A actualidade de Tui e do Baixo Miño no #Noticias1330 da Radio Municipal de Tui. Estes son os titulares de hoxe:

- O Baixo Miño terá unha ocupación hostaleira do 50% no Baixo Miño namentres que no turismo rural subirá até o 85%

- Ampliado até o 17 de abrilo prazo para presentar solicitudes de participación na XXI Feira de Artesanía

- Case 8.000 persoas pasaron polo Play-Doc en Tui

- Mañá preséntanse as festas de San Telmo 2017

- Tui acollerá unha batalla de Clash Royale con algún dos mellores xogadores nacionais

- O alumnado do CEIP Nº1 presenta unha iniciativa de reciclaxe de papel de aluminio

- O CRA Mestra Clara Torres estre nova biblioteca

- Hoxe comeza o curso de introdución á Historia da Arte a través do patrimonio da Eurocidade

- Hoxe ás 20:30h no Conservatorio de Música de Tui preséntase a obra teatral de Xosé Vázquez Pintor

- Porta da Pía Artesanía e Taxi Bernardo recibiron o certificado de calidade SICTED

- A Garda Civil intercepta a un condutor na AP-9 cando se incorporaba en sentido contrario

- Levada Libre conmemora a instauración da II República o domingo 30 de abril

- Prosegue a semana da saúde de Tomiño, esta tarde ás 19h

- O Concello da Guarda presenta a súa nova ferramenta de administración electrónica

- O consorcio de augas do Louro evita a perda de 980.000 litros de auga diarios

- Salceda prioriza as solicitudes dos veciños no Plan Concellos da Deputación de Pontevedra

- O PP de Salceda acusa ao alcalde, Marcos Besada, de “non defender os intereses dos veciños”

- O Cineclub Poleiro proxecta hoxe Cementery of Splendour

Os Servizos Sociais Comunitarios do Concello de Tui contan dende hai unhas semanas cunhas novas instalacións más amplas e axeitadas para este servizo. As novas dependencias están emprazadas na planta baixa da casa do concello na zona que antigamente ocupaba o Servizo de Extensión Agraria. Pódese solicitar cita previa no 986 60 36 25 ext 54

Os orzamentos xerais do Estado contemplan un investimento de dez millóns de euros para a partida "electrificación Vigo-Tui" até o 2020. Porén, a saída sur da alta velocidade segue parada e soamente se destinan 300.000€ para o paso a nivel do Porriño, polo que se intúe que non se contempla a súa supresión.

A Consellería de Medio Ambiente vén de por en marcha novamente o servizo de atención aos visitantes nos parques naturais de Galicia, entre eles o do Monte Aloia.

Tratase dunha empresa privada a que prestará o servizo en horario de mañá e tarde. Como novidade ademais este servizo prestarase durante todo o ano con maior reforzo nos períodos de vacacións segundo confirmou á Radio Municipal de Tui o director de Conservación do P. N. Monte Aloia, Gonzalo Puerto.

A actualidade do día en Noticias 13.30h na Radio Municipal de Tui

Pablo Estévez foi o gañador da cea para dúas persoas no Parador de Tui entre as 200 persoas que completaron a ruta de Saborea Tui promovida por ACITUI. Mentres entre os 22 establecementos participantes houbo empate entre cinco deles no mellor pincho, polo que se sorteo o premio un fin de semana no Talaso Atlántico que recaeu en Poni Express.

O sorteo fíxose esta mañá na nosa sintonía por parte de Juan Carlos Blanco, presidente de ACITUI, e José Diéz. Lembraron na nosa sintonía o concurso de pintura que convocan para o 15 e 16 de abril.

O paro baixou no pasado mes de marzo en 130 persoas no Baixo Miño, un descenso liderado por Tomiño e Tui.

Estes son parte dos titulares desta xornada:

O paro baixou en 130 persoas no Baixo Miño, un descenso liderado por Tomiño e Tui

Os feirantes amosan o seu malestar polo cambio de ubicación dos postos nas festas de #SanTelmo2017 e o goberno reafirma a súa aposta pola Finca de Patazumba alexándoos 200 metros do centro de saúde e o PAC.

Medio Ambietne pon en marcha o servizo de atención aos visitantes nos parques naturais de Galicia

Charla sobre “Que podemos facer na prevención do cancro”, mañá en Tui

Xosé Vázquez Pintor presenta en Tui a súa última obra teatral

Este venres, cuarta cita co programa Enredos no Espazo Xove

Os alumnos do IES Indalecio Pérez Tizón participan nun obradoiro de risoterapia

O Rosal estreará o reformado Mercado de San Miguel coa I Feira do Mirabel

Hoxe remata a campaña de “O concello escoita” en Tomiño

....

A actualidade do día e os resultados deportivos da fin de semana en Noticias 13.30h

O Concello de Tui vén de retirar os 21 mastros para bandeiras instalados no Paseo de Corredoira debido ao seu mal estado e falta de uso, segundo apunta o concelleiro de Medio Ambiente, José Martínez Tato. Co visto e prace de Patrimonio, o Concello tomou a decisión despois de comprobar que supoñían un perigo para os peóns e co obxectivo de dar unha imaxe mais aberta e limpa do paseo.