Այս թողարկումը միաժամանակ դասական բիթրեյթյան ոճով է, միաժամանակ ոչ. լսելու ենք 4 ալբոմ, որոնցից մեկը նման է միքսթեյփի (Khalid), մյուսը հետմահու ալբոմ է (Juice WRLD), երկուսն էլ կենդանի կատարումներով ալբոմներ-վերաթողարկումներ են (Green Day, Fleet Foxes): 

Դեկտեմբերի 13-19-ը հայտարարված է «Հայրենադարձության շաբաթ». այս օրերին Սփյուռքի գործերի գլխավոր հանձնակատարի գրասենյակը մի շարք օնլայն և օֆլայն միջոցառումներով ներկայացնում է հայրենիք վերադարձի հնարավորությունները, պատասխանում աշխարհի տարբեր ծայրերում ապրող հայերի հարցերին։ Առանձին միջոցառում է նախատեսված նաև սփյուռքահայ երիտասարդների համար։

«Հայրենադարձության շաբաթվա», ընդհանրապես հայրենիք վերադառնալու խնդիրների ու դրանք լուծելու ուղիների մասին զրուցել ենք Սփյուռքի գործերի գլխավոր հանձնակատարի փորձագետ Մարգարիտա Բաղդասարյանի և «իԳործ» ծրագրի մասնակից Հերմինե Հարությունյանի հետ։ 

Նոր տարում բնությանն առավել քիչ վնաս կհասցնենք. հունվարի 1-ից 50 միկրոտոն հաստությամբ պոլիէթիլենային տոպրակների վաճառքը կարգելվի։ Շրջակա միջավայրի նախարարության այս արգելքին զուգահեռ մի շարք տնտեսվարողներ և նախաձեռնություններ սպառողներին այլընտրանքային տարբերակներ են առաջարկում։ 

Թեմայի մասին զրուցել ենք Շրջակա միջավայրի նախարարության Ռազմավարական քաղաքականության վարչության պետ Լուսինե Ավետիսյանի և «Հավատարմության տոպրակ» գաղափարի հեղինակ, «Համայքների կայուն զարգացման նորարարական լուծումներ» ՀԿ-ի նախագահ Մխիթար Ավետիսյանի հետ։ 

Մանյան այն հայ մարդն է, ով հաստատ դրախտում, եթե նման բան գոյություն ունի ընդհանրապես, իր տեղն ունենալու է,  քանզի շրջում է Հայաստանի սրճարաններով, ռեստորաններով և մարդկանց ցույց տալիս, թե որտեղ ինչ և ինչ գնով կարելի է ուտել և խմել։

Մանյան որոշում է որ պետք է նման լավ գործով զբաղվի,ամեն ինչ պատրաստում է, բայց աշխարհում որոշում են, որ պետք է «Կորոնավիրուս» անունով մի համավարակ գա և այնպես անի, որ հենց այդ ոլորտի վրա ազդի առաջինը։ Եթե Մանյան լիներ նարցիստիկ խանգարմամբ հոռետես մի անձնավորություն, հաստատ ամեն տեղ կասեր, որ այդ ամենը եղավ նրա համար, զուտ որ նա հաջողությունների չհասնի։

Մինչև տարեվերջ Առաջատար տեխնոլոգիաների ձեռնարկությունների միությունը նախատեսում է հիմնել ԱԹՍ կրթական լաբորատորիաներ, որտեղ 14-18 տարեկան երեխաները կկարողանան ԱԹՍ տեխնիկական սպասարկում և կառավարում իրականացնել: Յուրաքանչյուր աշխատանոցում գործելու է 3 խումբ և միջինում հաճախելու է 27 երեխա: Մեկ ԱԹՍ աշխատանոցի հիմնադրման արժեքը 6,5 մլն դրամ է, որում ներառվում է 7 թռչող սարք հավաքելու հնարավորություն, կլինի սարքավորում, որի միջոցով ինքնուրույն կստեղծեն ԱԹՍ-ների առանձին մասեր: Փաթեթում ներառված է նաև 2 խմբավարի պատրաստում՝ 100 ժամ տևողությամբ, ինչպես նաև մյուս տարի նախատեսվում է առաջին տեխնոլոգիական ճամբարը՝ ԱԹՍ-ների գծով:

TikTok- սոցիալական հավելվածը  հրապարակել է 2021-ի ամենահայտնի երգերի իր վարկանիշը՝ հիմնված օգտատերերի  կողմից դրանց պահանջարկի վրա։

առաջին հորիզոնականում ՝  Masked Wolf-ի  Astronaut in the Ocean-իերգն է, Երկրորդ տեղում Måneskin-ն է՝ մեդքոն խմբի Beggin երգի քավըրով, երրորդում ռեփեր Popp Hunna-ի Adderall-ը ։ Չորրորդ-ը  կանադացի երաժիշտ ElyOtto-ի SugarCrash!-ն է, հինգերորդը՝  Ջասթին Բիբերի և The Kid Laroi- ի Stay-ը

Չզարմանաս, որ ասեմ՝ այս շաբաթ ոչ մի հետաքրքիր թողարկում չկար ու նոր ալբոմներ չենք լսելու, բայց, դա չի նշանակում, որ Բիթրեյթ չի լինելու։ Այսօրվա էպիզոդը նվիրված է նախորդ շաբաթների երաժշտական աշխարհի ամենաակտուալ թեմային՝ Գրեմմի մրցանակաբաշխությանը, մասնավորապես, տարվա ալբոմ անվանակարգին․ ովքեր են հավակնում գլխավոր մրցանակներից մեկի հաղթանակին, ինչու և ինչպես։

Ամիսներ առաջ Ստեփանակերտում անցկացվեց «Ինքնահռչակ նկարիչ» կոմիքսների ամառային դպրոցը, որը նախաձեռնել էր արմատներով արցախցի պատմաբան, ազգագրագետ Անահիտ Բաղդասարյանը։ Երկար տարիներ է, ինչ Անահիտն ապրում է Մոսկվայում, ինձ հետ հեռախոսազրույցի ժամանակ պատմեց, որ նման դասընթաց անցկացնելու միտք նրա մոտ առաջացել էր 44–օրյա պատերազմից հետո, երբ գնացել էր Արցախ։ Ասում է՝ սիրում է նկարել, ազատ ժամանակ կոմիքսներ է ստեղծում կամ դրանց համար սցենար մշակում, քանի որ կարծում է՝ պատկերապատումը մեծ ազդեցություն ունի ժամանակակից մշակույթի վրա և մեր պատմության մասին պետք է խոսենք տարբեր լեզուներով՝ այդ թվում կոմիքսների։ Դասընթաց օգնում է ստեղծագործող մարդականց արվեստի ու կոմիքսների միջոցով խոսել Արցախի մասին, բնակինչների ու առկա խնդիրների։ Եթե մասնակիցներից մեկն էլ հետագայում սկսի զբաղվել պատկերապատմամբ, ապա մեծ հաջողություն կլինի,–ասում է Անահիտն ու հավելում, որ հիմա ցանկանում է ամառային դպրոցն ամենամյա դարձնել, ավելի շատ մասնակիցներ ընդգրկել։

Երբևէ մտածել ե՞ք այն հարցի շուրջ, թե արդյոք միշտ ճիշտ ե՞ն մայրերը, նրանց խորհուրդները միշտ են ճիշտ, նրանց սերն իրո՞ք պետք չէ կասկածի տակ դնել, ճիշտ է՞, որ մայրը երբեք չի նեղացնի իր երեխային։

Նման հարցրե բարձրացնելն, օրինակ, մեր հասարակության մեջ խիստ դատապարտելի են, որովհետև եթե մայր, ուրեմն փակված են բոլոր թեմաները։

Բայց հոգեբանության մեջ ամեն ինչ ռեալ է։ Մայրերն էլ կարող են վնասել երեխաներին՝ հաճախ հենց հոգեբանական տրավմաներ տալով, մտածված կամ էլ անգիտակցաբար։

Ծնող-երեխա հարաբերություններից խոսելը, կարծում ենք, միշտ էլ ակտուալ կլինի։ Այդ էպիզոդում հոգեթերապևտ Մարիամ Զոհրաբյանի այցելուն երիտասարդ կին է, ով իսկզբանե եկել էր այլ խնդրով։

Հետո անակնկալ ձևով պարզվում է, որ կինը խնդիր ունի հարազատ մոր հետ։ Երիտասարդ տարիքում հաճախ է զգացել, որ մայրն իրեն թերագնահատել է, ուշադրություն քիչ է դարձել։ Մնացած երեխաների համեմատությամբ իրեն ավելիք քիչ էմոցիաներ տվել։

Ընդունված է համարել, որ մայրերը իրենց երեխաներին պետք է հավասարապես սիրեն՝ անկախ ստացած գնահատականներից, հնարավորություններից, ֆիզիկական տվյալներից և այլնից։ Բայց տարբեր պատճառներով այդ այսպես ասած սխեման կարող է խախտվել։ Եթե հենց հիմա փորձեք գուգլի փնտրման դաշտում գրել մայրս մեծ քրոջս կամ եղբորս ավելի շատ էր սիրում քան ինձ, բազմաթիվ պատմություններ կկարդաք, կլսեք և կտեսնեք։ Մեր հերոսն էլ այդ մարդկանցից մեկն է։

Դիանա Առաքելյանը սպորտի վարպետ է,  գեղարվեստական մարմնամարզության մարզիչ։ Եվ երբ առաջարկեցի մեզ պատմել իր ձախորդություններից վստահ էի, որ մասնագիտական կյանքում հաստատ ունեցել է նման պատմություններ, հետո պարզվեց, որ Դիանայի ամբողջ կյանքն է ոտքից գլուխ ձախորդություն, ինչպես և շատերինս։

Դիանան կապանից է եկել Երևան։ Դժվարություներ շատ է ունեցել, հիմա էլ ունի։ Ասում է, որ դժվարությունները հաղթահարելու ձևը մեկն է՝ իմանալ, որ այս կյանքում ամեն ինչ էլ կարող է պատահել, պետք է պարզապես կազմ պատրաստ սպասել դժվարություններին։