Grandi101

Unnar Már segir frá sjálfum sér og hvers vegna hann fór í sitt Osteópata nám í Svíþjóð. Hann talar einnig um hvað Osteópati er og við förum yfir víðan völl saman í skemmtilegu hlaðvarpi.

Þáttastjórnandi: Númi Snær Katrínarson

Hljóðmaður: Sveinbjörn Hafsteinsson

Eigendur Granda101 þær Elín og Jakobína Jónsdætur segja frá hvernig starfsemi Granda hefur verið háttað undanfarna mánuði, hvernig sóttvörnum hefur verið háttað, mikilvægi hreyfingar og samfélagslega ábyrgð gagnvart faraldrinum.

Þáttastjórnandi: Valdís Bjarnadóttir

Hljóðmaður: Sveinbjörn Hafsteinsson

Þessi þáttur er unninn í samstarfi við H verslun.

Guðný Hjaltadóttir hefur verið meðlimur á Granda101 síðan 2017. Hún er að klára sína fyrstu meðgöngu og hefur verið að æfa áfram út á Granda alla meðgönguna. Í hlaðvarpinu segir hún hlustendum frá því hvernig hún nálgaðist upplýsingar um hvernig hún þyrfti að aðlaga æfingar sínar eftir því sem leið á meðgönguna án þess að hætta að mæta í hóptímanna á Granda101.

Þáttastjórnandi: Valdís Bjarnadóttir

Hljóðmaður: Eiríkur Sigurðarson

Eygló Egilsdóttir er eigandi Metabolic Reykjavíkur og fyrirtækisins Jakkafatajóga. Eygló er einnig búin að prófa sig áfram í því að fasta í styttri og lengri tíma. Hún segir frá því í þættinum af hverju hún byrjaði að fasta, hvað gerist í líkamanum þegar við föstum og hvaða heilsufarslegu ávinningar gæti hlotist af því að stunda föstur reglulega. Einnig er farið yfir það að æfa á fastandi maga sem og góð ráð þegar byrjað er að feta sín fyrstu spor í því að fasta.

Þáttastjórnandi: Valdís Bjarnadóttir

Hljóðmaður: Eiríkur Sigurðarson

Þóra Guðrún Jónsdóttir mætti á fyrstu æfingu sína daginn þegar Grandi opnaði. Þá hóf hún vegferð sína að heilbrigðari lífstíl þar sem hún hafði aldrei stundað reglulega hreyfingu. Þóra fer yfir hvernig það er að taka ákvörðunina að byrja að hreyfa sig og hvernig það hefur haft áhrif á líf hennar og fjölskyldu hennar síðan.

Þáttastjórnarndi: Valdís Bjarnadóttir

Hljóðmaður: Eiríkur Sigurðarson

Elín Jónsdóttir er þjálfari hjá Granda101. Hún er að klára MS í Íþróttafræði frá HR í vetur og var þjálfari í fullu starfi í sumar hjá Granda101. Í þættinum fer Elín yfir íþróttaferilinn, þjálfaraferilinn og hvernig hún nálgast þjálfun í dag.

Þáttastjórnarndi: Valdís Bjarnadóttir

Hljóðmaður: Eiríkur Sigurðarson

Númi, einn af eigendum Granda101, er gestur þáttarins. Hann fer yfir Covid tímabilið, hvaða takmarkanir stöðin hefur þurft aðlaga sig að og hvernig sumarið hefur verið á Granda. Hann fer yfir hvað er framundan hjá Granda í haust og breytingar á stundatöflu.

Í þættinum er einnig farið yfir hugtakið CREW101 og þau þjálfaranámskeið sem Númi hefur verið að þróa fyrir functional training.

Þáttastjórnandi: Valdís Bjarnadóttir

Hljóðmaður: Eiríkur Sigurðarson

Gestur Pálmason hefur s.l. 18 ár unnið við löggæslu- og öryggisstörf og er fyrrverandi meðlimur sérsveitar ríkislögreglustjóra. Hann hefur stýrt alþjóðlegum löggæslu- og öryggistengdum verkefnum og komið að kennslu og þjálfun á því sviði. Gestur hefur tekið virkan þátt í og stýrt teymum alþjóðlegra sérfræðinga á sviði öryggis- og löggæslu til að takast á við sífellt flóknara umhverfi. Þá hefur hann umbreytt fjölbreyttri reynslu yfir í ástríðu við að þjálfa einstaklinga og teymi í öllum geirum í átt að aukinni getu og til að takast á við áskoranir með sérstaka áherslu á virkni og ákvarðanatöku undir álagi.

Gestur hefur starfað sem stjórnenda- og teymisþjálfari hjá breska þjálfunarfyrirtækinu Complete Coherence s.l. og þannig starfað með mörgum af stærstu fyrirtækjum heims.

Þáttastjórnandi: Eyþór Ingi Einarsson

Hljóðmaður: Eiríkur Sigurðarson

Erlendur (Elli) Egilsson starfar sem sálfræðingur og vinnur meðal annars með íþróttafólki. Í þættinum spjalla Elli og Eyþór um sálfræðilega þætti sem tengjast íþróttum og hreyfingu almennt. Elli hefur verið meðlimur Granda101 nánast frá opnun og kemur hann inná upplifun sína á stöðinni.

Þáttastjórnandi: Eyþór Ingi Einarsson

Hljóðmaður: Eiríkur Sigurðsson

Steinunn Þórðardóttir sér um tíma sem heita Rehab Prehab á Granda101. Hún er á þriðja ári í að læra sjúkraþjálfun og hefur mikla reynslu á að kenna Yoga. Í þættinum fáum við að kynnast Steinunni og hennar hugmyndafræði í þjálfun.