ITGELRADIO

Магадгүй өнөөдөр та ч бас ойлгоход хэцүү, амаргүй нөхцөл байдал дунд байгаа байж болох юм. Бурхан таныг мартчихсан юм шиг, танд ямар ч найдвар байхгүй юм шиг танд санагдаж байж болох юм. Магадгүй та хүнд өвчтэй хайртай дотнын хүнээ асрахад хамаг цаг заваа зориулдаг байж болох юм. Эсвэл та мөнгөний төлөө дургүй ажлаа хүчээр хийж байж ч болох юм. Гэхдээ аль нь ч байлаа гэсэн Бурхан Өөрийнхөө хүмүүст хандан, “Эдгээрийг санагтун. Би чамайг бүтээсэн. Чи Миний боол. Израиль аа, Би чамайг мартахгүй” (Исаиа 44:21) хэмээн айлддаг гэдгийг та санаарай.

“Пасторуудад ч залбирлын дэмжлэг хэрэгтэй байдаг юм шүү” хэмээн Уилл Брьюс саяхны нэгэн нийтлэлдээ бичсэн байв. Түүний бичсэн уг нийтлэл надад маш онцгой сэтгэгдэл төрүүлсэн учир уг нийтлэлийн хэсгийг түүнээс зөвшөөрөл авсны дагуу та бүхэнд хүргэхээр шийдлээ.

Спортын тэмцээнд ялагч ялагдагч нарыг нэг л чухал зүйл зааглаж байдаг. Энэ бол “итгэл” юм. Энэ л итгэлээр тамирчид өөрсдийгөө чинээнд нь тултал дайчилж, ядарч туйлдсан ч зогсолтгүй урагшилсаар ялалт байгуулж чаддаг.

Тэгвэл ХАМТДАА нэвтрүүлгийн өнөөдрийн дугаараар Др.Чарльз Стэнли бидэнд сүнслэг тулаанд ялалт байгуулахад шаардлагатай тэр итгэлийн талаар өгүүлэх болно. Гэхдээ энэ итгэл нь бидний авьяас бэлэг, ур чадвараас хамаардаггүй зөвхөн бидний Эзэн Есүс Христээс, Түүний хүч чадлаас хамаардаг юм.

Сүүлийн хэдэн 10 жилийн хугацаанд бидний дэлхий ертөнцөд технологийн тэсрэлт болсон гэж хэлэхэд болно. Технологийн хөгжил дэвшлийн үр дүнд бидний дэлхий ертөнц улам бүр жижиг болсоор байна.

Технологийн энэ их хөгжил дэвшлийг энэ дэлхий ертөнцийг илүү сайхан газар болгохын төлөө ашиглаж болно гэдэгт бид итгэхийг хүсдэг. Харамсалтай нь дэлхий ертөнц урьдынхаасаа илүү дээр болсонгүй. Бидний асуудлууд шийдэгдэх бус харин ч улам бүр төвөгтэй болсоор байна. Библи бидэнд хэлэхдээ эцсийн өдөр ойртох тусам бидний дэлхий ертөнц, гэр бүл, улс үндэстнүүд улам их зовлон бэрхшээлийг амсах болно гэсэн байдаг.

Гэсэн ч бид зүрх алдан цөхрөх хэрэггүй юм. Хэрвээ бид энэ “ХЭЦҮҮ ЦАГ ҮЕД” анхааралтай байж чадвал тэр бүх зовлон бэрхшээлийг даван туулж чадна.

Өнөөдөр бид гэм нүгэлд унасан, төгс бус дэлхий ертөнц дээр амьдарч байна. Бурханы тогтоож өгсөн учир шалтгаан, үр дагаврын хууль болон Бурханы хайр энэрлийн хоорондын уялдаа холбоон дээр өнөөдөр бидний амьдрал оршин тогтнож байна гэж хэлж болно. Үнэхээр Бурхан Өөрийнхөө хүүхдүүдийн хувьд хоргодох газар нь юм. Гэхдээ тэглээ гээд Тэр биднийг буруу сонголт, алдаа дутагдлын маань үр дагавраас чөлөөлдөггүй.

Хүн төрөлхтөн араатан амьтдаас ялгаатай нь тэд Бурханы дүр төрхөөр бүтээгдсэн явдал. Мөн тэд өөрсдөөсөө илүү агуу, амьд Бурханыг хүндлэн дээдэлдэг. Хүндлэл мөргөл гэдэг бол эрэгтэй эмэгтэй, яс үндэс, баян ядуу үл шалтгаалаад дэлхий нийтээр түгээмэл тархсан үзэгдэл юм. Гэм нүгэлт хүмүүс бид зөвт ариун Бурхантай уулзсан тэр цагаас эхлэн үнэн Бурханыг дээдлэх хүндлэл мөргөл эхэлсэн юм.

Зарим хүмүүс ерөөн адислах гэдэг үгийг сайн ойлгодог байхад зарим нь хүндэтгэл мөргөл гэдэг үгийг илүү сайн ойлгодог. Гэхдээ бидний олонх нь ивээл ерөөл болон хүндлэл мөргөл гэдэг хоёр үгийн утга санааг хольж сольж ойлгодог болохыг би анзаарсан юм. Ивээл ерөөл гэдэг бол таны хүлээж авдаг зүйл. Харин хүндлэл мөргөл бол таны Бурханд зориулан хийдэг зүйл. Бид үнэн сэтгэлээсээ Бурханыг хүндлэн мөргөх үед Бурхан бидний дээр ивээл ерөөлөө буулгадаг.

Дуулал 46:10-д Бурхан, “Тэмцэлдэхээ больж Бурхан гэдгийг минь мэд” хэмээн айлдсан байдаг. Бид тэмцэлдэхээ больж, тайвшрах үеээ сая Бурханы дуу хоолойг сонсох сөхөөтэй болдог. Анир чимээгүй байдал бидэнд тайвшралыг өгдөг. Энэ бол Бурханы тогтоож өгсөн байгалийн хуулийн нэгээхэн хэсэг юм.

Эрүүл саруул, баян чинээлэг амжилт бүтээлээр дүүрэн яваа хүмүүсийг бахдан биширдэг энэ дэлхий дээр бид энэ шалгуурт тэнцэж нийцэхгүй хүмүүсийг тэр бүр анзаараад байдаггүй шүү дээ. Бүх л түүхийн туршид нийгмээсээ гадуурхагдсан эрэгтэй эмэгтэй хүмүүс байсаар ирсэн. Гэр бүлийнхээ гарал угсаа, өвчин зовлон, амьдралдаа гаргасан буруу шийдвэрүүд зэрэг олон шалтгааны улмаас тэд нийгэмдээ гадуурхагдаж, бусдад шоовдорлогдсон байдаг. Ийм байдалд орсон хүмүүсийн хувьд “Бурхан намайг мартчихсан юм биш үү” гэх бодол өөрийн эрхгүй төрөх нь лавтай. Тэгвэл өнөөдөр та бидний үзэх “Хулгайч Араадын түүх” хэмээх энэхүү радио жүжиг асуултын хариултыг өгөх болно. Библийн Лук 23 бүлгээс сэдэвлэсэн “Есүс Христийн уучлал” хэмээх ангийг сонсъё.

Эрүүл саруул, баян чинээлэг амжилт бүтээлээр дүүрэн яваа хүмүүсийг бахдан биширдэг энэ дэлхий дээр бид энэ шалгуурт тэнцэж нийцэхгүй хүмүүсийг тэр бүр анзаараад байдаггүй шүү дээ. Бүх л түүхийн туршид нийгмээсээ гадуурхагдсан эрэгтэй эмэгтэй хүмүүс байсаар ирсэн. Гэр бүлийнхээ гарал угсаа, өвчин зовлон, амьдралдаа гаргасан буруу шийдвэрүүд зэрэг олон шалтгааны улмаас тэд нийгэмдээ гадуурхагдаж, бусдад шоовдорлогдсон байдаг. Ийм байдалд орсон хүмүүсийн хувьд “Бурхан намайг мартчихсан юм биш үү” гэх бодол өөрийн эрхгүй төрөх нь лавтай. Тэгвэл өнөөдөр та бидний үзэх “Хулгайч Араадын түүх” хэмээх энэхүү радио жүжиг асуултын хариултыг өгөх болно. Библийн Лук 23 бүлгээс сэдэвлэсэн “Алдагдсан боломж” хэмээх ангийг сонсъё.