Prof Tshifularo wat die wêreld se eerste middeloor oorplanting gedoen het gesels oor die nuwe grondverskuiwende tegniek en tegnologie wat hy gebruik. Bietjie later vertel Dr Jaco van Niekerk en Xander Loubser (Best Care) meer oor hoof beserings.

Mackayla Kleynhans kuier in die ateljee om haar storie te deel. Sy is gediagnoseer met melanoma kanker.

Dr Terry Marshal kuier vanaand in die ateljee en vertel hoekom dit belangrik is om in te ent. Dr Jacques Koning en Dr Jaco van Niekerk is ook in die atlejee om saam te gesels.

Prof de Wet van Universiteit Pretoria kuier in die ateljee en gesels oor gehoor gesondheid en later gesels Lelanie van der Merwe oor haar seun se seldsame diagnose. Dr Jacques Koning en Dr Jaco van Niekerk is saam Pieter Cloete in die ateljee.

Dr Jacques Koning lei die gesprek oor HPV (Human papillomavirus). Ons gesels oor hoekom dit belangrik is om op 'n jong ouderdom gevaksineer te word om moontlike servikale kanker later te voorkom. Dr Jaco van Niekerk en Pieter Cloete gesels saam.

Dr Henk Swanepoel, 'n kliniese sielkundige is deel van die paneel wat gesels oor tiener selfdood. Wat moet ouers weet? Wat is die gevaar tekens? Waarna moet gekyk word as dit kom by 'n kind se gedrag? Al die vrae en meer word beantwoord. 11 - 18 Februarie 2019 is Tiener Selfdood Bewusmakings week. Vir help, besoek sadag.org.

Pieter Cloete het met Sumarie Jordaan, 'n 19-jarige student van Belville gesels oor haar liedjie, "Verander jou siening". Die inspirerende liedjie het soos 'n veldbrand versprei op sosiale media. Sumarie vertel waaroor die liedjie gaan en ook haar uitdagings en hoe sy dit oorkom.

Ons gesels met Dr Jacobus Benson oor 'n nuwe studie waarmee hy tans besig is om hipertensie (hoë bloedruk) te normaliseer sonder medikasie. Die studie, "Aortic Arch Baroreceptor Stimulation" gaan binne die volgende 2 tot 5 jaar op mense getoets kan word. Dr Jacques Koning, Xander Loubser en Dr Jaco van Niekerk is saam in die ateljee.

Francois van Rensburg is nie net 'n geliefde omroeper nie, maar ook 'n bekwame liedjieskrywer en sanger. Pieter Cloete het met hom gesels oor sy nuutste enkelsnit: Fotos van jou.

Burgermeester van Tshwane, Solly Msimanga gesels oor Tshwane se EMS-begroting wat gesny is en hoe dit moontlik dienste gaan beinvloed. Ons gesels ook oor Gauteng EMS wat die bestuur van nooddienste in Tshwane voortaan gaan bestuur.