好孩子星期天 - 小人國．大人話

你有冇以下迷思？

1) 男仔開始講嘢一般都遲過女仔？

2) 小朋友2歲都未識講單字，係咪發展遲緩？

3) 表達能力比理解能力更重要？

4) 小朋友口若懸河，語言發展就冇問題？

5) 認讀圖卡或字卡係學習語言嘅好方法？

語言，係溝通嘅關鍵。「好孩子．小人國大人話」，繼續關注小朋友身心發展！最新系列，就會同你探討言語治療，主持慧妍姐姐、傑仔哥哥 請嚟香港耀能協會言語治療師張慧欣，同大家一齊研究幼兒語言發展常見嘅誤解，仲會話俾大家知，咩嘢先係小朋友最佳嘅語言活動！

「好孩子． 小人國大人話」以音樂治療做主題嘅系列嚟到尾聲，第五集會同大家傾吓點樣用音樂去幫助小朋友建立社交關係，提升溝通能力。

今集嘉賓有基督教香港信義會社會服務部「美樂心絃音樂治療計劃」音樂治療師馬學俊Edmund，佢會話俾大家知，音樂治療會利用到嘅一啲小遊戲，唔同年齡層嘅小朋友都有分別㗎！

主持慧妍姐姐、傑仔哥哥仲出咗啲難題俾嘉賓，一齊聽吓音樂治療師點樣幫助一啲有特殊需要嘅小朋友（講緊兩位主持 ？！）啦！

小朋友1歲開始已經牙牙學語，但個個小朋友嘅發展步伐都唔同，如果發覺小朋友語言發展遲緩，不如試吓用音樂幫幫手？

「好孩子． 小人國大人話」今個星期嘅嘉賓，有基督教香港信義會社會服務部美樂心絃音樂治療計劃音樂治療師馬學俊，佢會同大家探討點樣用音樂治療訓練小朋友嘅語言能力！

有時候屋企裏面有太多遊戲選擇，小朋友未玩完一樣就想玩第二樣。有啲小朋友成日食飯坐唔定，有時仲會未食完蘋果又話要飲水，家長們係咪都有呢啲煩惱呢？

「好孩子． 小人國大人話」今個星期嘅嘉賓有基督教香港信義會社會服務部美樂心絃音樂治療計劃音樂治療師馬學俊，佢會同大家探討點樣用音樂治療 去增強小朋友嘅專注力～

音樂治療，係以音樂作為工具，輔助兒童融入學習生活，改善佢哋嘅生理、心理、行為同認知等方面，協助小朋友成長。

今集就有基督教香港信義會社會服務部美樂心絃音樂治療計劃音樂治療師馬學俊，同大家探討點樣去用音樂幫助兒童身體機能發展！原來運用音樂遊戲，樂器彈奏等等方法，可以改善小朋友嘅肌肉力量、身體協調、平衡力等等各種能力㗎！

小朋友仲細，大人好多時都會以權威姿態，為小朋友安排生活大小事，但小朋友都係獨立個體，有情緒有思考有感受，而唔係爸爸媽媽嘅附屬品。特別當小朋友慢慢長大，佢喺家庭中嘅角色就越來越重，家人嘅溝通就更加重要！

今個星期嘅「好孩子．小人國大人話」，請嚟香港心理學會註冊臨床心理學家趙思雅姑娘，總結一下點樣喺生活細節認識兒童心理！

疫情期間，小朋友要忍受冇得好似以前咁日日返學校上堂，冇得同同學仔一齊玩，上堂嘅模式轉變到線上學習。

有家長就投訴，小朋友打機玩電話就可以玩好耐，但係上堂線上學習就完全集中唔到。

你嘅小朋友又有冇呢個問題呢？

今集「好孩子．小人國大人話」請嚟香港心理學會註冊臨床心理學家趙思雅 姑娘，同我哋一齊分析究竟小朋友線上學習有咩要留意，模式轉變嘅時候，家長又可以點樣幫小朋友適應。

每個人都唔想離開所愛嘅人，但係人與人嘅分離 係無可避免。大人工作、遠行，小朋友固然唔捨得，不過有時大人只係離開小朋友視線範圍一陣，去個洗手間，仔女都會失控大喊！其實呢個可能係分離焦慮嘅徵象呀~

今集「好孩子．小人國大人話」請嚟香港心理學會註冊臨床心理學家趙思雅 姑娘，話你知咩為之健康嘅依附關係，當大人同小朋友同時有分離焦慮，又點樣影響家庭同埋小朋友嘅成長！