Jaaaaaaaaa! Doar zien wae wir, unne daag det Katja as sjoof de pook lut verdwiene. Snaps wel det wae automaat rieje. Wae hebben de kermis overlaefd, de kermis in de kop en ut laeve is eine groeete kermis. De attracties waere duurder, de prieze bej ut touwtje trikke zien nog slechter dan ut goijekaupste greij bej de Ac-tion en bliekbaar is de gebakken vis neet mier te vangen in de doeije zieë. Al mit al genog om os wir enorm druk te maken euver vanalles en nog get. Luuster mit os mit op unne daag waor desse naater onger de erm bis dan unne zieëhonk bej ut Dolfinarium.