យើងទាំងអស់គ្នាជាជនជាតិដើម។ សាមីន សកម្មជនជនជាតិដើមភាគតិច និងទូតសុឆន្ទៈរបស់កម្មវិធី NOW-Us! ចែករំលែកជាមួយពួកយើងនូវការងារ ចក្ខុវិស័យ និងបេសកកម្មរបស់គាត់ ដើម្បីអោយយើងទាំងអស់គ្នាមានភាពស្មើគ្នា មិនថាពណ៌សម្បុរ វប្បធម៌ ឬភាសារបស់យើង។ យើងទាំងអស់គ្នាជាមនុស្សតែមួយ ហើយយើងត្រូវផ្តល់កម្លាំងចិត្តគ្នាទៅវិញទៅមក ដើម្បីរីកចម្រើនជាសង្គម។

ហេតុអ្វីសង្គមមិនអោយខ្ញុំស្រលាញ់អ្នកណាដែលខ្ញុំចង់ស្រលាញ់? ហេតុអ្វី​សង្គម​វិនិច្ឆ័យ​ខ្ញុំ​ព្រោះតែ​ស្នេហា​របស់ខ្ញុំ? ស្តាប់បទពិសោធន៍ ឧត្តម ជាមនុស្សម្នាក់នៅក្នុងសហគមន៍អ្នកស្រឡាញ់ភេទដូចគ្នា ដែលប្រឈមមុខនឹងការរើសអើង ប៉ុន្តែនៅតែឈរខ្ពស់ និងកំពុងជួយអ្នកស្រឡាញ់ភេទដូចគ្នាផ្សេងទៀតឱ្យរីកចម្រើន។

ឱកាស​ច្រើនមាន​ណាស់​សម្រាប់​អ្នក​រាល់​គ្នា ប៉ុន្តែ​តើ​ឱកាស​ទាំង​នេះ​មានរួម​បញ្ចូល​​គ្រប់​គ្រាន់​ហើយ​ឬ​នៅ? អ្នកស្រី អមរារ័ត្ន បានធ្វើការក្នុងវិស័យជនដែលមានពិការភាពអស់រយៈពេលជាង 5 ឆ្នាំមកហើយ ដោយបានកសាង និងតស៊ូមតិដើម្បីភាពងាយស្រួលដល់ជនពិការនៅក្នុងខេត្តកំណើតរបស់នាង។ ចូលរួមជាមួយពួកយើង ក្នុងការរៀនពីរបៀបដែលយើងអាចគាំទ្រការងាររបស់គាត់ និងកសាងសង្គមដែលភាពរួមបញ្ចូលជាមួយគ្នា។

តើនរណាជាអ្នកកំណត់និយ័មន័យនៃពាក្យ “ស្អាត ឬមិនស្អាត”? ហើយតើស្តង់ដារសម្រស់ ត្រូវបានវាស់វែងដោយ ឧបករណ៍ ឬមធ្យោបាយណាខ្លះ?

តោះ!​ មកស្តាប់ និងវិភាគពី និយ័មន័យនៃពាក្យ “ស្អាត” ជាមួយលីនដា សហស្ថានិករបស់ យុទ្ធនាការ “ខ្ញុំស្អាត អ្នកស្អាត”​ ជាមួយគ្នា! លីនដា នឹងមកស្រាយពីនិយម័ន័យនៃ “ស្តង់ដារ សម្រស់” និង បង្ហាញអ្នកពី “ភាពស្អាតដែលអ្នកអាចកំណត់ដោយខ្លួនឯងបាន។

តើអ្វីទៅជា គម្រោង “ផ្ដើមចេញពីយើង ដើម្បីយើងទាំងអស់គ្នា”? តើ​ “ភាពចម្រុះ” ឬ “ក្រុមដែលត្រូវផាត់ចេញ” សំដៅទៅអ្វី? ចង់ដឹងបន្ថែមពីគម្រោង និងដំណើរការកន្លងមករបស់យើង មកជួបជាមួយនឹង មុនី ជាអ្នកគ្រប់គ្រងគម្រោងប្រចាំ Impact Hub Phnom Penh ដែលវាលគ្មិនរបស់យើងនៅថ្ងៃនេះទាំងអស់គ្នា។

facebook.com/impacthubpp