ITGELRADIO

Цаг хугацаа үнэхээр нисэх мэт хурдан гэдгийг бид бүгд мэддэг. Орчин үед техник технологи өндөр хөгжсөн ч ямар ч мундаг технологи хоногийн 24 цагийг уртасгаж чадаагүй л байна.

Тэгвэл хэн анх цаг хугацааг бий болгосон юм бол? Цаг хугацаа хаанаас ирээд хаашаа оддог юм бол?

Бурхан Эцэгийн хувьд бид ямар чухал үнэ цэнтэй болохыг бидэнд ойлгуулахын тулд жишээ авахдаа хүчирхэг бүргэд, эсвэл үзэсгэлэнт тогос бус харин эгэл жирийн бор шувууг сонгосон нь юутай гайхалтай хэрэг вэ? Заримдаа бид Бурхан бидний амьдралыг хэрхэн харж байгаа бол гэдэгт маш их анхаарал хандуулдаг. Бурхан үнэхээр бидэнд санаа тавьдаг гэж үү? Дэлхий дээр амьдарч байгаа олон тэрбум хүмүүсийг Бурхан үнэхээр нэг бүрчлэн мэддэг гэж үү?

Хэрвээ Библи үнэхээр ер бусын ном юм бол энэ номыг бусад номоос өөр, онцгой болгодог ямар нэгэн шинж чанар байдаг болж таарна. Тэгвэл Библийг юу бусад номуудаас илүү онцгой, илүү өөр болгодог юм бэ? Олон зуун жилийн түүхтэй сонгодог зохиолуудаас Библи юугаараа ялгаатай юм бэ?

Өнөөдөр бидний эргэн тойронд амьдарч буй хүмүүс санаа зовнил, буруутгал, сэтгэл гутрал, түгшүүрээр дүүрэн амьдарч байна. Учир нь Бурханы оршихуйгаас өөр хаанаас ч бид жинхэнэ тэнцвэртэй байдал, жинхэнэ тогтвортой байдлыг олж чадахгүй юм. Харин бид Христэд итгэж бидний итгэл бидний амьдралын зангуу болон хувирах үед сая бидний амьдрал ямар ч салхи шуурганд үл ганхах хөдөлшгүй багана болон хувирдаг.

Есүс Христэд итгэж Бурханы хүүхэд болсон танд Бурхан онцгой сүнслэг бэлгүүдийг өгсөн юм. Тэгвэл бидний хувьд энэхүү сүнслэг бэлгээ таньж мэдэн, үүнийгээ Христийн биеийг босгон байгуулахын төлөө хэрхэн хэрэглэх учиртайг ойлгож ухаарах нь амин чухал юм. Тэгвэл энэ чухал зүйлийг ойлгож ухаарахад чинь туслахын тулд Библийн багш Др.Стэнли хүрэлцэн ирээд байна. Тэр бидэнтэй Ром 12-р бүлгээс хуваалцаж, “БЯЛХАМ ДҮҮРЭН АМЬДРАЛААР АМЬДРАХ НЬ” гэсэн сэдвээр ярилцах болно.

Есүс Христэд итгэж Бурханы хүүхэд болсон хүн бүр Христийн биеийн нэгээхэн хэсэг болдог. Тэгвэл Бурхан Христийн биеийн нэг хэсэг болсон хүн бүрд Христийн биед үйлчлэх үйлчлэлийг тогтоож өгсөн байдаг. Тэгвэл Христийн бие доторх таны үйлчлэл юу вэ? Танаар дамжуулан бусдад хүрч, бусдыг босгон байгуулахыг та Бурханд зөвшөөрч байна уу? Энэ удаагийн дугаараараа бид Христэд итгэгчдэд өгөгдсөн 7 сүнслэг бэлгийн талаар үзэх болно. Ингэхдээ эдгээр сүнслэг бэлгүүдийн талаар итгэгчдэд байдаг буруу ойлголтуудын талаар болон, Сүнсээр удирдуулсан хүн болон махбодоор удирдуулсан хүний үйлдэл юугаараа ялгаатай байдаг болохыг үзэх болно. Хэрвээ та өнөөдрийн дугаарыг анхааралтай сонсож, энд яригдаж буй сүнслэг үнэнийг амьдралдаа хэрэгжүүлэх юм бол энэ нь таны итгэлийн амьдрал болон үйлчлэлд хүчтэй нөлөөг үзүүлэх болно гэдэгт би итгэлтэй байна.

Өнөө үед хүмүүс бид техник технологийн хөгжил дэвшил, сансар судлал, цөмийн энергийн асуудлаар амьсгалж байна. Тиймдээ ч маш олон хүн 1 Коринт 13-р бүлэгт элч Паулын өгүүлсэн тэр хайр өнөөгийн нийгэм соёлд нөлөөлж чадах эсэхт төдийлөн итгэлтэй байхаа больсон байна.

Гэхдээ нөгөөтээгүүр цөөнгүй хүмүүс өнөөдөр дэлхий ертөнцөд хамгийн ихээр дутагдаж байгаа, хамгийн их хэрэгтэй байгаа зүйл бол хайр гэдэгтэй санал нийлсэн хэвээр байна. Тэгвэл энэ үнэхээр үнэн гэж үү?

Зүрхэнд тань буй тэр хоосон орон зайг энэ дэлхийн бүх эд хөрөнгө ч дүүргэж чадахгүй юм. Аз жаргалтай гэрлэлт ч, хүүхдийн инээд, найзын нөхөрлөл ч таны энэхүү дотоод хоосролыг дүүргэж чадахгүй. Учир нь Бурхан таныг бүтээхдээ Өөрийнхөө төлөө бүтээсэн юм. Тиймээс Бурханаас өөр хэн ч таны зүрхэнд буй тэр хоосон орон зайг дүүргэж чадахгүй.

Та Бурхантай хувьчилсан ойр дотно харилцааг тогтоож чадна гэдгээ мэдэх үү? Бурхан таны гэм нүглийг бүрэн уучилсан гэдгийг батлах бодит баталгааг мэдэрч чадна гэдгээ мэдэх үү?

Та хэн нэгэнд хайртай болсноо хэрхэн мэдэх вэ? Хэн нэгэнд хайртай болсныг шалгаж мэдэх ямар нэгэн шалгуур бий гэж үү? Таны дотор буй сэтгэл хөдлөл жинхэнэ хайр уу эсвэл түрхэн зуурын хуурамч мэдрэмж үү гэдгийг та яаж мэдэх вэ? Үүнийг ялгаж салгах ямар нэгэн арга бий гэж үү?