Informativos

A actualidade informativa deste xoves, 22 de outubro, recollémola en Noticias 13.30 h

A Emoción dos Viños regresa a Tui o sábado 7 e o domingo 8 de novembro. Como actividades previas hoxe terá lugar o evento "Cata e Armonoías cos viños das Anónimas". Celebrarase ás 20.30 h no Restaurante El Molino, e aínda quedan prazas vacantes.

Hoxe Marina Cruces, organizadora do evento, avanzou esta actividade e a cita que teremos na cidade o próximo mes de novembro.

O Partido Popular de Tui estuda nova vías xurídicas para impugnar a ordenanza de control da zona azul mediante cámaras tras rexeitar o TSXG o recurso que presentaran. Así o explicou o voceiro popular Nico Montes, sinalando que consideran o actual modelo inxustificado e perxudicial.

Estas son as novas que recollemos en Noticias 13.30 h neste mércores, 21 de outubro.

O alcalde de Tui, Enrique Cabaleiro, referiuse hoxe na nosa sintonía á situación do CEIP de Pazos de Reis, e a reclamación dunha reforma integral.

Por outra parte Enrique Cabaleiro amosou a súa satisfacción polo auto da Audiencia Provincial que confirma o arquivo da causa por un presunto delito de acoso sexual, ao desestimar o recurso presentado.

Estas son as novas que hoxe recollemos en Noticias 13.30 h

Arestora está a executarse unha nova intervención arqueolóxica no castro do Pico da Bandeira, no Monte Torroso na Guarda, que da continuidade á levada a cabo o ano pasado na que se atoparan tres estruturas. A actuación é promovida pola Comunidade de Montes de Salcidos.

Benito Vilas, arqueólogo de Árbore Arqueoloxía, está ao fronte desta excavación na que teñen atopado un trisquel moi ben conservado cunha inscrición, lousas de entrada a vivendas, un amarradoiro e cerámica.

Estas son as novas que recollemos hoxe luns, 19 de outubro, en Noticias 13.30 h

Estas son as novas que recollemos en Noticias 13.30 h neste venres, 16 de outubro de 2026

O alcalde de Tui, Enrique Cabaleiro, e o presidente da Deputación, Luís López, asinaron onte un convenio para o financiamento, a través do Plan Extra, da segunda fase do Paseo da Corredoira, dende a rúa Agusto González Besada até o cruzamento coa rúa Maristas.

Así o explicaba o alcalde de Tui, Enrique Cabaleiro. O investimento previsto é de 736 mil euros, dos que o 75% serán financiados pola Deputación, e o 25% polo concello, que incluirá nos fondos do Plan + Provincia de 2027 tamén da Deputación.

Por outra parte o alcalde de Tui, Enrique Cabaleiro, avanzou que veñen de recibir no concello a notificación da inadmisión do recurso contencioso-administrativo presentado polo PP contra a ordenanza municipal de control da zona azul mediante cámara de lectura de matrículas.