O Camiño Portugués, do que Tui é a porta de entrada a Galicia, vén de superar os 100 mil peregrinos e peregrinas no que levamos deste ano 2025, segundo as estatísticas da Oficina do Peregrinos da Catedral de Santiago.

A concelleira de Turismo, Ana Núnez, destaca que esta é unha extraordinaria noticia, destaca o papel estratéxico de Tui nesta vía xacobea, sendo o primeiro punto de partida deste Camiño a Santiago. Sinala coma estes datos reflicten o dinamismo do Camiño.

Estas son as prinicipais novas que hoxe recollemos en Noticias 13.30 h:

- Unha escopeta do calibre 12, dous rifles, compoñentes de armas e cartuchería foron localizados pola Garda Civil no domicilio do detido tras o tento de atraco na gasolineira de Tui

- Rematada a senda do Caselas cun percorrido de 1,3 kms e a restauración dos muíños do Medio e da Seña.

- Tui acolle hoxe mañá a reunión do 5º Comité de Seguemento Interret España-Portugal POCTEP

- O Camiño Portugués supera o 100 mil peregrinos este 2025. Valora estes datos a concelleira de Turismo, Ana Núñez

- Citas de Nadal

- Tui celebra o 31 de decembro a súa San Silvestre Solidaria

Estas son as principais novas que recollemos hoxe luns en Noticias 13.30 h:

- Reanudouse esta mañá a operación de busca dos tres tripulantes desaparecidos onte na zona da Insúa, na desembocadura do Miño, ao envorcar o pesqueiro portugués no que ían

- Completamos con Enrique Cabaleiro, alcalde de Tui, a rolda de conversas tras o pleno de novembro

- O alcalde e o presidente da CHMS visitaron este mediodía a senda do río Caselas

- Protección Civil de Tui recibiu o sábado na Estrada, na Academia Galega de Seguridade, a Medalla ao Mérito de Protección Civil na categoría de prata pola súa participación no Dispositivo Galego da Dina en Valencia en 2024.

- Citas destacadas

- Información deportiva

Co alcalde de Tui, Enrique Cabaleiro, pechamos hoxe a rolda de conversas cos grupos políticos da corporación municipal tras o pleno ordinario de novembro.

Estas son parte das novas que hoxe recollemos en Noticias 13.30 h:

- A xuíza ordenou o ingreso en prisión do presunto autor da tentativa de atraco á estación de servizo en Guillarei

- AECT do Río Minho aproba os orzamentos de 2026 por importe de 713 mil euros

- Voluntarios de Protección Civil de Tui recibirán mañá unha placa pola súa participación no dispositivo galego tras a DINA en Valencia

- Papa Noel visita esta tarde e mañá o Mercado de San Antonio.

- A música protagonista desta tarde en Tui na programación de Nadal

- Mercado de Nadal, Carrusel Infantil, a casa máxica da Fada do Aloia, o Belén de Mingos, e a Papanoelada moteira entre as citas da fin de semana en Tui

- A tudense Alejandra Rusell presenta esta tarde o seu libro "El juego del escondite"

- Taller de elaboración de piñatas mañá na aula da UNED, Teatro en Randufe, obradoiro de Herbolario en Caldelas, e Conto de Nadal forman parte das citas da fin de semana

- Esta fin de semana celébrase o Torneo de Bádminton, Festival de Patinaxe e partido de baloncesto CB TUI - Porriño

O equipo senior do CB Tui enfróntase mañá sábado ás 20 h ao Porriño no último encontro do ano na casa. Haberá sorteos e máis sorpresas nun día cheo de baloncesto con cinco partidos no pavillón municipal.

Coñecemos os detalles con Javi Niño, coordinador deportivo do CB Tui.

A AECT do Río Minho vén de aprobar o Plano de Actividades e o Orzamento para 2026. O orzamento ascende a 713.500€, e no plano de actividades figuran distintos proxectos como a conclusión das Axendas Urbanas Transfronteirizas, o reforzo do Observatorio do Territorio e a necesidade de colocar temas como o 112 Transfronteirizo e a gobernación conxunta do río Miño na axenda dos dous Estados.

Ao nivel das infraestruturas, o AECT sinala, entre outros, o inicio do proceso de travesía Friestas–Caldelas, reforzando a mobilidade suave e a conexión entre marxes ao longo do treito internacional.

Así nolo contou hoxe José Manuel Vaz Carpinteira, director do AECT

O Concello da Guarda vai acometer a peonalización da rúa Rosalía de Castro, na contorna da Alameda en 2026. Suporá un investimento de 375 mil euros.

O alcalde da Guarda, Roberto Carrero, explicaba as características desta obra e tamén daba conta de como está A Guarda este Nadal.

Estas son parte das novas que hoxe recollemos en Noticias 13.30 h

- Esta mañá pasou a disposición xudicial o veciño de Tui detido tras tentar presuntamente atracar unha estación de servizo en Guillarei o pasado martes

- A AECT do Río Minho aproba os orzamentos de 2026 por importe de 713 mil euros

- Recollemos a valoración do pleno ordinario de novembro con Nico Montes, voceiro do grupo municpal do Partido Popular

- Hoxe ás 19.30 h no Espazo Sociocultural presentación do libro "Imaxinando o pasado: Tui 1225" de Pablo Álvarez Yáñez

- Os coros escolares actuaron esta mañá no Teatro Municipal

- Hoxe comeza a segunda quenda o Mercado de Nadal

- Esta tarde preséntase en Tui a Asociación de Xubilados e Pensionistas de Galicia Sabia Vella

- Xornada de portas abertas no club de lectura Laxe de Papel en Paramos con Samuel Merino hoxe ás 17 h

- Deportes

Hoxe continuamos a rolda de entrevistas tras o pleno ordinario celebrado pola corporación municipal de Tui no mes de novembro con Nico Montes o voceiro do Partido Popular.