ITGELRADIO

Нэгэн эмэгтэй анхны хүүхдээ төрүүлэхдээ дотроо “төгс ээж байх” шийдвэр гаргажээ. Ингэхдээ тэрээр хүүхдийнхээ хэрэгцээг бүрэн хангасан, ухаалаг сурган хүмүүжүүлэгч байж, хүүхдээ Сургаалт үгс 22:6-д бичигдсэнчлэн Бурханы замаар дагуулах болно хэмээн шийджээ.

Гэвч тэрээр удалгүй нэг чухал үнэнийг ухаарсан байна.

Шавь нартаа хандан Эзэн Есүс хэлэхдээ, “Ертөнцөд та нар зовлонтой байна. Гэвч зоригтой байгтун. Би ертөнцийг ялсан” (Иохан 16:33) хэмээн айлдсан юм. Энэ үг танд ч бас хамаатай гэдгийг та санаарай.

Дэлхийн өнцөг булан бүрт буй Христэд итгэгчдийн өдөр тутмын амьдралд гэнэтийн таагүй үйл явдлууд тохиолдох нь ердийн үзэгдэл юм. Амьсгал хурааж буй эхнэрийнхээ орны дэргэд цөхрөнгөө баран сууж буй нөхөр, гэрээсээ оргосон охиноосоо дуудлага ирэхийг тэсэн ядан хүлээж буй эх, амьдралынхаа туршид зүттгэн байж босгосон бизнес нь нүдэн дээр нь нуран унаж байгааг ухаарсан бизнесмэн.

Ийм байдалд орох үедээ бид хамгийн түрүүнд, “Бурхан минь, Та хаана байна аа?” хэмээн дуу алддаг. Магадгүй та яг одоо ч ийм нөхцөл байдалд орчихсон байж болох юм. Тэгвэл Христэд итгэгчид бид зовлон шаналал дундаа хэзээ ч цор ганцаараа зогсдоггүй гэдгийг Др.Стэнли бидэнд сануулж байна. Хэрвээ танд Бурхан Эцэгийн тань урам зориг, тайтгарлын үг хэрэгтэй байгаа бол өнөөдрийн дугаарыг маань анхааралтай сонсож, бидний итгэдэг Бурхан бол “БИДНИЙГ ТАЙТГАРУУЛДАГ БУРХАН” гэдгийг олж мэдээрэй.

Христэд итгэгчид бидэнд аливаа стресс дарамтыг даван гарах гайхамшигтай арга замуудыг Бурхан өгсөн гэдэгт бүрэн итгэлтэй байдаг. Тиймээс би танд дараах чухал зөвлөмжүүдийг өгмөөр байна.

Сатан Еден цэцэрлэгтээ Еваг амжилттай хуурч “чи Бурхантай адил болно” хэмээн итгүүлж чадсан. Энэ худал хуурмагт нь Адам Ева 2 итгэсэн учраас Бурханы тушаалыг зөрчиж, Бурханы эсрэг нүгэл үйлдсэн юм. Тэр цагаас эхлэн хүн төрөлхтөн Бурхантай адил болох гэсэн адын хүсэлдээ автан амьдрах болсон юм. Үнэндээ бүхий л бардамналын цаана хүмүүний өөрийгөө бурханчлан өргөмжлөх гэсэн хүсэл нуугдаж байдаг.

Харин Бурхан бидэнд хайртай учраас биднийг Өөрийн Хүү Есүс Христтэй адил дүр төрхийн дагуу өөрчлөхийг хүссэн. Есүс Христтэй адил дүр төрхийн дагуу өөрчлөгдөнө гэдэг нь юу гэсэн үг вэ? Бид зөвхөн мөнхийн улсад очсон хойноо л Есүстэй адил болон өөрчлөгдөх үү? Эсвэл бид энэ дэлхий дээр амьдрах хугацаандаа ч Христтэй адил дүр төрхийн дагуу өөрчлөгдөх боломжтой юу? Тэгвэл ХАМТДАА нэвтрүүлгийн өнөөдрийн дугаараар Др.Чарльз Стэнли бидэнд Еден цэцэрлэгт өрнөсөн үйл явдлын өөр нэгэн хэсгийг бидэнд тайлбарлаж, биднийг хайрласандаа “БИДНИЙГ ӨӨРТЭЙГӨӨ АДИЛ БОЛГОН ӨӨРЧЛӨХӨӨР ТОГТСОН БУРХАН”-ыг бидэнд дахин танилцуулах болно.

Хэрвээ та Христэд итгэгчид бид стресстэх ёсгүй гэж боддог бол Библийн баатруудын амьдралд юу тохиолдож байсныг эргээд нэг санаарай. Жишээ нь арслантай нүхэнд хаягдсан Даниелыг санацгаая. Бурханы түүнийг авраагүй бол тэр арслангийн хоол болох байсан. Энэ нь түүнийг ямар их стресс дарамтанд оруулж байсныг та төсөөлж байгаа байх.

Сэтгэл судлаач, пастор Др.Жак Моррис хэлэхдээ, “Стрессээс үүдэлтэйгээр маш их ядралт үүсдэг бөгөөд ядарсан хүн амархан түгшиж, түгшүүр нь санаа зовнилд хүргэн, хэтэрхий их санаа зовнил нь эцэстээ тухайн хүнийг сэтгэл гутрал руу түлхдэг” гэсэн байдаг.

Стресс нь бидний сүнслэг амьдралд сөргөөр нөлөөлж байдаг.

Эзэн Есүс шавь нартаа хандан, “Ертөнцөд та нар зовлонтой байна. Гэвч зоригтой байгтун. Би ертөнцийг ялсан” хэмээн хэлж байсныг та битгий мартаарай.

Өнөөдөр танай гэрт Библи байсаар байтал та уншихгүй тоосонд даруулан хадгалсаар байгаа юм биш биз? Хэрвээ тийм бол энэ дэлхий дээрх хамгийн агуу зэвсэг таны гарт байгаа гэдгийг санаарай. Энэ бол Библи.

Ердөө тавхан үг. Тэгээд л боллоо. Гэхдээ энэ 5 үг бол маш хүчтэй үгс. Энэ үгсийг би Библиэс олж уншсан юм. Энд ийнхүү бичигдсэн байна: “Бүхнийг гомдол маргаан үгүйгээр хийцгээ” (Филиппой 2:14).