GROOTfm 90.5

Christene Smit van Joy in the Box (Kairos se Kersfees-projek), vertel ons meer van hoe Kairos hoop en lig in 'n boks bring vir Kersfees...

GEE-week: Juffrou Juli Martiz van Generaal Nic Smit & Cornelia Black.

Kairos CL se volgehoue betrokkenheid by die gemeenskap van Plankiesdorp strek oor meer as twee dekades – ’n pad wat ons keer op keer saam met gesinne stap. Hierdie reis behels nie net fisiese betrokkenheid nie, maar ook ’n diep geestelike en emosionele verbintenis. Ons dien al jare lank as ’n bron van hoop en ondersteuning in ’n gemeenskap wat dikwels groot uitdagings trotseer.

Deur ’n verskeidenheid inisiatiewe verleen ons gereeld hulp aan kinders, bejaardes, gesinne wat op SASSA-toelaes staatmaak, en selfs aan die diere in die gemeenskap. Wat egter werklik uitstaan, is nie net die finansiële of materiële bystand nie, maar veral die waardigheid, omgee en menslikheid waarmee dit geskied.Daar is tans 27 gesinne in Plankiesdorp, wat ongeveer 93 mense insluit – waarvan 35 kinders is. (Hierdie getalle wissel gereeld) Ons betrokkenheid hier strek verder as kos, klere en meubels; ons poog om hoop en menswaardigheid in hierdie gemeenskap op te bou.

Ongelukkig is dit so dat huur oral betaal moet word. Hier is dit dikwels die geval dat, selfs al kry die ouers werk, daar niemand is om na die kinders om te sien nie.

Hier het ons ook vir Tercia Botes leer ken – deur haar kleinkind. Vandag kan ons met oortuiging sê: sy het ’n ongelooflik groot hart. By “Plankiesdorp”, soos ons dit noem, is Tercia altyd die een wat vir ander intree – of dit nou ’n buurvrou is wat sukkel, of ’n dier wat hulp nodig het. Sy vra bitter min vir haarself, al het sy self nie altyd veel om uit te deel nie. Tog is sy altyd bereid om te gee – haar tyd, haar hulp, haar liefde.

Hoof van Laerskool Monumentpark, Mnr. Salie Kritzinger, het op #DieGROOTBrekfis kom gesels oor hoe hulle betrokke is by Kairos en meer oor hierdie bediening. Luister gerus weer hier as jy dit gemis het.

Phillip Pretorius se inspirasie gedagte op #DieGROOTBrekfis gemis? Luister gerus weer hier.

#WeeksdaeVibesMetVenita gesels in die GROOT #GEEweek met Nikki Slabbert en Juli Maritz oor Nikkie en haar man, Dirk, se betrokkenheid by Laerskool Generaal Nicolaas Smit.

Sy staan ook bekend aan die kinders as die ‘skoene-tannie’ en die ‘vleis-tannie’.

Generaal Nicolaas Smit is 'n steunpilaar van die gemeenskap, waar Kairos betrokke is. Skoolhoof Julie Maritz en Adjunkhoof Collette Naude vertel stories van oorwinning en deel die hart van die skool.

GEE-week: Ananja Koen van Atterbury Trust & Jasmine Steyn van Laerskool Generaal Nicolaas Smit.

In die episode van Uit Die Boonste Ratte gesels Jacques Erasmus oor...

- Wat Weelee ons vandag?

- 'n Paar motorfeite

- Ford Ranger se Beheerarm

- Nissan kan dalk Rosslyn tak toe maak

- Hoeveel verdien 'n karwag per week?

Jare gelede het Oprah Winfrey gevra of daar behoeftige kinders in Suid-Afrika is wat baat sou vind by haar leerskool. Met die hand van God in aksie, is Veronique gekies as een van daardie kinders. Sy was destyds ook die hoofmeisie by Laerskool Generaal Nicolaas Smit. Sy het in baie behoeftige omstandighede groot geword.

Vandag, met trots en dankbaarheid, deel ons dat Veronique, saam met nog twee dogters uit ons Pretoria-Wes-gemeenskap, haar matriekjaar in 2019 voltooi het en toe reeds toelating tot die Universiteit van Pretoria (Tukkies) ontvang het. In 2021 is sy opgeneem in Goue Sleutel (Golden Key), die wêreld se grootste universiteits-erevereniging. Lidmaatskap van die vereniging is slegs op uitnodiging en word toegeken aan die top 15% van tweede-, derde- en finalejaarstudente aan kolleges en universiteite, asook toppresterende nagraadse studente, gebaseer op hul akademiese prestasies.

In 2023 het Veronique ’n “Dean’s Merit Award” ontvang – ’n besondere akademiese erkenning.