Ես-ի աշխարհում դրա՝ իրականության հետ ոչ մի աղերս չունեցող պատկերման մասին ալբոմում Սթիվենը 21-րդ դարի մեծագույն խնդիրների մասին է երգում․ սպառողական հասարակարգ, սոցիալական թվային աշխարհ, ձևերի ու կերպերի միջավայր, որը կանխատեսում է կծող ապագա։

«Խոշոր պլան»–ում քննարկում ենք ապատեղեկատվության դեմ պայքարի գործիքները և «Զանգվածային լրատվության մասին» օրենքում փոփոխությունների նախագիծը։ Ինչպես տարբերել ճիշտը ստից, թացը չորից․ զրուցում են տեղեկատվական անվտանգության փորձագետ Սամվել Մարտիրոսյանի և «Ինֆոքոմի» խմբագիր Սևակ Մամյանի հետ։

Արցախի դեմ սանձազերծված պատերազմում մեծ էր նաև սպիտակ բանակի մարտիկների առաքելությունը։ Հայկ Մարգարյանը մի քանի տարի առաջ է զորացրվել բանակից և կրկին ուսումը շարունակում է Մ.Հերացու անվան բժշկական համալսարանում։ Նա ևս հավատարիմ մնաց իր մարդկային ու մասնագիտական սկզբունքներին և պատերազմի առաջին օրերից մինչև ավարտը Արցախից վիրավոր զինծառայողներ դեպի ՀՀ տեղափոխող բժշկական խմբում էր` որպես կամավոր։

Գյուղացի Համբոյի տունը կռիվ էր ընկել։ 

Այսպես է սկսվում Թումանյանի ամենաէմոցիոնալ գործերից մեկը՝ Գիքորը։ Գիքորը հավաքական կերպարն է այն մարդկանց, որոնք գյուղից քաղաք են գնում ու ինչ-որ դժվարությունների մեջ ընկնում։ Ու եթե մի թեք հայացք գցենք, բոլորս էլ մի փոքր Գիքոր ենք, բայց այսօրվա հերոսս մի քիչ ավելի Գիքոր։ Ի տարբերություն Գիքորի, Վահեի փոխարեն ոչ ոք չորոշեց, որ ինքը պետք է քաղաք գնա։ Այդպես ստացվեց պարզապես։  Իր կյանքի անհաջող շրջանների մասին Վահեն համարյա առաջին անգամ է բարձրաձայնում։ Բուլինգ։ Ֆինանսական խնդիրներ։ Բարձրագույն կրթություն չստանալ։ Ինքնակրթման դժվար շրջան, բայց այսօր պատկերն այլ է։

«Հայաստանում գիտությունը պետք է սերտորեն համագործակցի նորագույն տեխնոլոգիաների հետ, որպեսզի հնարավոր լինի առաջընթաց գրանցել»,– համոզված է Ալիխանյանի անվան ազգային գիտական լաբորատորիա հիմնադրամի առաջատար գիտաշխատող Արմեն Ալլահվերդյանը: Լաբորատորիայում ստեղծվում է քվանտային բաժին, որը կարող է  հիմք դառնալ Հայաստանում միջազգային քվանտային կենտրոն հիմնելու համար: Նոր բաժինը պետք է ընդգրկի երիտասարդ կադրերի, մասնավորապես, ակտիվորեն համագործակցի Հայաստանում տեղեկատվական տեխնոլոգիաների մասնագետների հետ։  Արմեն Ալլահվերդյանը նշեց,որ ցանկանում են, որ նոր բաժինը դառնա հարթակ սփյուռքահայ գիտնականներին ներգրավելու համար:

Լուսինեն 20 տարեկանում հասկացավ, որ պետք է մի այնպիսի աշխատանք, որն իրեն թույլ կտա գնալ իր սիրելի արշավներին, տանից աշխատել, ժամանակը կառավարել այնպես, ինչպես իրեն է հարմար, սարի գագաթին նստած համակարգչով աշխատել․ կարճ ասած երազանքի աշխատանք ունենալ և օֆիսային տարածք ոտք չդնել։ 

 Լուսինեն, իհարկե, ունեցավ այդ աշխատանքը, բայց ինչպես հեշտությամբ գտավ, այնպես էլ կորցրեց այն։

Երկու տարի անց ամերիկացի R&B արտիստ Mac Ayres-ը վերադարձել է իր նոր՝ Magic 8ball ալբոմով: 8 թրեքից բաղկացած այս սկավառակը ներառում է երգեր սիրո, բաժանության և մենակ լինելու մասին:

«Արմաթն օդում»․ Առաջատար տեխնոլոգիաների ձեռնարկությունների միությունը նոր կրթական ծրագրով է ներկայացել։ Անօդաչու թռչող սարքերի նախագծման, պատրաստման, տեխնիկական սպասարկման ու կառավարման կրթական ծրագրի մեկնարկը կտրվի այս տարվա գարնանը։ Նախատեսվում է հիմնել 65 կրթական աշխատանոցներ Հայաստանի ու Արցախի բոլոր քաղաքներում։ Յուրաքանչյուր աշխատանոցում կգործի 3 խումբ, միջինում կպատրաստվի 27 սան։Մեկ աշխատանոցի ներդրման արժեքը կազմում է 6.5 մլն դրամ, որը ներառում է 7 թռչող սարք հավաքելու հնարավորություն, երկու խմբավարի վերապատրաստում:

Պատահել է՞, որ ինչ-որ բան ուզեք գնել, իսկ ծնողները գումար չտան դրա համար, վստահ լինելով, որ Ձեր ուզածն անհրաժեշտություն չէ։ Խաչիկի ծնողներն, օրինակ, հենց այդպես էլ վարվել են։ Չէին գնում անլար ականջակալը, չէին էլ թողնում, որ Խաչիկն աշխատի այդ գումարն ու ինքը գնի։

Բայց.. Խաչիկը ելքը գտավ։ Իր ուզած ականջակալը գնելու համար երկու ամիս աշխատել է ու դուրս եկել աշխատանքից, որովհետև ծնողներն արգելել էին աշխատել` առողջական խնդիրների պատճառով։

Հայ պատանիներն ու երիտասարդները շատ շուտով հնարավորություն կունենան մասնագիտանալ դրոնների և ռոբոտների արտադրության ոլորտում։ «Ստարտափ Արմենիա» հիմնադրամը չինական DJI դրոնաշինական ընկերության հետ համագործակցություն է սկսկել՝ կրթական նորագույն լուծումները Հայաստանում ներդնելու նպատակով։ Հիմնադրամի DRONE EDULAB կրթական ծրագրի մեկնարկը կազդարարվի առաջիկա ամիսների ընթացքում։ Այն ունենալու է երկու կրթական բաղադրիչ, որոնք հայաֆիկացվելու են։ «Ստարտափ Արմենիա» հիմնադրամն այժմ բանակցում է ոլորտի մասնագետների հետ, որոնք ծրագիրի ընթացքում պետք է դասավանդեն ուսանողներին։ Հիմնադրամի տնօրեն Արսեն Հարությունյանի խոսքով՝ իրենք ցանկանում են այս նոր կրթական ծրագրերը հասնելի դարձնել շատերին։