Í sjeytiárunum vóru tríggir føroyskir leikfilmar gjørdir. Árini frá 1975 til 1977 gjørdi Hispania Films við spaniólanum Miguel Hidalgo á odda tríggjar filmar við føroyskum leikarum. Fyrsti filmurin var "Rannvá". Hann var grundaður á skaldsøguna, ið Dagmar Joensen-Næs skrivaði. Í 1976 kom filmurin "Heystblómur", sum var ein nútíðarsøga. Hidalgo hevði sjálvur skrivað leikritið. Triði og síðsti filmurin var "Páll Fangi" - grundaður á søgnina um Páll Fanga. Filmarnir vórðu sýndir alment í Føroyum, bæði í Havn og aðrastaðni.