Գործարար մտագրոհ

Ինչպե՞ս AI - ը դարձնել գործիք, ոչ վախի պատճառ | Գործարար մտագրոհ 45

Ցանկացած գործիք, քանի դեռ կա մարդկությունը, կարող է օգտագործվել թե՛ դրական, թե՛ բացասական իմաստներով, կարևոր է հասկանալ, թե ինչպես այն ճիշտ կիրառել ի բարօրություն քեզ ու բիզնեսիդ։

Գևորգ Պողոսյանը «Գործարար մտագրոհի» այս թողարկման շրջանակում անդրադառնում է արհեստական բանականության կարևորությանը բիզնեսում։ Քննարկումը ընթանում է բանավեճի միջոցով՝ ինչ պետք է անել և չանել արհեստական բանականությունը օգտագործելիս։ 
Քննարկում ենք արհեստական բանականության դերը բիզնեսում, դրա ճիշտ օգտագործման կարևորությունը, համակարգային խնդիրների լուծումների հեշտ գտնելը,  առօրյայում օգտագործելը և գաղափարների գեներացման ժամանակ ճիշտ հրահանգների տալը։

Ինչպե՞ս զարգացնել հայկական բրենդները, միջազգային փորձից սովորելու ուղիներ | Գործարար մտագրոհ 44

Կարևոր է ունենալ մեր բրենդները, որոնք կներկացնեն Հայաստանը, ինչպես McDonald's-ն է ներկայացնում ԱՄՆ-ն։

Սամվել Գևորգյանը «Գործարար մտագրոհի» այս թողարկման շրջանակում անդրադառնում է հայկական ու միջազգային բիզնես փորձի հանրայնացմանը, իսկ քննարկումը անցկացվում է բանավեճի տեսքով։
Քննարկում ենք, թե ինչպես կարող են տեղական բրենդերը դառնալ մեր երկրի այցեքարտը միջազգային շուկայում, ինչ է պահանջվում մեծ միջազգային բրենդերը Հայաստանում հաջողությամբ ադապտացնելու համար, և ինչպիսի #ներդրումային միջավայր է անհրաժեշտ, որպեսզի որոշ արտասահմանյան բիզնեսներ սկսեն գործել Հայաստանում։

Բրենդինգը այն է, թե ինչ են խոսում կողքի սենյակում առանց քեզ։ Բրենդինգը ընկերության միտքն է, սիրտը ու հոգին։ Քո բնավորությունը, մշակույթը չպետք է հակասի բրենդի բնավորությանը։

Նարեկ Ալեքսանյանը «Գործարար մտագրոհի» այս թողարկման շրջանակում անդրադառնում է բրենդինգի էությանը՝ որպես ընկերության միտք, սիրտ և հոգի։ Զրույցի ընթացքում խոսվում է այն մասին, թե ինչպես է բրենդը արտահայտվում ոչ միայն տեսանելի նշաններով, այլ նաև ընկերության վարքով, մշակույթով և ինքնությամբ։ Առանձնահատուկ ուշադրություն է դարձվում ոչ ստանդարտ բրենդինգի օրինակներին, բիզնեսի սեփականատիրոջ բնավորության ու բիզնեսի գործելակերպի համապատասխանությանը, ինչպես նաև կարգախոսի դերին՝ որպես բիզնեսի ուղենիշ։

Ինչպե՞ս գտնել բիզնեսի առաջին հաճախորդին | Գործարար մտագրոհ 42


Պետք է նախ հաճախորդի տիպին գտնել, հասկանալ նրա կարիքները, վարքագիծը, խնդիրները և դրա վրա կառուցել բիզնեսը։։ Առաջին հաճախորդը այն մարդն է, ով առաջինը կբողոքի կամ կներկայացնի իր չարդարացված ակնկալիքները ձեր արտադրանքի կամ ծառայության մասին։

Գևորգ Պողոսյանը «Գործարար մտագրոհի» այս թողարկման շրջանակում նանդրադառնում է բիզնես սկսելիս շատ կարևոր թեմայի, այն է՝ ինչպես գտնել բիզնեսի առաջին հաճախորդներին, ինչպես վստահություն ձևավորել ու և կայուն համագործակցություն կառուցել։
Զրույցի ընթացքում խոսում ենք նաև բրենդի ձևավորման ռազմավարական դերի և հաճախորդի կարծիքի կարևորության մասին։

Որոնք են երիտասարդ տարիքում բիզնես սկսելու ռիսկերն ու հնարավորությունները | Գործարար մտագրոհ 41

Կա ռիսկ, որ ձեր ստարտափը կդառնա բիզնես։

Սամվել Գևորգյանը «Գործարար մտագրոհի» այս թողարկման շրջանակում անդրադառնում է #բիզնես սկսելու հիմնական ռիսկերին՝ հատկապես երիտասարդ տարիքում։ Զրուցում ենք #վաճառքներ ի կարևորության, ռեսուրսների արդյունավետ օգտագործման և եկամուտների իրական ակնկալիքների շուրջ։ Քննարկում ենք, թե ինչպես գեներացնել կենսունակ բիզնես գաղափար, ինչպես ճիշտ սկսել պրոդուկտը, և ինչ #ռիսկեր կարող են առաջանալ բիզնեսի ընդլայնման փուլում։ 

Ինչպես ընդլայնել վաճառքները ցանկացած բիզնեսում. 21 փորձված խորհուրդ | Գործարար մտագրոհ 39


Գևորգ Պողոսյանը «Գործարար մտագրոհի» այս թողարկման ընթացքում ներկայացնում է վաճառքի ընդլայնման 21 կարևոր խորհուրդ։
Զրույցում վերլուծում ենք ժամանակակից գործիքներ, հաճախորդի հոգեբանությունը և փորձված ռազմավարություններ, որոնք կօգնեն յուրաքանչյուր գործարարի զարգացնել իր բիզնեսի վաճառքները։

Ինչո՞ւ է գործարար դառնալու լավագույն ժամանակը հենց 20 - ականները | Գործարար մտագրոհ 40


20 տարեկանում գործարար դարձածները հաջողում են, որովհետև անկախության, մտքի ազատության աստիճանը ավելի բարձր է, քան 30 տարեկանում, քանի որ այդ տարիքում արդեն միջավայրից շատ բան է կախված լինում՝ ընտանիք, շատ ավելի մեծ ընկերություն, ավելի շատ գիտելիք և հետևաբար կասկածներ։

Նարեկ Ալեքսանյանը «Գործարար մտագրոհի» հերթական թողարկման շրջանակում ներկայացնում է երիտասարդ տարիքում՝ մասնավորապես 20 և 30 տարեկանում գործարար դառնալու մարտահրավերները։ 
Խոսում ենք երիտասարդ տարիքում գործարար դառնալու առավելությունների, ստարտափ մշակույթի ձևավորման, նախաձեռնող սերնդի դաստիարակման և գործարար մտածողության ձևավորման մասին։ Վերլուծում ենք, թե ինչ կարող է անել մարդը 20-30 տարեկան հասակում՝ հաջողության հասնելու համար, ինչպես նաև՝ ինչ նշանակություն ունեն վաղ տարիքում ձևավորված արժեքներն ու միջավայրը։ 

Ինչո՞ւ է գործարար դառնալու լավագույն ժամանակը հենց 20 -ականները |  Գործարար մտագրոհ 40


20 տարեկանում գործարար դարձածները հաջողում են, որովհետև անկախության, մտքի ազատության աստիճանը ավելի բարձր է, քան 30 տարեկանում, քանի որ այդ տարիքում արդեն միջավայրից շատ բան է կախված լինում՝ ընտանիք, շատ ավելի մեծ ընկերություն, ավելի շատ գիտելիք և հետևաբար կասկածներ։

Նարեկ Ալեքսանյանը «Գործարար մտագրոհի» հերթական թողարկման շրջանակում ներկայացնում է երիտասարդ տարիքում՝ մասնավորապես 20 և 30 տարեկանում գործարար դառնալու մարտահրավերները։ 
Խոսում ենք երիտասարդ տարիքում գործարար դառնալու առավելությունների, ստարտափ մշակույթի ձևավորման, նախաձեռնող սերնդի դաստիարակման և գործարար մտածողության ձևավորման մասին։ Վերլուծում ենք, թե ինչ կարող է անել մարդը 20-30 տարեկան հասակում՝ հաջողության հասնելու համար, ինչպես նաև՝ ինչ նշանակություն ունեն վաղ տարիքում ձևավորված արժեքներն ու միջավայրը։ 

Ինչպե՞ս ներկայանալ աշխարհին գլոբալ փոփոխությունների ընթացքում | Գործարար մտագրոհ 38

Կարևոր է, որ մենք անցյալը բաց չթողնելով, այսօրվան հետևելով՝ կերտենք վաղվա օրը, հետևաբար ինչ էլ փոխվի, մարդկային գործոնը առաջնային է մնալու։

Սամվել Գևորգյանը «Գործարար մտագրոհի» հերթական թողարկման շրջանակում ներկայացնում է աշխարհում տեղի ունեցող տնտեսական գլոբալ փոփոխությունները և դրանց ազդեցությունը Հայաստանի վրա։

Զրույցում վերլուծում ենք՝ ինչպես է հետքովիդյան աշխարհը ձևավորում նոր խաղի կանոններ, ինչպիսին են տնտեսական բևեռացումը և մրցակցության նոր օրակարգերը։ Քննարկում ենք պատմության տնտեսական դասերը, որոնք այսօր ավելի արդիական են, քան երբևէ՝ հատկապես փոքր տնտեսությունների կայուն զարգացման համատեքստում։

Անդրադառնում ենք նաև հայկական տնտեսության մրցունակության խնդրին, ներսում և դրսում բրենդ չստեղծելուն, գլոբալ գործընթացներից կտրված մնալու ռիսկերին և այն հարցին, թե ինչպես պետք է ճիշտ և խելամիտ օգտագործել առկա ռեսուրսները՝ ապագայի մարտահրավերներին պատրաստ լինելու համար ։

Ինչպե՞ս է գեյմիֆիկացիան ուժեղացնում հաճախորդի ներգրավվածությունը | Գործարար մտագրոհ 37

Նարեկ Ալեքսանյանը «Գործարար մտագրոհի» հերթական թողարկման շրջանակում ներկայացնում է ժամանակակից գործիք, որը գրավում է թե՛ շուկայավարման մասնագետների, թե՛ ղեկավարների ուշադրությունը՝ գեյմիֆիկացիա կամ խաղայնացում։

Զրույցում վերլուծում ենք, թե ինչ է իրականում գեյմիֆիկացիան, ինչու է այն անհրաժեշտություն բիզնեսում, ինչպես են խաղային մեխանիզմները վերափոխում հաճախորդի վարքագիծը և ներգրավվածությունը։

Քննարկում ենք խաղերի կիրառումն առևտրի և ծառայությունների ոլորտում, անդրադառնում մրցանակային համակարգերի կառուցմանն ու դրանց #հոգեբանական ազդեցությանը։

Կիսվում ենք մտքերով այն մասին, թե որ ոլորտներում խաղը վերածվում է գործիք՝ գործընթացներ կառուցելու, թիմերը մոտիվացնելու և օգտատիրոջ ճանապարհն առավել հաճելի դարձնելու համար։

Եթե ցանկանում եք հասկանալ, թե ինչպես կարելի է խաղային մտածելակերպը դարձնել գործիք բիզնես աճի համար, այս թողարկումը հենց Ձեզ համար է։