A aprobación inicial da Ordenanza Municipal de Protección conta a contaminación acústica no Concello e manifestar ante a Xunta, Deputación, Ministerio de Fomento, RENFE e ADIF a protesta polo peche dos servizos ferroviarios na Estación de Guillarei son dous dos temas que tratará a corporación municipal de Tui este xoves en pleno. A sesión será retransmitida en directo pola nosa sintonía.

A actualidade do día en Noticias 13.30h na Radio Municipal de Tui

A actualidade do día, as citas da fin de semana e os encontros deportivos nos informativos da RMT

O alcalde do Rosal, Jesús María Fernández Portela, está a estudar qué medidas tomar para evitar que os cabalos salvaxes volvan acceder á VAP Tui- A Guarda, coma aconteceu nas últimas horas en dúas ocasións, e xa se ten producido anteriormente.

O rexedor rosaleiro está en contacto con Xunta e Deputación para estudar o valado dun tramo de 200 metros e impedir que estes cabalos baixen de novo ata o vial. Segundo a información de Fernández Portela estes animais poderían baixar dende Torroña en Oia, cara a beira do río na busca de pasto fresco.

Do 22 ao 26 de marzo celebrarase en Tui Play-Doc. O festival dedicará este ano a súa retrospectiva ao realizador franco-canadense Dominic Gagnon. Os títulos que conforman esta retrospectiva céntranse exclusivamente no seu traballo de montaxe a partir de material atopado en internet.

En Noticias 1330h recollemos a actualidade do día en Tui e no Baixo Miño.

O deputado de Mobilidade e Cooperación Transfronteiriza, Uxío Benítez, xunto cos alcaldes dos 16 concellos transfronteirizos do Sur da provincia, o presidente da CIM Alto Minho e os presidentes das cámaras do Norte de Portugal, compareceron en rolda de prensa para amosar a súa indignación despois de que a candidatura galego-portuguesa aos fondos POCTEP non fora aceptada por unha cuestión "formal".

A Zona Azul de Tui, que abrangue un centenar de prazas de aparcamento en cinco rúas tudense, conta cunha nova sinalización acorde coa ordenanza reguladora deste espazo, aprobada en 2008, e recollendo os días e horario no que o aparcamento está limitado no tempo. Lembramos que é de luns a sábado de 9 a 14h e de 16 a 21h. Desta nova sinalización falamos co concelleiro de Seguridade José Ramón Magán. Ao tempo o disco-reloxo pode ser mercado nunha trintena de comercios e no propio concello. Hoxe acompañáronnos tamén dous comerciantes Nieves Valverde e Luís Pereira.

A totalidade do persoal municipal, 118 traballadores, están cubertos dende o pasado 1 de febreiro por unha póliza de accidentes contratada polo Concello. A existente até o momento só daba cobertura aos 40 funcionarios da plantilla, e a nova abrangue tanto a funcionarios coma a traballadores laborais tanto fixos coma temporais.

Así o explicaba o concelleiro de Persoal, José Ramón Magán.

En materia de persoal explicaba o edil que están traballando tamén noutros ámbitos en prevención de riscos laborais, a mútua de accidentes

A humanización das tres estradas provinciais ao seu paso por Tui en Caldelas, Ribadelouro e Rebordáns, foi abordada onte ao mediodía no encontro entre o alcalde de Tui, Enrique Cabaleiro, e o deputado provincial de Mobilidade, Uxío Benítez.

No caso da estrada de Caldelas realizarase unha beiravía peonil ata o límite con Caldelas, coa colaboración de pasos elevados reductores de velocidade... nun proxecto que roldará o medio millón de euros.

Na estradas provinciais ao seu paso por Ribadelouro e Rebordáns colocaranse bandas reductoras de velocidade, remataranse as beirarrúas e acometerase a colocación de sinalización vertical e pintado da horizontal para que as estradas queden en óptimas condicións.