好孩子星期天 - 小人國．大人話

你屋企有冇試過︰

婆：你做完功課就可以食薯片～

媽：我咪話咗唔可以食薯片！

------

爺︰返到屋企爺爺幫你除鞋啦～

爸︰咁大個仔做咩唔自己除鞋？

------

工人開住電視餵飯

爸︰咪講咗唔准睇電視囉！

媽︰唔准餵，要自己食呀！

真係諗起都攰……當屋企出現多個照顧者，其實唔只家長頭都痕，就連小朋友有陣時都會無所適從。

今集「好孩子． 小人國大人話」，香港心理學會註冊臨床心理學家趙思雅 姑娘，話你知點樣安排管教最有效，又可以避免家庭衝突。

有時候家庭中發生重要事情，家長都唔知應唔應該話俾小孩子知……

小至搬屋、大至移民、甚至父母離異……小朋友幾大先至能夠了解呢啲問題？定係小朋友唔知其實仲好？

今集「好孩子．小人國大人話」請嚟香港心理學會註冊臨床心理學家趙思雅 姑娘，同家長一齊探討吓大人應該如何看待小朋友嘅知情權。

好多家⾧為「善用」小朋友嘅時間，自細就幫佢哋報讀林林總總嘅興趣班

「個個小朋友都上興趣班，自己仔囡唔上咪落後咗？」

但係當中有邊樣先至係小朋友真正嘅興趣 ？

小朋友嘅興趣班又應該持之以恆，定係應該喺適當時候換新嘅呢？

今集「好孩子．小人國大人話」請嚟香港心理學會註冊臨床心理學家趙思雅 姑娘，同你探討吓培養小朋友興趣，或者選讀興趣班時，有咩要留意~

砌積木嘅時候，要跟住設計圖去砌？

畫畫嘅時候，要跟老師教嘅圖案同筆法去畫？

咁係幫助小朋友訓練集中力與及建立守規則 嘅品格？定係錯手扼殺咗小朋友嘅想像力同創意 ？

家長同小朋友玩遊戲時，點樣令兩者平衡呢？

今集「好孩子．小人國大人話」請嚟香港心理學會註冊臨床心理學家趙思雅姑娘，同家長們一齊研究小朋友遊戲嘅規則與創意！

大人幾時應該放手俾小朋友去玩，幾時應該保護佢哋？

小朋友幾多歲先識得自己去衡量風險，避免危險？

今集「好孩子． #小人國大人話」請嚟香港心理學會註冊臨床心理學家 #趙思雅 姑娘，同家長們一齊研究點為之適當嘅保護，點為之過分疼愛！

成長過程中，小朋友少不免面對失敗。有人話，對小朋友唔應該成日話佢哋「錯咗」、「輸咗」，寧願話「未啱」、「未贏」，咁係幫助建立小孩嘅自信？定係會令佢哋日後對「錯」、「輸」有更大恐懼？

今集「好孩子． 小人國大人話」請嚟香港心理學會註冊臨床心理學家趙思雅 姑娘，同你一齊從言語中建立小孩嘅自信！

故事係小朋友成長嘅重要部份，但最近喺疫情下，有小學甚至係幼稚園，為了考核幼兒嘅能力，要小朋友喺鏡頭前講故事，好多家長頭都大哂~

今集「好孩子．小人國大人話」請嚟香港心理學會註冊臨床心理學家趙思雅 姑娘，同大家一齊分析呢個現象，仲分享點樣先係好嘅親子講故事moment！

小朋友學習講說話，一開始通常都會含糊不清，家長一方面又想鼓勵小朋友放膽多講嘢，但係又唔想佢哋咬字唔正，究竟點做好呢？

今集「好孩子． 小人國大人話」請嚟香港心理學會註冊臨床心理學家趙思雅 姑娘，一齊探討「暢所欲言與字正腔圓」，話你知有咩要特別留意！

唔少學校都有分階段咁復課，雖然面授時間唔長，但係家長難免會擔心復課之後，小朋友重新適應學校嘅生活會有困難。好耐冇見嘅同學仔，又相唔相處到呢？

今集「好孩子．小人國大人話」請嚟香港心理學會註冊臨床心理學家趙思雅 姑娘，一齊探討「停課與復課」，話你知有咩要特別留意！

有冇發現你嘅小朋友明明鍾意同其他人玩，但有時見到人哋玩得開心，想加入又不知所措？

今集「好孩子． 小人國大人話」會同香港心理學會註冊臨床心理學家 #趙思雅 姑娘，一齊探討小朋友嘅社交生活~

下次試吓用趙姑娘嘅方法，睇吓幫唔幫到你嘅小朋友交朋友啦！