Գործարար մտագրոհ

Ինչպե՞ս էմոցիաները կարող են բարելավել կամ խաթարել ձեր բիզնեսի աճը | Գործարար մտագրոհ 36

Մեր խորհուրդը գործարարներին՝ մի՛ նեղվեք եթե զգում եք բարկություն, վախ, նախանձ, քանի որ նորմալ ու առողջ բան է էմոցիաներ ունենալը։ Օգտվեք էմոցիաներ ունենալու առիթից, կազմեք համապատասխան գործողությունների ծրագիր և տարեք ձեր բիզնեսը դեպի զարգացման։

Գևորգ Պողոսյանը «Գործարար մտագրոհի» հերթական եթերում ներկայացնում է, բացասական էմոցիաների դերը բիզնեսում և կյանքում։ Զրույցում քննարկվում է, թե երբ են էմոցիաները խանգարում, երբ օգնում, և ինչպիսի դեր ունեն տարբեր ազգերի մշակույթներն ու մոտեցումները՝ բիզնես միջավայրում էմոցիաներ դրսևորելու հարցում։

Անդրադառնում ենք նաև դրական հետևանքներին, որոնք կարող են առաջանալ, եթե գործարարը ճշգրիտ ճանաչի ու օգտագործի իր զգացումները։ 

Եթե ցանկանում եք հասկանալ, թե ինչ կապ կա էմոցիայի և զարգացման միջև, և ինչպես է դա ազդում թե՛ ձեր, թե՛ ձեր թիմի վրա՝ ապա այս թողարկումը ձեզ համար է։

Նորությունների հետևելը՝ բիզնեսի միցակցային առավելություն | Գործարար մտագրոհ 35 

Շատ գործարարներ չեն հետևում մեդիային, որովհետև չգիտեն դրա հետ ինչ անեն։ Ցավոք սրտի, մեր լրատվական միջոցները որոշակի վերլուծություններով չեն կիսվում, որ միջին վիճակագրական գործարարը որոշում կայացնի։ Եվ ակնհայտ է, որ ԱՄՆ նախագահի որոշումը կարող է ազդել մեր երկրի բիզնես գործունեության վրա։

Սամվել Գևորգյանը Գործարար մտագրոհի հերթական եթերում ներկայացնում է, թե ինչպես է մեդիան ձևավորում բիզնես միջավայրը և ինչպե՞ս կարելի է այն ճիշտ օգտագործել հաջողության հասնելու համար։

Հաղորդման ընթացքում քննարկվում է մեդիայի ազդեցությունը գործարարության վրա՝ անդրադառնալով, թե ինչու է կարևոր հետևել արդի թեմաներին և տեղյակ լինել օրակարգային հարցերից։ Վերլուծվում են #տնտեսական նորությունների նշանակությունն ու դրանց հնարավոր ազդեցությունը բիզնեսի զարգացման վրա։ Անդրադարձ է կատարվում նաև #արհեստական բանականության ընձեռած հնարավորություններին և  միջազգային հարթակում Հայաստանից տեղեկատվության արտահոսքին։ Քննարկվում են ստարտափերի խթանման տարբեր մեխանիզմները, ինչպես նաև կարծրատիպերից ազատ մտածելու կարևորությունը՝ տեղեկատվությունը ֆիլտրելու ու ճիշտ օգտագործելու համար։

Մրցակի՞ց, թե՞ գործընկեր. ինչո՞ւ է համագործակցությունը պայքարից ավելի արդյունավետ | Գործարար մտագրոհ 34


Հայկականությունը այն ցուցիչն է, որ մրցակիցը քո գործընկերն է, ոչ թե թշնամին, քանի որ մեր երկրի մեջ չպետք է ունենանք թշնամիներ, ու պետք է բոլորով մաքսիմալ փորձենք համագործակցել։

Նարեկ Ալեքսանյանը Գործարար մտագրոհի հերթական եթերում ներկայացնում է, թե ինչպես կարելի է մրցակցել՝ միաժամանակ համագործակցելով, և ինչու է կարևոր մրցակցին ճիշտ ճանաչելը բիզնես միջավայրում։

Հաղորդման ընթացքում քննարկվում է, թե երբ և ինչպես է ճիշտ մրցակցել, ինչ ազդակներ են ստիպում բիզնեսներին համախմբվել և փոխշահավետ լուծումներ գտնել, և ինչու է որոշ դեպքերում մրցակցությունը վերածվում կարճաժամկետ համագործակցության։

Անդրադառնում ենք նաև, թե ինչպես է մրցակցին չճանաչելը վախեր ստեղծում համագործակցության համար, ի՞նչ դեր ունեն ոլորտային բիզնես միությունները, և ինչու է կարևոր մրցակցի ապրանքը փորձելը՝ շուկան լիարժեք հասկանալու համար

21 խորհուրդ բիզնես սկսելու համար | Գործարար մտագրոհ 32


Բիզնեսը սկսելիս ամենակարևորը չվախենալն է սխալներից, քանի որ դրանք այն իրական դասերն են, որոնք ուղղորդում են դեպի հաջողություն, իսկ ճիշտ ռազմավարություն ու ճիշտ թիմ ունենալը՝ դեպի կայուն աճ։

Սամվել Գևորգյանը Գործարար մտագրոհի հերթական եթերում ներկայացնում է, թե ինչպես խուսափել սխալներից բիզնես սկսելիս, ու Գևորգ Պողոսյանի և Նարեկ Ալեքսանյանի հետ միասին տալիս 21 հիմնական խորհուրդ սկսնակ բիզնեսները հաջողությամբ հիմնադրելու և սխալներից խուսափելու համար։

Հաղորդման ընթացքում քննարկվում է այն հիմնական սխալները, որոնք անում են սկսնակ բիզնեսները, (բաժնետերերից մինչև կազմակերպության կոնցեպտ, թիմի կազմավորումից մինչև #մրցակիցներ ի ուսումնասիրություն) և դրանցից խուսափելու եղանակները։

Բիզնես թրենդների ստեղծումը և դրանց ազդեցությունը այսօր | Գործարար մտագրոհ 33

Ընկերությունում պետք է լինի բոլոր թրենդները խոշորացույցի տակ պահելու վարքագիծ և նույնիսկ գիտակցաբար հրաժարվել, բայց երբեք չանտեսել, քանի որ թրենդը խոսում է փոփոխության մասին։

Գևորգ Պողոսյանը Գործարար մտագրոհի հերթական եթերում ներկայացնում է բիզնես թրենդների ստեղծման գործընթացը և դրանց ազդեցությունը այսօր տնտեսական աշխարհում։
Հաղորդման ընթացքում քննարկվում է, թե ինչպիսին են համաշխարհային բիզնես թրենդները, ով և ովքեր են դրանք ստեղծում և ազդեցության գործում, ինչպես նաև թե ինչպիսի դեր ունի մեդիան թրենդների ձևավորման մեջ։
Անդրադառնում ենք նաև, թե ինչպես հայկական բիզնեսը կարող է ստեղծել սեփական թրենդները և ինչու շատ հաճախ թրենդները չեն դառնում երկարաժամկետ ազդեցություն ունեցող երևույթներ։

Ինչպե՞ս ներկայացնել հայկական պրոդուկտները և տարածել հայկականությունը աշխարհում | Գործարար մտագրոհ 31

Նարեկ Ալեքսանյանը Գործարար մտագրոհի հերթական եթերում ներկայացնում է #տեղական շուկայի կարևորությունն ու համբավը  Հայաստանում և արտերկրում։ Հաղորդման ընթացքում քննարկվում է, թե որքան կարևոր է ճիշտ ներկայացնել #հայկական պրոդուկտները, ինչպես ստեղծել հայկական պրոտուկտների ճիշտ ասոցիացիա աշխարհում, պահել ու կիրառել հայկական պրոդուկտների անունները, և թե ո՞ր մարմինները պետք է զբաղվեն հայկականության տարածման գործով։

Հարկերի և աշխատավարձերի սխալ ընկալումը | Գործարար մտագրոհ 30

Հարկերը կարևոր բաղադրիչ են պետություն և քաղաքացիներ հարաբերություններում: 
 
Գևորգ Պողոսյանը Գործարար մտագրոհի հերթական եթերում ներկայացնում է հարկեր վճարելու մշակույթը հայկական հասարակության շրջանակներում։ Հաղորդման ընթացքում քննարկվում է, թե որքան կարևոր է հարկերի բաշխվածությունը և հասարակությանը այդ գործընթացում ներառելը, պետության նախօրոք նախազգուշացումները հարկերի փոփոխությունների մասին, մաքուր և կեղտոտ աշխատավարձեր արտահայտությունների տարածվածությունը հասարակության շրջանակներում և հարկերի ողջ կենտրոնացումը Երևանում։  

Էմոցիաների ազդեցությունը՝ սպառողի որոշման վրա  Գործարար մտագրոհ 29

Կա տարածված կարծիք, որ հայերը բարդ և խնդրահարույց հաճախորդներ են։

Սամվել Գևորգյանը Գործարար մտագրոհի հերթական եթերում բացել է հայ հաճախորդների առանձնահատկությունների թեման։ Այս համատեքստում փորձագետները քննարկում են, թե ինչ յուրահատուկ վարքագիծ ունեն հայաստանցի հաճախորդները, ինչն է պատճառը հայերի խնդրահարույց լինելու և սխալ ակնկալիքներ ունենալու։
Թեմայի շրջանակներում անդրադարձել են Հայաստանի սպասարկման որակին, ինչպես նաև միջմշակութային շփման ազդեցությանը սպառողների վարքագծի վրա։

Կորպորատիվ նվերները պատմում են ընկերության արժեքների մասին։

Նարեկ Ալեքսանյանը Գործարար մտագրոհի հերթական եթերում առաջ է քաշել կորպորատիվ նվերների ինքնատիպության և կարևորության թեման։ Հաղորդման ընթացքում քննարկվում են այն արժեքները, որոնք պետք է փոխանցեն նվերները և պատմեն ընկերության մասին:

Փորձագետները ներկայացրել են դետալներ, որոնք կարող են խորը ազդեցություն ունենալ մարդկանց էմոցիաների վրա, ինչպես նաև կարևոր պարամետրեր, որոնց վրա պետք է կենտրոնանա ընկերությունը՝ իրներդրում ները արդյունավետ դարձնելու համար։

Բիզնեսը պարզ բառերով, ժառանգների հեռանկարներն ու մարքեթինգը | Ամանորյա Գործարար մտագրոհ 27

Ամանորի ջերմությունն ու կախարդական շունչը մեզ տանում են ոչ միայն ընտանիքի հավաքների, այլև ապագայի կարևոր զրույցների: Այս հատուկ ամանորյա թողարկմանը ունենք բացառիկ հնարավորություն լսելու Սամվելի, Գևորգի և Նարեկի ժառանգներին, ովքեր ժառանգել են ոչ միայն իրենց ընտանիքների արժեքներն ու ավանդույթները, այլև բիզնես մտածողությունը:

Այս զրույցում քննարկվում են բիզնեսի ապագան, նորարարական գաղափարները և այն, թե ինչպես են սերունդները յուրովի շարունակում իրենց ընտանիքների գործն ու մշակույթը: Ինչպե՞ս են նրանք պատկերացնում իրենց տեղը ժամանակակից աշխարհում, ինչպե՞ս են փոխակերպում ավանդական մոտեցումները՝ համապատասխանեցնելով նոր սերնդի պահանջներին: