Apoio amplo da corporación municipal de Tui onte á noite en pleno para destinar 697.175,72€ do remanente de tesourería a seis proxectos a executar, que foran acordados xa en comisión informativa. Votaron a favor o PSOE, AtT, BNG, Son de Tui, PP, C21 e Ciudadanos Tudenses, e abstívose José Manuel Sousa de APTUI.

Quedou sobre a mesa a licitación do servizo de limpeza viaria. Por unanimidade a corporación municipal de Tui a acordou a concesión da medalla de honra na súa calidade de ouro a Victor Manuel Vázquez Portomeñe

As citas para a fin de semana en Tui inclúen a apertura dos actos da Semana Santa co pregón a cargo de D. Ignacio Domínguez o domingo na Catedral. Amais a Asociación Un Máis celebra este domingo o Día Mundial do Autismo”. Non faltará a música con concertos de Javier Navas Quartet e Pequeña Gran Compañía, entre outras citas.

O Concello de Tui estivo presente, co concelleiro da Eurocidade, Miguel Capón, e un técnico municipal, na reunión celebrada na Eurocidade Verín Chaves coa presenza tamén da deputación, de Valença e dos concellos de Tomiño e As Neves.

O concelleiro tudense da Eurocidade, Miguel Capón,fixo unha valoración positiva deste encontro, ao que salientaba que por primeira vez asistiron os técnicos do concello de Tui e de Valença, que estarán ao cargo da tramitación precisa para dotar de personalidade xurídica á Eurocidade, un proceso que agardan se complete neste mandato.

A actualidade do día, as citas da fin de semana e o encontros deportivos en Noticias 13.30h

- A corporación municipal de Tui celebra esta tarde pleno ordinario onde se votarán proxectos con cargo ao remanente

- Mil nenos abrazaron hoxe a Vella Ponte Internacional

- José Manuel Sousa valora os proxectos presentados hoxe a pleno e fala da reunificación da dereita tudense

- Alumnado do Indalecio Pérez Tizón participa en roteiros en Celanova e Ourense

- Salvaterra inicia a construcción dunha senda fluvial que a unirá con Tui

- O comercio, obxectivo da exposición de fotografías antigas de San Telmo

- Citas para hoxe: Xornada de portas abertas na Galiza Azul de Tui, o "Concello Escoita" en Tomiño, chara sobre refuxiados na Guarda e conferencia sobre o sistema eléctrico en Oia.

- O Kaiak Tudense adestra en Ponte Lima

- Ciclismo Oiense organiza o I Desafío Talaso Atlántico o 30 de abril

- O alcalde de Tui pide mellorar a sinalización do Camiño Portugués ademais de oficializar totalmente o trazado e potenciar a promoción

- Miguel Capón Rey, voceiro de Alternativa Tudense, da conta dos proxectos que se levan a pleno e explica as conversas de reunificación da dereita en Tui

- Sara García e Ángel Sánchez, directores do Play-Doc fan unha valoración positiva do festival, tanto por público como por implicación da cidade e repercusión internacional

- O delegado da Xunta en Pontevedra visita Oia para coñecer as obras ao abeiro do Plan Hurbe

- O BNG solicita a peonalización da rúa Concepción Areal na Guarda

- O PP da Guarda esixe un plan de promoción turística “urxente”

- O Baixo Miño reciclou case 884 toneladas de vidro en 2016

- Salceda contrata a 13 persoas en situación de desemprego ao abeiro do Plan Concellos da Deputación

- Até o 17 de abril pódese solicitar as prazas do programa de Benestar en Balnearios na Guarda

- A Guarda acolle unha charla sobre a situación dos refuxiados sirios

- A Escola Infantil de Tui celebra mañá xoves unha xornada de portas abertas

- Jesús Fotógrafo, galardoado co Wedding Awards 2017

- O Remeiro do Club Remo do Miño, David Prada, medalla de prata no Open de España de Bañoles

- Obradoiro de marcha nórdica, este venres en Tui

O alcalde de Tui, Enrique Cabaleiro, o concelleiro de Turismo, Laureano Alonso, e o concelleiro de Medio Ambiente, José Martínez Tato, presentaron esta mañá o novo folleto turístico da cidade. Editáronse 20 mil exemplares en castelán, portugués e inglés que recollen de xeito conxunto a oferta hostaleira, de actividade de lecer, e patrimonial do municipio.

A actualidade deste martes, 28 de marzo, en #Noticias1330h

A Consellería do Mar prevé rematar en seis meses a reparación e reforzo do dique do porto da Guarda, danado en febreiro polo temporal Kurt, sempre que as condicións meteorolóxicas o permitan e non existan imprevistos. Así o sinalou a conselleira do Mar, Rosa Quintana, durante a visita que realizou esta mañá a esta obra, que comezou nos últimos días. Tamén destacou que esta actuación, na que se invisten 834.000 euros, é a máis importante das requiridas polos danos do temporal, que supuxeron un investimento total de 1,4 millóns de euros.

Os 80 alumnos do colexio rural Clara Torres de Tui realizaron una hoxe una showcooking no Parador de Turismo dentro do proxecto que están a desenvolver baixo o lema de “Afroita-t ben”. Este proxecto forma parte do plan Proxecta da Consellería de Educación que busca promover hábitos saudables. Así nolo explicaba a directora do CRA, Teresa Domínguez.