Հետաքննող Լրագրողներ

#Ստեփանավան ի բժշկական կենտրոնում կառավարչական կամայականությունների մի ուշագրավ պատմություն է բացահայտվել, որի կենտրոնում հաստատության տնօրենն է։ Նախկին աշխատակիցները «Հետքին» ահազանգել են, որ #հիվանդանոց ում գործել է կեղծ բուժառուների գրանցման սխեմա, որի նպատակը պետական միջոցների ապօրինի յուրացումն է։ Բժիշկների պնդմամբ՝ տնօրենը պարբերաբար ստիպել է փաստաթղթերով ավելացնել հիվանդների թիվը, իսկ նրանք, ովքեր համարձակվել են մերժել, հայտնվել են «ոչ ցանկալիների» ցուցակում և ստիպված դուրս եկել աշխատանքից։

«Հետքի» հրապարակումից հետո նախկին տնօրեն Անուշ Իսպիրյանի և հիվանդանոցի հաշվապահի նկատմամբ հարուցվել է հանրային քրեական հետապնդում՝ վստահված գույքի հափշտակության և խարդախության մեղադրանքներով։

Ըստ բժշկական կենտրոնի նախկին աշխատակիցների՝ Ա. Իսպիրյանն իրենց  անունով, իր անձնական կարիքների համար վարկեր է վերցրել բանկերից, որոնց մարումն այնուհետև իրականացվել է հիվանդանոցի #բյուջե ից հատկացվող պարգևավճարների ու հավելավճարների միջոցով։ Սրանից կարելի է ենթադրել, որ պետական միջոցները ծառայեցվել են տնօրենի անձնական պարտավորությունների կատարմանը։
Բժշկական կենտրոնը կուտակել է ավելի քան 80 միլիոն դրամի չկատարված պարտավորություններ։ Հիվանդանոցի դեմ ներկայացված հայցերը վերաբերում են դեղորայքի, սարքավորումների և նույնիսկ կոմունալ ծառայությունների դիմաց չվճարված գումարներին։ 

Ա. Իսպիրյանը և Պաշտպանության նախարար Սուրեն Պապիկյանը հերքում են ընտանեկան մտերմությունը, սակայն Ստեփանավանի ԲԿ-ի նախկին աշխատակիցներն ասում են, որ այդ կապը շահարկելով է նախկին տնօրենը չարաշահել իր դիրքը:

«8-րդ հարկ» փոդքասթի հերթական թողարկումը պետական և դրամաշնորհային միջոցներով Հայաստանում իրականացված անտառապատման մասին է։ #Անտառ ապատման ծրագրերը փաստաթղթերի համաձայն իրականացվել են, իսկ բնության մեջ դրանց մեծ մասն այլևս չկան։ Հետքի լրագրողներ Քրիստինե Աղալարյանը և Տիրայր Մուրադյանը փոդքասթի ժամանակ զրուցում են Հետքի՝ «Անտառներ՝ թղթի վրա․ ինչպես փոշիացնել գումարները» հրապարակման մասին։

«8-րդ հարկ» փոթքասթի չորրորդ թողարկումը #Սևան ա լճի շուրջ կատարված և կատարվող իրադարձություններն են։ Հետքի գլխավոր խմբագիր Էդիկ Բաղդասարյանն ու լրագրող Տիրայր Մուրադյանը զրուցում են Սևանա լճի վերաբերյալ «Հետքի» տարբեր տարիների հրապարակումների մասին։ 

«8-րդ հարկ» փոդքասթի երրորդ թողարկումը կեղծ #դեղ երի ու սև շուկայի մասին է։ #Քաղցկեղ ի, հորմոնալ խանգարումների, շաքարային դիաբետի և այլ հիվանդությունների բուժման համար նշանակվող բազմաթիվ դեղեր #Հայաստան ում  գրանցված չեն, սակայն ազատ վաճառվում են դեղատներում։ Որոշ դեղեր հասանելի են նաև սև շուկայում։ Այդ դեղերի որակը կասկածելի է՝ չկա պատշաճ վերահսկողություն։

Պետական եկամուտների կոմիտեն չի կարողանում լիարժեք կանխել մաքսանենգությունը, իսկ Առողջապահական և աշխատանքի տեսչական մարմնի ստուգումները չեն զգաստացնում դեղատների սեփականատերերին: Ինչպե՞ս են չգրանցված դեղերը շրջանցում սահմանային վերահսկողությունը։ Փաստացի, պետությունը սև շուկան վերահսկելու լծակներ չունի։ 
 
«Հետաքննական լրագրության բյուրոյի» հետաքննությունը 2023թ. բացահայտել է՝  Հնդկաստանից ներմուծված քաղցկեղի դեղերի 20%-ը չի համապատասխանում որակական չափանիշներին։ Այդ անորակ խմբաքանակները, որոնք արդեն հայտնվել են աշխարհի 100-ից ավելի երկրներում, չեն շրջանցել նաև Հայաստանը։ Ըստ նույն հետաքննության՝ նույնիսկ մանկական քաղցկեղի բուժման համար նախատեսված որոշ դեղեր կասկածելի բաղադրություն ունեն:

Հայաստանում դեղերի գրանցման գործընթացը տևում է մինչև 180 օր։ Դեղ արտադրողների մեծ մասը Հայաստանի փոքր շուկայի պատճառով խուսափում է քաշքշուկից և գերադասում դեղերը չգրանցել: Դրանից օգտվում են այլ անձինք՝ դեղերը շրջանառելով սև շուկայում:

«8-րդ հարկ» փոդքասթի երկրորդ թողարկումը #Աբովյան ի և #Առինջ համայնքային հողերի սեփականաշնորհման, դրանց կառուցապատման և պաշտոնյաների կողմից այդ շենքերում գույք գնելու մասին է։ #Փոդքասթ ում «Հետքի» հրապարակումները քննարկում են «Հետքի» գլխավոր խմբագիր Էդիկ Բաղդասարյանը, լրագրողներ Արմեն Ղազարյանը և Տիրայր Մուրադյանը։ 

Ինչպես կառավարությունը տապալեց ԱՆԻՖ-ի ներդրումային ծրագիրը․ 8-րդ հարկ

«Հետք»-ը փոդքասթների շարք է սկսում, որտեղ քննարկվելու են արդեն իսկ հրապարակված լրագրողական #հետաքննություն ները։ Շարքի առաջին թողարկմանը «Հետքի» գլխավոր խմբագիր Էդիկ Բաղդասարյանը, լրագրողներ Վահե Սարուխանյանն ու Տիրայր Մուրադյանը քննարկում են #ԱՆԻՖ հիմնադրամի գործունեությունը։  

Հայաստանի պետական հետաքրքրությունների ֆոնդի (ԱՆԻՖ-ի) վերաբերյալ «Հետքում» մի շարք հոդվածներ են հրապարակվել, որոնք բացահայտում են ներդրումային ֆոնդի կասկածելի գործարքները։ Մեր հրապարակումներից հետո իրավապահները քրեական վարույթ են նախաձեռնել, հետախուզվում է ֆոնդի նախկին տնօրենը։