Heilt Sjef!

Me har hatt ein prat med Britt Kristin og Vidar Jørgensen Nærheim. Dei presenterer seg sjølv som ein familiegard i Suldal med laksefiske, utleigehytter, vedproduksjon, sauehald og generelt mangesyslerier.

Brødrene Steffen og Kristoffer Øigjord er frå Jelsa, og har etablert produksjonsselskapet Snotrava. Dei er aktuelle som regissørar av ein musikkvideo med den norske artisten Ida Tolou. Låta er produsert av Wyclef Jean og videoen er lansert for den amerikanske marknaden.

Møt Bonolo Ramphomane Aandahl, dama som kom til Suldal som trenar på ToppVolley, og som har starta urban kafe, pop up-butikk og som driv Suldal Bad. Bonolo vågar å meine, og ho vågar å satse.

Me har møtt Rolf Henrik Tveit frå Sandsbygda. Han overtok garden då han var 18 år. No er han 30 og me lurer på kva han tenkjer om gardsdrifta, lokalmat, griser og framtida som bonde.

Øyvind Valen har vore rådmann i Suldal i åtte år. No blir han ganske snart ein aktiv pensjonist og tida nærmar seg for å takka av og overlate roret til, ikkje til ein ny rådmann, men til ny kommunedirektør. Kva tankar gjer han seg om tida si som rådmann i Suldal?

I denne episoden snakkar me om koronasituasjonen  og kva dette gjer med næringslivet vårt. Me har med oss Olav Lindseth som gjest i studio, han er dagleg leiar på Energihotellet og leiar i Suldal Næringsforening. Som så mange andre sit me også på heimekontor for tida, og har tatt opp podcasten via Teams, difor er lyden prega av kvardagslivet i heimen.

I dag snakkar me om endringar og om moglegheiter! Gjestene våre i studio er Per Arne Fisketjøn frå Suldalsbussen AS og Suldal Billag Service AS, og Andreas Fløgstad frå Tveit Regnskap AS.