حكايات تضحك وحكايات تعلم مع نيفين سراج الدين

كتير بيحصلنا فوبيا من حاجات وساعات بنعرف سببها وساعات وممكن خوفك الشديد حتى من كائن يحولك لواحد متكهرب في الشارع 😂😂 هو ده موضوع حلقتنا النهارده في حكايات تضحك وحكايات تعلم اسمعوا حكاياتي مع الكلب🐕🐕 وياسمين

الحلقة النهارده تعتبر امتداد للحلقة اللي فاتت واللي بتتلخص في متتهورش عشان متتعورش 😂 يعني الاندفاع شوفوا عمل ايه في صحابي واتعلمت منه درس مهم جدا .. ملحوظه على الماشي ماما عشان عارفه بنتها❤😀🌹 قررت انها تسمي المره دي عنوان البودكاست يارب يعجبكوا في انتظار تعليقاتكم ولو ليكوا تجارب شبهي حصلت معاكوا

ساعات التسرع في اي تصرف أو خطوة ممكن تبقى نتيجته خطيرة جدا حتى لو حاجة بسيطه أو صغيره لازم ندرس كل خطوة والا 😂👿👿 اسمعوا الحلقة وأنتوا تعرفوا

بيقولوا الفنون جنون والعقل زينه لكن مش الفاترينه😂😱 في حلقة النهاردة حكايتي مرتبطه بعبقريتي الفذه "مش أوي" ومصايب عملتها نتيجة ذكاء خارق بالعكس أكيد في مننا كتير عمل حاجات من ديه ياريت تشاركوني ياترى حد فيكوا كان ليه تجارب خارقه زي بالعكس؟ واستفاد ايه من التجربه؟

كام مره كأنثى روحتي وسافرتي لوحدك ودورتي على مكان تأجريه عشان شغل او دراسه ولاقيتي صعوبات أو نظرة ليكي مش ولابد في حلقتنا النهاردة ححكيلكم مواقف اتعرضتلها بسبب التفكير والنظره ديه ولو انت اتعرضتي لموقف شبيه يسعدني تشاركوني في التعليقات 😊🌹

كتير بتبقى نفسك في حاجه وتسعى ليها لكن ممكن تعمل مجموعة حاجات مش في الاتجاه اللي بتسعي ليه تغير مسارك ،في حلقة النهارده ححكلكم مجموعة تجارب مريت بيها في مجال حلمي وعملي كانت نتيجتها خوزعباليه 😂😂😁 بس اتعلمت اسمعوا وقولوا رأيكوا ❤🌹

لما يكون عندك قناعه بحاجه ومتأكد انها مش غلط حتى لو كان في المجمل في بعض الاخطاء لازم تصر على رأيك ومتخليش كلام الناس يقصر فيك ومش عيب برضه انك تعترف بأخطائك وتعتذر كمان في حكايتي مع مستر أمين اتعلمت حاجات وغلط في حاجات وأخدت موقفدوقرار برضه وفي نفس الوقت كل ما افتكر الموقف اضحك...

كام مره اتعرضتي ل تحرش ؟ تصرفك كان ازاي في كل مره بالنسبالي كل ما أكبر وأفهم أكتر بتحول الى الرجل الاخضر في تعاملي مع الموقف في الحلقة حتعرفوا ازاي

القصه هنا ان ممكن اندفاعك في ساعة غضب يضيع حقك وبلاش نعمل دايما من الحبه قبه نحط كل حاجه في مكانها الصحيح

كم مره في حياتك اكتشفت في نفسك مهارة بالصدفه.. بس السؤال المهارة ديه قلت ولا زادت.. حكايتي مع العصفوره الاورجامي بتجاوب على كل الاسئله اللي السابقه