ITGELRADIO

Та халуун уураар дүүрэн угаалгын өрөөнд өөрийгөө толинд харж үзсэн үү? Халуун уур толийг бүрхэх үед бид толинд өөрийгөө харах ямар ч боломжгүй болдог шүү дээ. Та толио арчиж болох ч халуун уур үүсгэж байгаа шалтгааныг зогсоохгүй юм бол тэр толь дахиад л ууранд дарагдах болно.

Үүний нэгэн адил бидний амьдралд буй гэм нүгэл бидний Бурхантай харилцах харилцаанд яг л ийм нөлөөг үзүүлдэг. Тэр тэрхүү уур мананг сайн үйлс, чуулганы үйлчлэл, Библи уншлагаар дамжуулан арчихыг оролдож болох ч цаад шалтгаан болсон гэм нүглийн асуудлаа шийдэхээс нааш Бурхантай нөхөрлөх нөхөрлөл чинь уур мананд дарагдсан хэвээрээ байх болно. Тиймээс Др.Стэнли бидэнтэй өнөөдөр “БИДНИЙГ ХАЙРЛАСАНДАА БИДЭНТЭЙ АМЬД ХАРИЛЦААГ ТОГТООСОН БУРХАН”-ы талаар үргэлжлүүлэн ярилцах болно. Ингээд хамтдаа Др.Стэнлийн ярианд анхаарлаа хандуулцгаая.

ХАМТДАА нэвтрүүлгийн өнөөдрийн дугаараар Др.Стэнли бидэнд хүн бүр эхээс мэндлэхдээ гэм нүглийн хүлээсэн дор мэндэлдэг гэдгийг сануулах болно. Биднийг хүлж боолчлогч нь Сатан бөгөөд бид өөрсдийнхөө хүчээр түүний хүлээс, гав гинж, боолчлолоос чөлөөлөгдөх боломжгүй юм.

Гэвч Бурхан бидний энэ найдвар тасарсан нөхцөл байдлыг харахдаа биднийг чөлөөлүүлэхийн тулд Есүс Христийг илгээсэн. Харин Есүс энэхүү аврах тусгай ажиллагааг амжилттай явуулж, ёрын муугийн хүчийг нэг мөсөн нухчин дарсан билээ. Ингээд хамтдаа “БИДНИЙГ ХАЙРЛАСАНДАА БИДНИЙГ АВРАХААР ИРСЭН БУРХАН”-ы талаар үргэлжлүүлэн суралцацгаая.

ЭЗЭН, хэрэв Та хилэнцийг тооцвоос, Аяа, Эзэн, хэн тэсвэрлэн зогсож чадах вэ? Харин Танаас эмээхийн тулд Уучлал нь Танд байдаг билээ. Дуулал 130:3-4

“Бид дайснаа уучлах хэрэгтэй. Гэхдээ дүүжлүүрт өлгөснийхөө дараа” хэмээн Зигмунд Фройд хэлсэн байдаг. Ийм үзэл бодолтой хүн хэзээ ч дайсантай болохгүй байхын төлөө залбирвал зохино. Учир нь бусдыг үл уучлагч нэгэн хэзээ нэгэн цагт өөрийнхөө гарах тэр гүүрийг өөрийн гараар нурааж байдаг.

“Гэмт үйлдэлээ далдлагч хэзээ ч үл дэвжюү. Гэвч улайгаад, орхигч хайр энэрлийг хүртюү” Сургаалт үгс 28:13

“Бүх юмс өөрчлөгддөг, гэхдээ юу ч өөрчлөгддөггүй” гэсэн үг байдаг. Цаг хугацааны явцад соёл иргэншлүүдэд томоохон өөрчлөлтүүд явагддаг боловч тэрхүү өөрчлөлт дунд амьдарч буй хүмүүс бид тэр бүр өөрчлөгддөггүй ажээ.

Хэр ихийг “хангалттай” гэж үзэх вэ? Энэ асуултад Жон Рокфеллер хариулахдаа, “дахиад жаахан их” гэж хариулсан гэдэг. Шотландын нэрт зохиолч Жорж МакДоналд нэгэнтээ, “Мөнгөнд шунасан баян хүн л мөнгөний боол байдаг юм бишээ. Мөнгөгүй байна хэмээн шаналж мөнгөний төлөө улайран зүтгэж байгаа ядуу хүн ч бас мөнгөний боол гэсэн үг” хэмээн бичсэн байдаг.

Тэгвэл би эхний асуултаа дахиад асууя. Бид бүхэн сэтгэл хангалуун байхад хэр их зүйл шаардлагатай вэ?

эгэл байдал нь бидэнд сэтгэл ханамжийг өгдөг. Өнөөгийн нийгэм биднийг аз жаргалтай байхын тулд илүү ихийг өөрийн болгох ёстой гэж итгүүлэх болсон байна. Энэ итгэл үнэмшил дээр дөрөөлөн ашиг хонжоо олдог салбарууд ч бий болсон байна. Харин эсрэгээрээ эгэл жирийн байдал нь биднийг байгаль дэлхийн хэмнэлтэй хөл нийлүүлэн алхахад тусалдаг

МЭӨ V зууны үед Иерусалим хотын хэрмийг хараахан сэргээн босгож амжаагүй байсан юм. Тиймээс хот ямар ч хамгаалалтгүй болсон байлаа. Харин Нехемиагийн удирдлага дор Израильчууд энэ асуудлаа шийдэж чадсан юм.

Христэд итгэгчид бид Бурханаар гэм нүглээ уучлуулсан учраас Бурханы оршихуйд ямар ч ичгүүргүйгээр зогсох боломжтой гэдгийг элч Петр, Паул нарын аль аль нь батлан хэлсэн байдаг. Энгийнээр хэлбэл Есүс Христ бидний гэм нүглийн төлөөсийг төлсөн учраас бидэнд ямар ч ичгүүр байхгүй юм.

Нэгэн туршлагатай усанд сэлэгч өглөө эртлэн босож, гэрийнхээ ойролцоох нуурт сэлж гэнээ. Гэтэл яг сэлж байх үед нь түүний шөрмөс татаж орхисон байна. Эрэг рүү буцахыг хүссэн ч эрэг дэндүү хол байлаа. Аж болоход түүний ойролцоо завьтайгаа хөвж явсан загасчин түүнийг хараад түүн рүү аврах цагариг шидсэн байна. Тэгвэл шөрмөс нь татаж живэхдээ тулсан сэлэгчийг бид ингээд аврагдчихлаа гэж үзэх үү? Үгүй ээ. Тэр эхлээд гараа сунгаж, тэрхүү аврах цагаригаас шүүрэн авах ёстой. Тэгж байж тэр живэх аюулаас бүр мөсөн мултарч чадна.

Тэгвэл хүн төрөлхтнийг аврахаар ирсэн Есүс Христ бол хүн төрөлхтөн рүү Бурхан илгээсэн цорын ганц аврах цагираг гэдгийг Др.Стэнли бидэнд сануулж байна. Тэр биднийг гэм нүглийн тэнгист живэхээс аврах авралын цагариг юм. Харин бид Түүн рүү гараа сунгаж Түүнээс зуурах ёстой юм. Ингээд хамтдаа энэ цагт “БИДНИЙГ АВРАХААР ИРСЭН БУРХАН” гэсэн сэдвээр суралцацгаая.

Магадгүй таны хувьд Бурханы талаар судалж, таньж мэднэ гэдэг бага зэрэг амаргүй зүйл мэт санагдаж байж болох юм. Энэ том сэдвийг бид хаанаас нь эхэлж барьж авах вэ? Бурханыг таньж мэдэх эрэл хайгуулаа яг хаанаас эхлэх нь зүйтэй вэ? Ингээд бодохоор Библийн Бурханыг таньж мэднэ гэдэг зарим хүмүүсийн хувьд хэтэрхий төвөгтэй, магадгүй бага зэрэг айдас төрүүлэм санагдаж байж ч болох юм. Учир нь олон хүн Бурханыг алс хол оршдог, хатуу хүйтэн сэтгэлтэй, биднийг үл тоодог нэгэн мэтээр төсөөлдөг.

Тэгвэл энэ бүх ойлголт нь хий хоосон домог бөгөөд харин ч Бурхан биднийг хайрласандаа “БИДЭНД ӨӨРИЙГӨӨ ИЛЧИЛСЭН БУРХАН” болохыг Др.Стэнли батлан өгүүлж байна.