي