Дуулал номд, “Хуурмаг хоосныг харахаас хоёр нүдийг минь эргүүлэн Өөрийн замд намайг сэргээгээч!” (Дуулал 119:37) гэсэн залбирал гардаг. Би үүнийг “дэлгүүр хэсэхдээ залбирах залбирал” гэж нэрлэх дуртай.

Төөрсөн хүүгийн эцэг атаархуу хүүдээ хандан, “Хүү минь, чи үргэлж надтай хамт байсан. Минийх гэсэн бүхэн чинийх шүү дээ. Харин энэ дүү чинь үхсэн байсан. Гэтэл амилжээ. Алдагдсан боловч олдлоо. Иймээс бид баярлан цэнгэх ёстой” (Лук 15:31-32) хэмээн хариулсан гэдэг.

Бидний эсрэг чиглэсэн Сатаны дайралт маш олон янз байдаг. Түүний дайралт заримдаа анд нөхөд, хамтран ажиллагсдын шүүмжлэл хэлбэрээр биднийг чиглэдэг бол заримдаа биднийг сул дорой байдлаар маань уруу татах уруу татлага хэлбэрээр чиглэдэг. Тэр бүү хэл заримдаа бидний дотор өөрийгөө голох мэдрэмжийг төрүүлж байдаг. Гэхдээ Сатаны дайралт ямар ч хэлбэртэй байлаа гэсэн бидэнд энэ дайралтаас өөрсдийгөө хамгаалах бүрэн боломж бий.

ХАМТДАА нэвтрүүлгийн өнөөдрийн дугаараар Др.Стэнли бидэнд “Христийн сайн цэрэг байх ёстой чанарууд”-ын талаар үргэлжлүүлэн заах болно.

Аливаа хүн цэрэгт татагдсан даруйдаа тусгай бэлтгэлд хамрагдаж эхэлдэг. Тийнхүү тусгай сургалтаар дамжуулан тухайн хүн сайн цэрэг болон бэлтгэгдэж эхэлдэг. Өндөр ачаалалтай, тэсвэр тэвчээр шардсан тэр л бэлтгэл сургуулилтаар дамжуулаад шинэ цэргүүд хүчтэй, сахилга баттай, хамтын ажиллагаанд бэлтгэгдсэн шилдэг цэргүүд болон өөрчлөгддөг. Учир нь эдгээр чанаруудад суралцаагүй цэргүүд дайн тулааны цагт анги нэгждээ сул тал нь болох болно.

Тэгвэл ХАМТДАА нэвтрүүлгийн өнөөдрийн дугаараар Др.Стэнли бидэнд Сатаны эсрэг тэмцэлдэх сүнслэг тэмцэлдээ ялалт байгуулахын тулд Христэд итгэгчид бид ямар чанаруудыг өөртөө тээх ёстой вэ гэдгийг хэлж өгөх болно. Хэрвээ та Христэд итгэгч бол би танаас асууя. Танд Есүс Христийн сайн цэрэгт байх ёстой тэр л шинж чанарууд байна уу? Хамтдаа олж мэдэцгээе. Др.Чарльз Стэнли бидэнд САЙН ТЭМЦЛЭЭР хэрхэн тэмцэх учиртайг зааж өгөх болно.

Элч Иаков нэгэнтээ, “Амь чинь маргааш ямар байхыг та нар мэдэхгүй. Учир нь та нар хэсэг зуур үзэгдээд дараа нь арилах уур манан шүү дээ” (Иаков 4:14) хэмээн сануулсан байдаг. Тиймээс найз минь, цаг хугацаагаа дэмий бүү өнгөрүүл.

Таны хийж байгаа сонголтууд таны үүрэг хариуцлагын хэмжигдэхүүн болдог гэдгийг та санаарай. Мөн хожмын өдөр тэр бүх сонголтуудынхаа тайланг тавих болно гэдгийг ч мөн бүү мартаарай.

“Тэгээд тэр босож, эцэг уруугаа явжээ. Харин эцэг нь түүнийг холоос харж ихэд өрөвдөн гүйж ирээд, тэвэрч үнсэв. Хүү нь түүнд “Аав аа, би тэнгэрийн эсрэг, таны өмнө нүгэл үйлджээ. Би цаашид таны хүү гэгдэх нь зохисгүй” гэв. Харин эцэг нь боолууддаа “Хамгийн сайхан хувцас хурдан авчирч, түүнийг хувцасла. Гарт нь бөгж зүү, хөлд нь гутал өмсгө. Тарган тугал авчирч нядал. Бүгдээрээ найрлаж цэнгэе. Учир нь энэ хүү минь үхсэн боловч амь оржээ. Тэр алдагдсан боловч олдлоо” гэв. Тэд найрлан цэнгэлдэж эхлэв” (Лук 15:20-24).

Бидний бүтэлгүйтэл, алдаа дутагдлаас үл шалтгаалаад Бурхан Эцэг маань биднийг хайрласаар байдаг. Биднийг Бурханаас холдон төөрч одох үед ч Тэр төөрсөн хонин сүргээ эрэн хайж буй хоньчин мэт биднийг эрж хайсаар байдаг. Тийм ч учраас Эзэн Есүс нэгэнтээ 99 хонио орхиод төөрсөн ганц хониныхоо хойноос явсан хоньчны тухай сургаалт зүйрлэлийг өгүүлсэн байдаг.

“Тэр та нарын дээр баяр хөөртэйгөөр баясна. Тэр хайр дотроо чимээгүй байна. Тэр та нарын дээр баярын уухайгаар баясах болно” Зефаниа 3:17

Нэрт зохиолч, теологич Ж.К.Честертон нэгэнтээ, “Баяр хөөр бол Христэд итгэгчдийн агуу нууц юм” хэмээн дуу алдсан байдаг. Харамсалтай нь өнөөдөр ихэнх итгэгчид энэ нууцыг бусдад харуулах бус харин дотроо нуун амьдарч байна. Таны таних итгэгчдээс хэд нь баяр хөөрөөр дүүрэн амьдарч байна вэ?

Бурханыг бид хэрхэн таньж мэдэх вэ? Шинэ Гэрээнээс үзвэл бид Бурханы Хүү Есүс Христийн амьдралаас Бурханыг таньж мэдэх бүрэн боломжтой. Гэвч бидний эргэн тойронд буй хүмүүс тэр бүр Библи уншдаггүй. Гэхдээ тэд бидний амьдралыг харж байдаг. Тиймээс тэд бидний амьдралаар дамжуулаад Бурханыг таньж мэдэх бүрэн боломжтой юм.