A catorce días para o comezo de Play Doc, o Festival Internacional de Documentais de Tui, hoxe coñecemos os cinco documentais que competirán na sección oficial. Catro deles están dirixido por mulleres, hai tres óperas primas e unha estrea mundial. Dende Portugal chega en estrea en España Ama-San, de Cláudia Varejãou; dende Sicilia Libera Nos (Liberami), de Federica di Giacomo; dende Alemaña en estrea estará O futuro perfecto, de Nele Wohlatz, que volve a Play-Doc; Completan a sección oficial dende Francia Claire Simón, que regresa a Play Doc para presnetar Le Concours, e por último dende México Jimmy Cohem con Omar e Gloria. Ángel Sánchez é codirector de Play-Doc.

A actualidade deste #8M na Radio Municipal de Tui.

Hoxe 8 de marzo o Concello de Tui e a Radio Municipal iniciamos unha campaña baixo o lema "Pola igualdade real" co gallo do Día Internacional da Muller. O concelleiro de Servizos Sociais, Laureano Alonso, explicou esta campaña en Noticias 9.30h.

Os zombies chegarán a Salceda de Caselas o sábado 20 de maio e a Tui o 15 de xullo. O evento, ao contrario que en Tui, non será medieval senón de temática zombie aínda por dar a coñecer.

O documento do Plan Especial de Protección do Conxunto Histórico foi remitido o pasado venres, 3 de marzo, á Xunta de Galicia para que a Dirección Xeral de Patrimonio e a Consellería de Medio Ambiente emitan os seus informes. Logo de múltiples reunións mantidas no último ano e medio con Patrimonio o equipo redactor entregou a final do pasado ano o texto do PEPCHA no Concello, onde tras emitir os seus informes os técnicos municipais, e ser aprobado provisional en Xunta de Goberno local, foi remitido a pasada semana á Dirección Xeral de Patrimonio.

A actualidade deste martes, 7 de marzo, en #noticias1330h na RMT

A Asociación Cultural San Fins de Rebordáns inicia unha campaña de captación de alumnado para cursos musicais baixo o título de “nanoplayback, o tío Samuel e muiñeirawoman precisan de ti”. Trátase de gaita e percusión, pandeireta, baile tradicional e playbacks.

A actualidade do día en Noticias 13.30h na Radio Municipal de Tui.

A actualidade do día, as citas da fin de semana e o deportes en Noticias 13.30h

O alcalde de Tui, Enrique Cabaleiro, liderará un movemento de alcaldes do Baixo Miño e do Alto Minho en defensa dos servizos ferroviarios na zona demandando do Ministerio de Fomento maior investimento nunha vía de comunicación que consideran fundamental. A próxima semana buscará reunirse xa cos rexedores da zona para establecer unha posición conxunta. Así o adiantaba en declaracións á Radio Municipal de Tui, onde facía referencia a carta que recibiu do presidente de ADIF avanzando que non se pecharán servizos na estación de Guillarei.