Հուլիսյան կարճատև պատերազմի ժամանակ, կրակոցներից չվախենալով, Անին Տավուշյան սարերում սկսեց խոտաբույսեր հավաքել: Դրանք հոգատարությամբ չորացրեց ու համային նոր փնջեր ստեղծեց:

Սեպտեմբերյան պատերազմի ժամանակ որոշեց թեյերը բրենդավորել ու վաճառել՝ այդպիսով ամրացնելով թիկունքը:

Երկու պատերազմների արանքում ստեղծված  «Արևից» բրենդի հիմնադիրը երազում է խաղաղության մասին:

Բժշկական համալսարանի 5-րդ կուրսի ուսանող Տաթևը կռվի առաջին օրվանից Ստեփանակերտ-Երևան ճանապարհներին էր։ Տնից փախել ու վիրավոր զինվորների կյանքը փրկելու գործին էր անցել։ Կյանք ու կռիվ տեսած սպիտակ բանակի կամավորը հիմա միայն խաղաղության և գերիների վերադարձի մասին է մտածում։ 

Խոսքերը՝ հույզերի խտանյութ․ սա է իսպանացի Պաբլո Ալբորանի հինգերորդ ստուդիական ալբոմի առանձնահատկությունը։ Այս սկավառակը կարելի է համարել սիրո խոստովանություն՝ հենց սիրուն։ Ալբորանը լսողներին իր հետ տանում է ստեղծվող տիեզերքների, հեռացած, բայց դեռ ներկա սիրեցյալի, սեր-ամռան փնտրտուքի և բարձրացող ու իջնող զարկերակների աշխարհ, որն այքան վերերկրային է, որ ընկնելուց հետո առաջացնում է տևական գլխապտույտ։

Երբևէ աշխատավայրում Ձեզ կոտրած կա՞ն։ Հասմիկին, օրինակ, այնպես էին կոտրել, որ երկու տարի մասնագիտությամբ չաշխատեց։ Այդ ընթացքում որոշեց այքնան ինքնակրթվել, որ հետո պարզ ճակատով կարողանա աշխատել, որ իրեն չվիրավորեն, չնեղացնեն ու չկոտրեն գիտելիքի պակասի համար։

Լրագրող լինելը, իհարկե, հեշտ գործ չէ, բայց հեշտ չէ նաև անվերջ մասնագիտությանդ համար պայքարելը։

Լրագրող Լիլիթ Հարությունյանը մրգից ու բանջարեղենից ձեռագործ զարդեր է պատրաստում։ «ՀայաMade» նախաձեռնությունն իր շուրջ համախմբել է մի խումբ «հայամետ» մարդկանց, որոնք գնում են ականջօղերն ու օգնում Հայաստանում ապաստանած արցախցի ընտանիքներին։ Լիլիթը մտադիր է 2021 թվականին իր նախաձեռնությունը բիզնեսի վերածել։

(հաղորդման ավարտին հնչում է «Երնեկ թե այս Նոր տարին» երգը Nemra-ի կատարմամբ)

ֆինանսական գրագիտության և սոցիալական բիզնեսի մասնագետ է Վլադիմիր Սահակյանը։ Մարզաբնական երիտասարդների համար  դասընթացներ է վարում, օգնում մասնագիտական կողմնորոշման, աշխատաշուկայում տեղ գտնելու գործում։ 2017 թվականին հիմնադրել է «Վեցանկյուն» բիզնես խորհրդատվական ընկերությունը և 6 ուղղությունների գծով դասընթացներ ու խորհրդատվություն է մատուցում։ Մինչև այս  ընկերության հիմդարումը 2016թվականից ֆեյսբուք սոցիալական ցանցում ստեղծում է «Լավագույն Գործատուները» խումբը, որ դառնում է կամուրջ՝ գործատու–աշխատանք փնտրող մարդկանց միջև։

Սյունիքի մարզի Ույծ գյուղից է երիտասարդ մեղվաբույծ Գևորգ Թորոսյանը։ 2015 թվականից զբաղվում է մեղվապահությամբ, ասում է՝ այս գործում հաջողելու համար շատ կարևոր է աշխատասիրությունը, ինքդ քո ու աշխարհի հետ ազնիվ ու  ներդաշնակ լինել կարողությունը։ Մեղվաբուծության նկատմամբ սեր ու հետաքրքրությունն առաջացել է այն ժամանակ, երբ մասնակցել է երիտասարդների կարողությունների և հմտությունների զարգացման դասընթացներին և ստացած փոքրիկ դրամաշնորհով երիտասարդների համար մեղվաբուծական դասընթացներ կազմակերպել։ Մեղուների խորհրդավոր աշխարհում հմտացած Գևորգը սովորել է Հայաստանի ֆիզիկական կուլտուրայի ու սպորտի պետական ինստիտուտում։ Դպրոցում ֆիզկուլտուրա է դասավանդում։ Երկու աշխատանքն էլ սիրով է կատարում և հաճախ նմանեցնում է դրանք, քանի որ արդյունքի հասնելու համար երկուսի դեպքում էլ կարգապահ ու աշխատասեր պետք է լինել։ 

Սիրան զբոսավար է, ով մոտ մեկ տարի առաջ կորցրեց աշխատանքը։

Սիրային ոչ մեկը աշխատանքից չի հեռացրել, ոչ էլ ինքն է դուրս եկել։ Հենց այդպես, մի օր արթնացավ ու հասկացավ, որ ինքն էլ աշխատանք չունի, այդպես որոշել էին աշխարհում։

«ՀԿ Կենտրոն»-ի «Վանաձոր Ինֆոտուն» ծրագրի համակարգող Վահե Խաչիկյանն աշխատում է երիտասարդների մեդիագրագիտության բարձրացման, մազաբնակ երիտասարդների կարողությունները, քաղաքացիական ակտիվությունը, քննադատական մտածողության զարգացմամբ։  Վահեն փորձում է երիտասարդներին ակտիվացնել ու ներգրավել հասարակական տարբեր գործունեություններում: Ասում է , որ դասընթացների, քննարկումների, բանավեճերի մասնակցող երիտասարդները տարբերվում են իրենց հասակակիցներից։ Նրանք գիտեն  ինչպես ճիշտ օգտագործել համացանցը, ստուգել տեղեկատվությունը և ոչ միայն։

Մոտ 40 ինժեներական ընկերություններ մեկ վայրում առավել արդյունավետ աշխատելու հնարավորություններ կստանան.  Հայաստանում ինժեներական և բարձր տեխնոլոգիաների զարգացմանը նոր թափ հաղորդելու, հայկական ինժեներական միտքը մեկտեղելու նպատակով Երևանում կստեղծվի է «Ինժեներական քաղաք»Կհիմնվեն համատեղ օգտագործման լաբորատորիաներ, կկազմակերպվեն էքսպոներ, կլինեն թրեյնինգներ ու վերապատրաստումներ։