ITGELRADIO

Христийг энэ дэлхий дээр амьдарч байх хугацаанд Түүнийг даган явах нь ямар байсныг та төсөөлөөд үзээрэй. Түүнийг дагаснаараа та Түүний үйлдэх гайхамшгуудыг харах байсан. Түүний үнэний сургаалуудыг сонсох байсан. Хамгийн гол нь Түүнтэй чин сэтгэлээсээ ярилцах хувьчилсан цагуудыг гаргах боломжтой байх байсан.

Гэтэл Түүнтэй тийм дотно байсан хүмүүсийн хувьд Түүнийг загалмайд хадагдан цусаа урсгахыг харах ямар аймшигтай байсныг та бас төсөөлж байгаа байх. Энэ аймшигт үзэгдлийг харж айж цочирдсон шавь нар нь тэрхэн мөчид тэдний нүдний өмнө ямар агуу гайхамшигтай үйл явдал өрнөж байгааг ойлгож ухаараагүй нь лавтай юм.

Тэгвэл өнөөдөр ч маш олон хүн Есүс Христийн үхлийн үнэ цэн, утга учрыг бүрэн дүүрэн ойлгож чадаагүй л явна. Угтаа бол хүн бүрд мөнх амийн үүдийг нээхийн тулд Есүс Христ сайн дураараа амиа өгч, цусаа урсгасан юм шүү.

“Зөвт хүн далдуу мод шиг цэцэглэж, Ливан дахь хуш мод шиг ургана. ЭЗЭНий өргөөнд тэд суулгагдаж Бурханы маань хүрээнүүдэд тэд цэцэглэнэ. Тэд хөгширсөн ч жимс гаргана. Тэд шүүслэг ба ногоон байна” (Дуулал 92:12-14).

Надад энэ үгс үнэхээр сайхан санагддаг. Хөгширсөн ч үр жимсээр дүүрэн, шүүслэг ногоон байна гэдэг сайхан хэрэг биш гэж үү? Бид ингэж л амьдрах учиртай.

Иеремиа 29:11-д ийм нэгэн гайхамшигтай амлалт бичигдсэн байдаг: “Учир нь та нарт зориулж байгаа төлөвлөгөөнүүдийг Би мэдэх бөгөөд тэдгээр нь та нарт ирээдүй ба найдварыг өгөх гай гамшгийн бус, сайн сайхны төлөөх төлөвлөгөөнүүд юм» гэж ЭЗЭН тунхаглаж байна”.

Тэртээ 2000 жилийн тэртээд Голготын толгод дээр босгосон загалмайд хүмүүс Есүс Христийг цовдолсон. Түүний шархадсан биеэс цус тасралтгүй урссаар байсан. Хэдийгээр энэ дүр зургийг төсөөлөхөд аймшигтай боловч хүн төрөлхтөнд хандсан Бурханы төлөвлөгөөг гүйцэлдүүлэхэд Христийн үхэл зайлшгүй шаардлагатай байсан юм.

Хэрвээ бид Христийн үүрсэн загалмайг, Түүний урсгасан цусыг үгүйсгэх юм бол Христитгэлийг бүхэлд нь үгүйсгэж байгаагаас ялгаагүй юм. Учир нь Түүний урсгасан цусны гавьяагаар бидний гэм нүгэл цагаатгагдаж, Түүнд итгэх итгэлээр бид мөнхийн амийг авах боломжтой болсон юм. Учир нь бидний авралд Христийн цус ЗАЙЛШГҮЙ ШААРДЛГАТАЙ байсан билээ. Тэгвэл Др.Стэнли өнөөдөр бидэнд бидний авралд Христийн цус яагаад заавал шаардлагатай байсан болохыг тайлбарлан өгүүлэх болно.

Бидний амьдралд хүнд хэцүү асуудал тулгарч, уй гашуу нөмрөх үед бид өөрийн мэдэлгүй, “Бурхан минь, Та хаана байнаа? Намайг хаана явж байгааг Та мэдэж байна уу?” гэж асуудаг. Ингэж асуухдаа бид угтаа бол, “Бурхан минь, Та үнэхээр бүхнийг хянаж байгаа гэж үү? Энэ хүнд хэцүү цаг үеийг даван туулахад Та надад үнэхээр тусалж чадна гэж үү?” хэмээн асууж байдаг.

Эзэн Есүс баривчлагдсан тэр шөнөө шавь нартаа дараах үгсийг захисан байдаг. Иохан 14:3-г уншивал,

[3] “Би явж, та нарт орон байр бэлдчихвэл, дахин ирж, та нарыг Өөртөө авна. Би хаана байна, та нар мөн тэнд байх болно. гэсэн байна.

Энэ бол биднийг хайрлаж, бидэнд санаа тавьдаг, Бурхан Эзэний маань гайхамшигтай амлалт юм. Хожмын нэг өдөр энэ дэлхий дээрх бидний амьдрал дуусахад бид Эзэн Есүстэй уулзаж, түүнтэй мөнхийн мөнхөд хамт байх болно. Тэгвэл таны мөнхийн орон байр ямар байхыг та мэдэх үү? Мөнхийн улсад очно гэсэн бодол таны дотор баяр хөөрийг төрүүлж байна уу? Хэрвээ үгүй бол та мөнхийн улсыг ямар гайхамшигтай газар болохыг төдийлөн сайн мэдэхгүй байна гэсэн үг. Тиймээс Др.Чарльз Стэнли өнөөдөр бидэнд “биднийг хайрласандаа, бидэнд мөнхийн улсыг бэлдсэн” тэр агуу Бурханы талаар олон гайхамшигтай үнэнийг хуваалцах болно.

“Хүндэт Др.Сала, танаас асуух асуулт байна. Есүс Христ, Бурхан хоёр Христэд итгэгч үү? Хэрвээ тийм биш бол Бурхан Христ хоёр нэгдмэл байж чадахгүй болох биш үү?” гэж 8 настай сонсогч маань асуусан байна. Энэ бол үнэхээр чухал бас хариулахад амаргүй асуулт. Ямартай ч би бяцхан сонсогчийнхоо энэ чухал асуултад өөрийнхөөрөө хариулт өгөх гэж хичээе.

Есүс дуудаж байна нааш ир

Хүнд ачаа үүрсэн нэгэн Над руу ир

Есүс дуудаж байна нааш ир

Яд‍‍арсан нэгэн Над руу ирэгт‍‍үн

Есүс дуудаж б‍‍айн‍‍а

Хараагаа Эзэнд өр‍‍гөөч

Эмтэрсэн зүрхнээс Тэр х‍‍ол биш

Хараагаа Эзэнд өр‍‍гөөч

Эмтэрсэн зүрхнээс Тэр х‍‍ол биш

Чичирсэн гар, цөхөрсөн сэтгэл ээ

Загалмайн өмнө авч ир‍‍ээч

Есүс дуудаж байна нааш ир

Хүнд ачаа үүрсэн нэгэн Над руу ир

Есүс дуудаж байна нааш ир

Яд‍‍арсан нэгэн Над руу ирэгт‍‍үн

Есүс дуудаж б‍‍айна

Та мэддэг миний бүх бодлуудыг

Та мэддэг миний бүх залбирлыг

Та мэддэг миний бүх асуултыг

Та мэддэг миний бүх талархлыг

Та мэддэг миний бүх бодлуудыг

Та мэддэг миний бүх залбирлыг

Та мэддэг миний бүх асуултыг

Тэнгэр‍‍лэг Эцэг минь надад хариул‍‍на

Үхэлтэй нүүр тулсан хүн бүр ямар нэгэн онцгой зүйлийг хардаг эсэхийг би мэдэхгүй. Гэхдээ үхлийн ирмэгт хүрч тэр онцгой зүйлийг хараад, эргэж ирсэн хүмүүсийн хувьд амьдрал нь үүрд өөрчлөгддөг гэдгийг би мэднэ.

Есүсийг загалмайд цовдлогдох үед түүний дэргэд цовдлогдсон 2 гэмт хэрэгтний нэг нь Түүнд хандан, “Есүс ээ, Та Өөрийнхөө хаанчлалд очихдоо намайг санаарай” хэмээн хашхирсан байдаг. Харин Есүс түүнд хандан, “Үнэнээр Би чамд хэлье. Өнөөдөр чи Надтай хамт Диваажинд байх болно” хэмээн хариулсан байдаг.