Larunbatean Bilbon hasi eta Santurtzin amaitu zen gerraren, gastu militarraren eta armagintza industriaren kontrako bizikleta martxaz hitz egin digu Kakitzateko Luis Garciak. Bizkaiko Aldundiaren parean hasi diren, «erakundeak armagintza sektorearekin duten harremana salatzeko». Ondoren, Barakaldoko PCB-ITP Aero enpresan egin zuten parada, gerrarako hegazkinentzat piezak egiten dituelako. Azkenik, Santurtziko portura joan ziren. Azken hilabeteetan 8.656 tonelada lehergailu atera dira portutik Arabia Saudirako bidean.

EAEko Hezkuntza Sailak aurkeztu duen Hezkuntza Itun proposamenaren irakurketa egin du LABek. Sindikatuak bere proposamena eramango du asteazkeneko Eskola Kontseilura, proposamen zehatzak Ibai Redondo LABeko Hezkuntza Politikako arduradunak esan digunez. Lakuako Gobernuaren asmoek erronka sozial eta nazionalei aurre egiteko ez duela balio uste du, «menpekotasun markoan mantentzen baita».

Bretainiako Notre-Dame-des-Landes herria hustutzeko asmoz joan da goizeko 3ak inguruan Gendarmeria. Aireportua eraikitzearen kontra lurrak okupatu eta Babestu Beharreko Gunea eraiki zuten. Macronen gobernuak urte haseran erabaki zuen aireportua ez egitea, baina bertan zeudenak kanporatzea agindu zuen. Hartzea Lopez euskal herritarra bertan da eta desalojoaren nondik norakoak kontatu dizkigu.

El próximo jueves, 12 de abril, Ainhoa Intxaurrandieta e Iñaki Errazkin, ex-presidenta del Consorcio de Residuos de Gipuzkoa y ex diputado foral de Medio Ambiente respectivamente, serán juzgados en Madrid, en el Tribunal de Cuentas. El actual Consorcio presentó una demanda contra ambos por la rescisión del contrato para la construcción de la incineradora. Les reclaman 40 millones de euros. Afirman que «está en juego que institucionalmente se puedan construir alternativas». Y añaden: «Quieren domar a EH Bildu. Se trata de meter miedo a los representantes institucionales para que no se enfrenten a las élites económicas y políticas»

Gaur eta bihar Baiona eta Biarritzen biktimen eta presoen gaia lantzeko antolatu diren foroen berri ekarri digu Idoia Eraso kazetariak. Biktima ezberdinen esperientziak entzungo dira gaur adituekin batera, eta bihar presoen gaia jorratuko dute. Azken honetan iragarpen berriak eman ditzazkete bakegileek. Bestetik, bihar Bidarten Etorkinekin kolektiboak antolatuta migranteen eskubideak defendatzeko izango den jardunaldiaz mintzatu gara Argitxu Dufaurekin.

Igandean urtea beteko da ETA armagabetu zenetik. Gertakari historiko honetara iristeko prozesua aztertu dugu Anaiz Funosas Bake Bideako kidearekin eta Rufi Etxeberria Sortuko gatazkaren konponbiderako batzordearen koordinatzailearekin. Armagabetzearen aldekoak eta aurkakoak egonik, aldekoen eboluzioa nabarmendu dute, azpimarratuz Ipar Euskal Herriak gobernu frantsesa bera ere behartu zuela era ordenatu batean armagabetze prozesuari irtenbidea ematera. Aurrera begira, presoen eta biktimen aferak konpontzeke daudela, Estatu espainiarraren eta frantziarraren jarrerak zinez ezberdinak direla aitortu arren, Etxeberria baikor mintzatu da: «Itsaropenez begiratu behar diogu etorkizunari, herria baldin badago, herriko sektore garrantzitsuenen ahalegina baldin badago emaitzak etorriko dira».

Euskadiko Filmategiak 40 urte betetzen ditu aurten. Programazio berezia jarriko dute gaur martxan urtemuga ospatzeko. 50 urte bete dituen 'Ama Lur' filma proiektatuko dute Tabakaleran eta hilabete guztian luzatuko da ekimena. Jon Lopez, Filmategiko zuzendari kontserbatzaileak esan digunez, oso ilusionatuta daude urtemugarekin. 1896ko pelikula bat dute Filmategiko zaharrena, eta gaur egun batik bat modu digitalean jasotzen dituzte ekoizpenak.

Zarauzko Photomuseumek antolatuta, ‘Argazki Bilera’ abian da maiatzera bitarte. Edizio honetan,  aurrekoetan bezala, erakusketek hainbat genero fotografiko (erreportajea, argazkilaritza artistikoa, eta natura-argazkigintza) landuko dituzte. Photomuseumeko Ramonek esan digunez, honek guztiak helburu nagusi bat du: argazkigintzak eskaintzen dituen aukera zabalak ikusleei hurbiltzea. Herriko leku ezberdinetan 'Txuri beltzeko maisuak' eta ‘Letra xehez Artea’ erakusketak eta Jose Igancio Altunaren argazkiak eta Santiago Yanizen dronegrafiak izango dira ikusgai.

Donostiako Udalak 2024ra bitartean jorratuko duen etxebizitza plana aurkeztu zuen. 4.500 etxebizitza berri eraiki asmo dira. EH Bilduko Amaia Almirall hautetsiarentzat «zentzugabea» da plana, ez delako etxebizitza hutsen inguruko neurririk aurreikusten prezioen burbuila erdian. Bestalde, alokairuaren prezioa jaisteko proposamenak, babes ofizialekoak eta politika berritzaileen alorreko ekintzak beharrezkotzat ditu koalizio abertzaleak. Hiri mailako akordioa eskatu du Almirallek.

Hur Gorostiaga Seaskako zuzendariak Kale Gorrianen nabarmendu du Ipar Euskal Herriak baduela hizkuntza politika propio bat, lurra kudeatzeko erakunde bat, baita IEHa kontuan hartzen duen Euskal Elkargoa ere. Hezkuntza, ordea, Pau, Bordele eta Parisetik kudeatzen da. Datorren ikasturterako irakasle gehiago ukatu dizkio Parisek Seaskari eta, halabeharrez, mobilizazioen bidea hartuko du orain ikastolen federazioak. Orohar, «epe luzerako aterabideak behar ditugu behingoz kontsideratuak izan gaitezen», nabarmendu du Gorostiagak.