នៅចាំ លិនដា កាលពីឆ្នាំមុនទេ? ក្រុមនារីជាអ្នកឈ្នះដំបូងសម្រាប់កម្មវិធី  NOW-Us! 2021.​ លិនដាបានត្រលប់មកជាមួយពួកយើងវិញក្នុងវត្តថ្ងៃនេះដើម្បីចែករំលែកអ្វីដែលកំពុងកើតឡើងសម្រាប់ក្រុមនារី និងអ្វីដែលជាកម្មវិថីបន្ទាប់របស់ក្រុមនាង!

តើ​អ្នក​ធ្លាប់​ឆ្ងល់​ទេ​ថា តើ​ចលនា LGBT នៅ​កម្ពុជា​ចាប់​ផ្ដើម​ដោយ​របៀប​ណា? ហើយតាងពីពេលណា? ថ្ងៃនេះយើងនឹងពិភាក្សាជាមួយវាគ្មិនរបស់យើងក៏ដូចជាចែករំលែករឿងរ៉ាវមួយចំនួនអំពីចលនា LGBT នៅកម្ពុជាផងដែរ។

នៅក្នុងវគ្គនេះ យើងបាននិយាយអំពីប្រភេទពិការភាពផ្សេងៗគ្នា និងការតស៊ូសម្រាប់ជនពិការក្នុងការស្វែងរកការងារធ្វើ ក៏ដូចជារបៀបដែលយើងអាចជាផ្នែកមួយនៃការផ្លាស់ប្តូរដល់វិជ្ជមានមួយ។

ភាពលំបាកដ៏ធំមួយសម្រាប់អ្នកស្រលាញ់ភេទដូចគ្នាគឺការទទួលយកពីគ្រួសាររបស់ពួកគេ។ ថ្ងៃនេះ យើងបានពិភាក្សាអំពីមូលហេតុឫសគល់នៃគ្រួសារដែលបដិសេធកុមារ LGBT នៅក្នុងប្រទេសកម្ពុជា និងអ្វីដែលយើងអាចធ្វើដើម្បីផ្លាស់ប្តូរបញ្ហាមួយនេះ។

ក្រឡេកមកមើលសុខភាពផ្លូវចិត្តពីជ្រុងមួយទៀត។ក្នុងវគ្គនេះ យើងចែករំលែករឿងរ៉ាវអំពីសុខភាពផ្លូវចិត្ត ការមាក់ងាយ និងសម្ពាធរបស់សង្គមលើស្ត្រីនៅពេលដែលមិនទាន់រៀបការក្នុងវ៉យមួយ។

ថ្ងៃនេះជាមួយវាគ្មិនរបស់យើង យើងបានពិភាក្សាអំពីថាអ្វីទៅជាភាសាសញ្ញា និងស្ថានភាពភាសាសញ្ញានៅក្នុងប្រទេសកម្ពុជា ដោយសារវាគ្មិនរបស់យើងនឹងបង្កើតគម្រោងមួយដែលនឹងជួយដល់មនុស្សកាន់តែច្រើនដើម្បីអាចរៀនភាសាសញ្ញានៅកម្ពុជា។

នៅក្នុងវគ្គនេះ យើងបាននិយាយអំពីសារៈសំខាន់នៃជំនាញឌីជីថល និងរបៀបដែលវាត្រូវបានគេមិនយកចិត្តទុកដាក់នៅក្នុងសហគមន៍ជនជាតិដើមភាគតិច។ ខណៈពេលដែល Phum Asia កំពុងស្វែងរកមធ្យោបាយដើម្បីនាំយកជំនាញឌីជីថលទៅកាន់តំបន់ជនបទ និងការប្រយុទ្ធប្រឆាំងនឹងអនក្ខរភាពឌីជីថលនៅក្នុងសហគមន៍ជនជាតិដើមភាគតិច។

ចាប់បើក​ NOW-Us! Podcast 2022 ជាមួយនឹងការត្រឡប់ទៅមើលវិញគោលដៅរបស់កម្មវិធីភាពចម្រុះ និងបរិយាបន្នសង្គម​ និងអ្វីដែលយើងបានធ្វើកន្លងមកតាំងពីឆ្នាំ 2021។ មុនី ប្រធានគ្រប់គ្រងកម្មវិធី NOW-Us! នឹងចែករំលែកអំពីការតស៊ូរបស់គាត់ក្នុងការរៀបចំកម្មវិធីនេះក៏ដូចជាភាពជោគជ័យរបស់កម្មវិធី ចាប់ពីការបង្កើតវីដេអូចម្រៀង រហូតដល់រឿងអស្ចារ្យជាច្រើនទៀត។

episode ចុងក្រោយ ដែលយើងនឹងនាំអារម្មណ៍អ្នកទាំងអស់គ្នាទៅស្តាប់ពីហេតុផល និងរឿងរ៉ាវជំរុញទឹកចិត្ត វាលគ្មិនរបស់យើងឲ្យចាប់ផ្តើម និងចូលរួមក្នុងការជំរុញលើកកម្ពស់ និងគាំទ្រ “ភាពចម្រុះ” នៅក្នុងសង្គម។ ជាពិសេស

វាលគ្មិនរបស់ នឹងចែករំលែកពី “ភាពចម្រុះ” សម្រាប់ពិភពលោកដែលគាត់ចង់ឃើញ។

“ ប្រសិនបើអ្នកអាចធ្វើដំណើរទៅជួបខ្លួនឯងនៅពេលអនាគត តើអ្នកនឹងនិយាយអ្វីទៅកាន់ខ្លួនអ្នក?”

ចូលរួមដំណើរទៅកាន់អនាគតជាមួយប្រាថ្នា ដើម្បីស្តាប់ថាតើគាត់មានពាក្យ ឬសារពិសេសអ្វីសម្រាប់ខ្លួនប្រាថ្នាផ្ទាល់? និងសិក្សា​បន្ថែមថា ក្នុងនាមជាយុវជនមួយរួប តើអ្នកគួរតែរៀបចំផែនការអ្វីខ្លះដើម្បីអនាគតអ្នក?​ តើអ្នកមានតួនាទីសំខាន់កម្រិតណា ក្នុងការគាំទ្រក្រុមយុវជនដែលត្រូវបានផាត់ចេញ ឲ្យទទួលបានឱកាស និងអនាគតដែលប្រសើរ?