Եթե դու 18-30 տարեկան ես ու ունես հրաշալի գաղափար, որը կարող է դառնալ հաջողված սոցիալական ձեռնարկատիրություն, այս նախագիծը քեզ համար է: 

«1991 ստորաբաժանման» արհեստական բանականության խմբի 5-րդ նախապատրաստական դասընթացին մասնակցելու համար հայտերն ընդունվում են մինչև դեկտեմբերի 30–ը։ Դրանք կարող եք ուղարկել [email protected] հասցեին։ Հայաստանի գիտության և տեխնոլոգիաների հիմնադրամի, ՀՀ պաշտպանության նախարարության աջակցությամբ յուրաքանչյուր զորակոչից 6 ամիս առաջ անցկացվող դասընթացները 6 ամիս տեւողությամբ են: Զորացրվելուց հետո լավագույն ուսանողներին կառաջարկվի աշխատանք  ՀՀ պաշտպանության նախարարության համապատասխան ստորաբաժանումներում, բարձր տեխնոլոգիական ընկերություններում։ 

Օրեր առաջ տեղի ունեցավ «ՏՏ ոլորտում լավագույն ուսանողների ամենամյա կրթական պարգև» մրցույթի հաղթող 30 ուսանողների պարգևատրումը: Այս տարի մրցանակաբաշխությանը մասնակցել է ՀՀ բուհերի 102 ուսանող։ Մրցույթը անցկացվում է 2005 թվականինց՝ «Սինոփսիս Արմենիա» ընկերության հովանավորությամբ: Առաջնորդվելով «Բացահայտել լավագույններին, խանդավառել հաջորդներին» կարգախոսով՝ մրցանակաբաշխության նպատակն է ճանաչել ու խրախուսել տեղեկատվական տեխնոլոգիաների ասպարեզում լավագույններին:

Դեղագործ-դեղագետ Սոֆի Մնջոյանը Տեխասից պատմում է իր՝ «Դեղատար» նախագծի մասին, որը ստեղծելու մտադրություն դեռ ուսանողական տարիներից է ունեցել։ Դեղատուն անիվների վրա ծրագրի նպատակն է շրջել Հայաստանի այն գյուղերով, որտեղ դեղատները հասանելի չեն և ապահովել մարդկանց անհրաժետ դեղամիջոցներով։ Շարժական դեղատունը ունի նաև սոցիալական բաղադրիչ։ Թոշակառուները և մինչև 2 տարեկան երեխաները 5–ից 6 դեղ անվճար կստանան, տարբեր Հկ–ների հետ համագործակցելով, որոշակի հիվանդություններ ունեցող մարդկանց անհաժեշտության դեպքում դեղերը անվճար կտրամադրվեն։

ReArmenia-ի պլատֆորմի շրջանակներում իրականացվում է բարեգործական նախագիծ Արցախի սահմանամերձ Վաղուհաս գյուղի համար:  Արցախի սահմանամերձ Վաղուհաս համայնքի ամեն ընտանիքում ապրում են միջինում 8-12 երեխա։ Սակայն, երկու պատերազմների արդյունքում չկա ոչ մի խաղահրապարակ, մանկական կենտրոն, գրադարան, որտեղ երեխաները կարող են միասին անցկացնել իրենց ազատ ժամանակը, միջոցառումներ կազմակերպել, հանգստանալ, քայլել և խաղալ մաքուր օդում:  Ծրագրով նախատեսվում է համայնքի 230 երեխաների համար կառուցել խաղահրապարակ և նոր, ժամանակակից գրադարան, որի համար սկսվել է դրամահավաք:  Նախագծին կարող ես աջակցել դու՝ նվիրաբերելով անգամ քիչ գումար:

Արթուրի կյանքում տեղի ունեցած ձախորդություններից մեկը որքան էլ խիստ մասնագիտական է, մեկ է՝ հաստատ պետք կգա շատերին, որ ապագայում զգուշավորության բարձր մակարդակ ունենան։

Ուղիղ եթերի ժամանակ Արթուրը մոռանում է անջատել իր միկրոֆոնն ու բոլորը լսում են, թե ինչ է կատարվում ստուդիայում։ 

Հասարակությունը որոշ չափով պետք է հասկանա ժեստերի լեզուն, որ հարկ եղած դեպքում կարողնանա հաղորդակցվել լսողական խնդիրներ ունեցող մարդկանց հետ,–ասում է 24–ամյա Արեն Ալավերդյանը և հավելում՝ այդ էր պատճառը, որ տարիներ առաջ որոշեց ժեստերի լեզվի անվճար դասընթացներ կազմակերպել։ Կատարած աշխատանքի մասին Արենը դրական արձագանքներ հաճախ է լսում, ասում է՝ դրանք շատ են ուրախացնում, բայց առավել ոգևորվում է, երբ իմանում, որ ուսանողներն անհարժետության դեպքում կարողացել են կիրառել իրենց սովորածը։ Այսինքն իր ջանքերն արդյուքն են տալիս, երիտասարդները կարողանում են սերտել լեզուն։

Բիթրեյթի նոր էպիզոդը զարդարում են Bruno Mars-ի և Anderson .Paak-ի Silk Sonic դուետը, Paramore խմբի բազմամյա կիթառահար՝ HalfNoise երաժշտական նախագիծն ու մեր օրերի ամենաշատ երկրպագուներ ունեցող արտիստներից՝ Taylor Swift-ն իր բլոքբաստեր Red ալբոմի վերաթողարկումով:

ՀԱՊՀ-ում գործող Օդային ռոբոտատեխնիկայի ուսումնահետազոտական կենտրոնը կվերազինվի և կիրականացնի նոր ծրագրեր։ Համալսարանի և «Գիտական նորարարության և կրթության կենտրոն» հիմնադրամի միջև ստորագրվել է համագործակցության հուշագիր, համաձայն որի՝ վերազինվելու է օդային ռոբոտատեխնիկայի լաբորատորիան, իրականացվելու են համատեղ հետազոտություններ, հագործակցելու են տեղական և միջազգային գործընկերների, համալսարանների հետ: 2018-ից է գործում կենտրոնը, մասնագետները զարգացնում են հետազոտական ուղղություններն ու անօդաչուների նախագծումը՝ օգտագործելով կառավարման ճշգրիտ համակարգեր:

Նոյեմբերի 2-12-ը Նիդերլանդների «Լուսավոր Ապագա» հասարակական կազմակերպությունը երիտասարդների փոխանակման իր հերթական միջազգային նախագիծն իրականացրեց Հայաստանում։

«Վաճառքներ և ձեռնարկատիրություն» խորագրով տասնօրյա երիտասարդական միջազգային նախագիծն իրականացվեց Եվրոպական Միության աջակցությամբ:

Եվրոպայից և հարևան երկրներից Հայաստան ժամանած երիտասարդները հագեցած ու հետաքրքիր ոչ ֆորմալ կրթական ծրագրի շնորհիվ ձեռք բերեցին գործնական հմտություններ։

Նպատակը ոչ-ֆորմալ մեթոդների կիրառման արդյունքում զարգացնել գիտելիքներն ու փորձը՝ վաճառքի և գործարարության ոլորտում: