Та Бурхантай хувьчилсан ойр дотно харилцааг тогтоож чадна гэдгээ мэдэх үү? Бурхан таны гэм нүглийг бүрэн уучилсан гэдгийг батлах бодит баталгааг мэдэрч чадна гэдгээ мэдэх үү?

Та хэн нэгэнд хайртай болсноо хэрхэн мэдэх вэ? Хэн нэгэнд хайртай болсныг шалгаж мэдэх ямар нэгэн шалгуур бий гэж үү? Таны дотор буй сэтгэл хөдлөл жинхэнэ хайр уу эсвэл түрхэн зуурын хуурамч мэдрэмж үү гэдгийг та яаж мэдэх вэ? Үүнийг ялгаж салгах ямар нэгэн арга бий гэж үү?

Хэрвээ та өнөөдөр өрх толгойлон зүтгэж яваа бол эш үзүүлэгч Исаиагийн үгээр танд урам зориг өгмөөр байна. “Учир нь чамайг Бүтээгч нь чиний нөхөр мөн. Нэр нь түг түмдийн ЭЗЭН. Чиний Аврагч нь Израилийн Ариун Нэгэн бөгөөд Бүх дэлхийн Бурхан хэмээн нэрлэгдсэн билээ” (Исаиа 54:5) хэмээн тэрээр тунхагласан байдаг. Үнэхээр Бурхан Эзэн чинь чиний хэрэгцээг мэддэг юм шүү.

Есүс Христ нэгэнтээ, “Үнэнээр үнэнээр Би чамд хэлье. Хэн дээрээс эс төрнө, тэр Бурханы хаанчлалыг үзэж үл чадна” (Иохан 3:3) хэмээн хэлсэн байдаг. Хэдийгээр Есүс ийнхүү айлдсан ч өнөөдөр маш олон хүн сайн хүн байвал эсвэл цуглаанд явбал мөнхийн улсад очно гэж эндүүрдэг. Гэвч бид сайн үйлсээрээ мөнхийн улсад орж чадахгүй гэдгийг Библид тодорхой өгүүлсэн байдаг. Эсрэгээрээ бид зөвхөн Есүс Христийг Аврагчаа болгон хүлээн авч, загалмай дээр урсгасан Түүний цус биднийг гэм нүглээс маань аврах болно гэдэгт итгэснээр мөнхийн улсад орох боломжтой юм.

Тийм ч учраас Есүс Христ бидэнд, “Хэн дээрээс эс төрнө, тэр Бурханы хаанчлалыг үзэж үл чадна” хэмээн айлдсан юм. Тэгвэл “дээрээс төрөх” буюу “ДАХИН ТӨРӨХ ГЭДЭГ НЬ ЮУ ГЭСЭН ҮГ ВЭ?” гэдгийг өнөөдөр Др.Стэнли бидэнд тайлбарлаж өгөх болно.

Сайхан сэтгэлтэй, сайн үйлстэй, эелдэг дөлгөөн хүн шашин шүтлэг, итгэл бишрэлээсээ үл хамаараад амьдралынхаа төгсгөлд диваажинд очих нь гарцаагүй хэмээн ихэнх хүмүүс боддог.

Үл итгэгч хүмүүс л ингэж боддог байх гэж та бодож байна уу? Тэгвэл Жорж Барнагийн хийсэн нэгэн судалгаа бидэнд хачирхалтай баримтыг илчлэн харуулж байна. Христэд итгэж, дахин төрсөн нийт итгэгчдийн гуравны нэг нь “аливаа хүн Есүс Христийг Аврагчаа болгон авсан эсэхээс үл шалтгаалаад зөв сайн амьдарвал хожим нь диваажинд очиж болно” гэдэгт итгэдэг ажээ.

Тэгвэл ингэж бодох нь ноцтой алдаа болохыг Др.Стэнли бидэнд анхааруулж байна. Ингэхдээ “ШАШИНЛАГ БОЛОВЧ АВРАЛЫГ ОЛООГҮЙ НЭГЭН” авралыг авах боломжгүй гэдгийг батлан өгүүлэх болно.

Библийн хуудсыг сөхвөл “ариун” буюу “ариун байдал” гэсэн үг нийт 525 удаа гарсан байна. Ингэхдээ энэ үгийг ихэвчлэн Бурхантай холбож хэрэглэсэн байна. Гэтэл бид Библиэс заахдаа ариун байдал бидний амьдралд ямар чухал болохыг тэр бүр онцолдоггүй. Харин ч эсрэгээрээ бид “ариун хүн” гэдэг ойлголтыг ямар нэгэн даяанч, бясалгагч хүнтэй холбож ойлгох болсон байна.

Өнөөдөр хүмүүс “ариун хүн” гэдэг ойлголтыг ихэвчлэн урт сахалтай, цагаан дээлтэй, алсын бараа ширтсэн Энэтхэг маягийн гурутай холбож ойлгох болсон байна. Гэвч Библид ариун байдал гэдэг ойлголтыг үүнээс тэс өөрөөр тодорхойлсон байдаг. Тэднийг даяанч гэж нэрлэж болно. Шашинлаг хүн гэж нэрлэж болно. Харин Библийн утга санааны дагуу бол хэрхэвч “ариун хүн” гэж нэрлэх боломжгүй юм.

Хэрвээ бид галтай ойрхон суувал дулаацах болно. Харин галыг холоос харвал гал улалзан асаж байгааг харавч халуун дулааныг нь мэдэрч чадахгүй. Тэгвэл бидний итгэл ч мөн үүнтэй адилхан юм. Бид Бурхантай хэдий чинээ ойр байна Түүний өөрчлөгч хүч ч мөн бидэнтэй төдий чинээ ойр байх болно.

Миний охин Бонни, “Христэд итгэгчид хов жив ярьдаггүй. Тэд зүгээр л залбирлын сэдэв хуваалцдаг” хэмээн шоглон хэлэх дуртай. Тэгвэл таны чихэнд ирсэн баталгаатай бус мэдээлэлд та хэрхэн ханддаг вэ? Заримдаа би хов живийн шинжтэй зүйл ярьж байгаа хүнээс, “Чи үүнийг хөдөлшгүйгээр мэдэж байна уу? Эсвэл чамд өөр хэн нэгэн хүн хэлсэн үү?” гэж тулган асуудаг.

Амьдралдаа аливаа сонголтуудыг хийхдээ Эзэнээс асууж, сонголтыг Түүнд даатган үлдээж сурах нь чухал юм. Учир нь Тэр бол, “Чамд тустайг сурган чамайг явах замаар чинь удирддаг. Бурхан ЭЗЭН чинь Би байна” (Исаиа 48:17) хэмээн айлддаг Нэгэн билээ.