How's the weather?

Lokaþátturinn í Hollandsseríunni var tekinn upp á Íslandi vegna óviðráðanlegra aðstæðna. Hér fer ég yfir endalok Hollandsdvalarinnar og hvað tekur við.

Fer hér yfir stöðuna í Hollandi  þessa dagana í ljósi þessa fordæmalausa skaðvalds sem nú hefur heltekið heimsbyggðina.

Hér svífur andi nostalgíunnar yfir vötnum þegar ég fer yfir tónlistarferil minn allt frá árinu 2007. Brot úr 30 lögum fá að heyrast og einnig nokkur í fullri lengd.

Hér er kominn nýr bjór dagsins! Andleg heilsa og einelti eru aðal umræðuefni þessa þáttar. Einnig kemur Bjórfjelagið Guðbjartur við sögu.

Því miður gleymdi ég að fara yfir veðrið, en það skiptir sennilega engu máli því það er búið að vera eins allan janúar. Fer hér yfir próflok í lok janúar, andlega heilsu og mataræði að örlitlu leiti.

Hér tek ég hús á góðum vini mínum, Garðari Andra, í Zurich í Sviss, sem þar býr og starfar fyrir Google. Einnig förum við yfir marga aðra hluti svosem tækniþróun síðustu áratuga, keppnisforritun og háskólanám ásamt fleiru áhugaverðu.  Drykkir dagsins eru kynntir til sögunnar, þrír talsins og þeir smakkaðir. Það var úrhellis rigning þegar þátturinn var tekinn upp og veðurfar í Sviss er rakið nokkuð nákvæmlega. Við förum einnig yfir hversu flott borg Zurich er.

Hér fer ég yfir svo kallað "Research Proposal" skjal sem ég þarf að senda Háskólanum í Amsterdam fyrir 1. febrúar og ég er nýlokinn við að gera. Er það til þess að sækja um að fá að skrifa mastersritgerð um það sem ég fjalla um í þessu sama skjali. Í seinni hlutanum fer ég síðan meira yfir dvölina hérna í Amsterdam og einnig má undir lokinn finna nokkrar leiðréttingar frá fyrri þætti.

Hér rek ég dvöl mína og nám í Hollandi síðan í lok ágúst 2019.

Hér er einvörðungu verið að prufa tólin og stilla til.