O que acontece en Tui e na comarca do Baixo recollémolo a diario nos informativos da Radio Municipal de Tui

O Club Kayak Tudense proclamouse esta fin de semana Campión de España de Inverno. Esta é unha das novas deportivas do día. Amais O Piragüismo \"O Penedo \" logrou 3 ouros, 1 prata e 1 bronce na Taça Ibérica de Slalom Olímpico, e segue ao fronte da Liga Galega. O seu equipo de Kaiak Polo feminino foi 3º no primeiro torneo da Liga Nacional. Tamén salientamos que Elsa Pena do Club Atletismo Tui proclamouse subcampioa de España de 3 mil metros.

Esta mañá tivo lugar a presentación de Play-Doc que celebrará do 22 ao 26 de marzo a súa décimo terceira edición. Unha ampla e diversa programación é a que poderemos disfrutar e á que este año chegan colaboración externas que enriqueceron o festival, que non sería posible sen o esforzo colectivo en palabras dos seus directores Sara García e Ángel Sánchez

Actualidade do día en Noticias 13.30h na Radio Municipal de Tui

Esta fin de semana celébrase en Sevilla o Campionato de España de Piragüismo, onde o Club Kaiak Tudense buscará revalidar o título nacional. Esta é unha das novas que hoxe demos en tempo de deportes, pero tamén falamos dos encontros de bádminton, fúbtol, balonmán baloncesto... que se disputan esta fin de semana.

Múltiples son as propostas que temos esta fin de semana en Tui. Dende a Feira de San Carnaval este domingo, a conferencias coma de Carme Adán esta tarde ou a presentación do documental "Postcard from Nepal" xunto á celebración do Día do Pai en Rebordáns e Ribadelouro. Non faltará tampouco a música co concerto esta tarde no conservatorio ou os previsto no Betún e no Peto das Ánimas. E mañá contacontos en Chirlomirloe o domingo homenaxe a Tante en Caldelas...

A actualidade deste venres, 17 de marzo, as citas da fin de semana e os encontros deportivos en Noticias 13.30h

En 2019 estarán rematadas as obras de modernización da Linha do Minho do ferrocaril entre Viana e Valença. Segundo o ministro de Infraestruturas de Portugal a obra a acometer cun investimento de máis de 80 millóns de euros suporá un tren máis rápido, máis cómodos, máis seguro e máis competitivo. Avanzou amais o compromiso que ten do goberno español para realizar os traballos entre Guillarei e a fronteira no mesmo prazo que o fixado por Portugal. O alcalde de Tui, Enrique Cabaleiro reclama do goberno español a mesma implicación que o goberno portugués no tren, asumindo a saída do corredor sur de Vigo.

O secretario xeral do Eixo Atlántico, Xoán Vázquez Mao, valorou na nosa sintonía qué suporá a electrificación da Linha do Minho do ferrocarril entre Viana e Valença, que hoxe se presenta publicamente en Valença. No ano 2019 o tren poderá circular con estas novas prestacións dende Valença, falta na parte española a electrificación do tren dende Vigo.

Alumnos de francés da sección de Tui da Escola Oficial de Idiomas de Vigo solicitan ante a propia Escola de Idiomas e ante o Concello de Tui que na cidade tamén se imparta o ciclo avanzado deste idioma ao igual que acontece con inglés e portugués. Para iso remitirán sendos escritos ante a EOI de Vigo, e ao Concello de Tui solicitando o seu apoio. Amais están a recoller sinaturas en toda a comarca, e levan xa dende o pasado venres máis de 200 sinaturas. En Tui quen o desexe pode asinar na Biblioteca Municipal ou na conserxería da Sección da EOI no IES San Paio. Charo Varela é unha das estudantes de francés.