Heimili og skóli

Þóra Jónsdóttir, verkefnastjóri hjá Barnaheillum og Eiríkur Ásgeirsson rannsóknarlögreglumaður hjá lögreglunni á Suðurnesjum ræða saman um Ábendingalínu Barnaheilla. Þau svara spurningum um hvað sé gert við tilkynningarnar sem berast og afhverju það er mikilvægt að tilkynna ef við sjáum ólöglegt eða óviðeigandi efni.

Hægt er að finna Ábendingalínu Barnaheilla á https://www.barnaheill.is/is/abendingalina eða með því að smella á strokleðrið efst í hægra horninu á barnaheill.is

Hanna Ruth Ólafsdóttir og Sandra Björk Birgisdóttir verkefnastjórar Hjálparsíma Rauða krossins 1717 kíktu til okkar og spjölluðu sín á milli um starfsemi 1717, hver það eru sem nýta og geta nýtt þjónustu hjálparsímans og gefa góð ráð hvað hægt að gera ef manni líður illa. Þær ræddu einnig ýmis mál sem brennur á ungu fólki eins og neteinelti og hvað sé hægt að gera ef einhver lendir í því.

Bryndís Jónsdóttir sérfræðingur hjá Heimili og skóla ræðir við Sigríði Björk Einarsdóttur framkvæmdastjóra SAMFOK, Salvöru Sæmundsdóttur sérfræðing hjá Umboðsmanni barna og Stellu Hallsdóttur lögfræðing hjá Umboðsmanni barna um eineltismál.

Umræðuefni okkar í dag er einelti á breiðum grunni. Fyrir skömmu tóku þær þátt í  World anty-bullying forum ráðstefnunni í Stokkhólmi. Ráðstefnan er mikilvægur vettvangur fyrir samtal milli þeirra sem stunda rannsóknir á einelti, þeirra sem starfa að forvörnum, hagsmunaaðila og þeirra sem vinna við stefnumörkun enda er áhersla á þekkingu byggða á rannsóknum.  Meðal annars er rætt um það sem fram fór á ráðstefnunni.

Í fyrsta þætti Netöryggi á nýjum tímum ræðir Bryndís Jónsdóttir við Sigurð Hauk Gíslason, kennsluráðgjafa í upplýsingatækni við grunnskóla Kópavogs. Þau ræddu meðal annars um börn og snjalltæki, reglur, skjátíma og það jákvæða sem tæknin gefur okkur.

Magnús Þór Jónsson, verðandi formaður Kennarasambands Íslands kíkti í heimsókn til okkar og Arnar Ævarsson spjallaði við hann um stöðuna í skólunum í dag, framtíðarsýn hans og samstarf heimila og skóla.

Bryndís Jónsdóttir sérfræðingur hjá Heimili og skóla ræðir við Arnar Ævarsson framkvæmdarstjóra samtakanna um hvað Heimili og skóli gerir og fara yfir helstu verkefni.