En #Noticias1330h recollemos a actualidade deste xoves, 2 de marzo

Nunha semana, o próximo venres 10 de marzo, o Espazo Xove de Tui acolle a terceira xornada do programa Enredos da Dirección Xeral de Xuventude. Neste caso centrarase no programa de axudas Iniciativa Xove, en concreto na práctica de coma preparar a documentación a presentar. Ampliaba esta información Mónica Bugarín.

Por outra parte daba conta Mónica Bugarín, da convocatoria de 630 bolsa de mobilidade para universitarios, e tamén do curso de monitor de tempo libre a celebrar en Vigo dende o 23 deste mes de marzo.

Unha nova organización súmase ao tecido de asociacións baixomiñotas. Este venres 3 de marzo preséntase no Rosal ADIAF, a Asociación de Desenvolvemento Infantil e Atención Familiar do Baixo Miño. Conformada polo piscólogo José Cardama, a pedagoga Elisabet Estévez e a estimuladora e técnica especialista en educación infantil Raquel Rodríguez, busca potenciar esta atención especializada nas dificultades no desenvolvemento centrándose na familia e no entorno natural proporcionar servizos, conferencias e charlas relacionadas coa temática nos diferentes municipios.

O alcalde de Tui, Enrique Cabaleiro, aproveitou hoxe a visita a Tui da directora xeral de Turismo, Nava Castro, e do xerente do Xacobeo, Rafael Sánchez Bargiela, para demandar atención sobre o camiño de Santiago ao seu paso pola cidade e por Valença. Ao tempo que planxeou á administración autonómica estudar a fórmula para implicarse na restauración ou cando menos medidas mínimas de conservación para o Teatro Principal. Agradeceu ao tempo a achega da Xunta para levar a cabo o proxecto de sinalización da cidade histórica. A concelleira de Patrimonio, Carmen Núñez, salientou que o proxecto fíxose tendo en conta as singulares características da zona onde se actuou.

A actualidade do día en Noticias 13.30h con Ángel Vila e Beti Rey

Esta tarde reunirase a comisión encargada de decidir a data na que se celebrará o desfile, aínda que dende o Concello a proposición será o domingo 12 de marzo, aínda que a decisión aínda non está tomada.

Os desfiles de entroido da Guarda e do Porriño foron hoxe cancelados por mor do tempo. Ademais, cancelouse tamén o enfrontamento entre A Feira e Castro Barreiro en Salceda.

Tráxico suceso esta mañá no concello do Rosal. Un mozo perdeu hoxe a vida, outro atópase en estado moi grave e 2 resultaron feridas de distinto grao nun accidente de tráfico á altura do acceso cara Portocelo na estrada da Guarda a Baiona.

A actualidade de Tui e do Baixo Miño no Noticias 13:30 da RMT.

Aínda que o pasado venres estaba prevista a inspección técnica do Centro de Cooperación Policial e Aduaneira de Tui, o Ministerio do Interior non permitiu que se levar a cabo. O SUP considera que esta falta de colaboración conformia que o "edificio non cumpre co establecido na ordenanza municipal" e se atopa con "graves deficiencias"