Heimabíó

Heimabíó er í boði Fönix - fonixveitingahus.is 

Það er komið að því að taka eina gjörsamlega legendary mynd. Pulp Fiction þekkja allir og óumdeilt að hér sé á ferð ein af bestu myndum allra tíma. Tryggvi var ekki alveg að átta sig á því hvernig hann gat horft á 2 og hálfs tíma mynd sem fjallaði basically um ekkert en við köfum dýpra í það í þættinum. 

Næsta mynd er Knives Out 

Þessi þáttur er í boði Fönix Veitingahús

BIRDMAN! Ofurhetju-egó-leiklistar-has been-hollywood mixtúru myndin sem gerir endalaust grín af sjálfri sér er mynd vikunnar. Sigurjón hafði miklar áhyggjur af því að Tryggvi myndi sofna eða einfaldlega ekki ná að klára hana út af leiðindum en svo var ekki staðan. 

Næsta mynd : Pulp Fiction

Við höldum áfram með double þemað frá síðustu viku : Korea og mindfuck. Nú tökum við kvikmyndina Oldboy frá 2003 eftir Park Chan-wook. Þessi mynd hefur löngu fest sig í sess sem ein af must-see kóreskum kvikmyndum og er alls ekki fyrir viðkvæma en það er einmitt það sem Tryggvi er! Mjög, mjög viðkvæm lítil sál og spoiler alert, hann var með bolinn á nefinu allan tímann reiðubúinn að rífa hann upp yfir augun þegar hann gat ekki meira.

Mynd næstu viku er engin önnur en óskarsverðlauna myndin Birdman

Heimabíó er í boði Fönix Veitingahús! 

Við erum búnir að leggja bílnum og höldum af stað til Koreu. Í þessari viku horfum við á óskarsverðlauna myndina Parasite sem lét Tryggva svitna óþæginlega mikið og þá meina ég að hann var virkilega ógeðslegur. Næsta mynd á dagskrá er Oldboy

Það er komið að síðustu Fast And The Furious myndinni í bíli (pun intended) áður en Sigurjón og Tryggvi missa gjörsamlega allt vit. Strákarnir voru ekki alveg sammála um gæði myndarinnar en voru þó sammála um það að aðalkarakterinn væri hreint og beint drasl. 

Við hvetjum ykkur að sjálfsögðu til að taka þátt og vera með í áhorfinu. Næsta mynd verður 180 gráðu beygja (þetta er ástæðan fyrir því að við erum að hætta, ég skrifa bara í bíla myndlíkingum) en það er engin önnur en Parasite!

Hvað þarf að segja ? Við höldum áfram í Fast And The Furious maraþoninu okkar en í þetta skiptið er engin Dom, það sem við höfum þó.... er fjölskylda. 

Í fyrsta þætti af Heimabíó fara Tryggvi og Sigurjón yfir hver tilgangur þáttarins sé og byrja á fyrstu myndinni - The Fast And The Furious.

Það er deilt um hvort bílarnir séu flottir, hvaða lífsráð frá Dom er best og að Corona sé í rauninni aðalhutverkið í myndinni.