Манай хөтөлбөрийн өнөөдрийн сэдэв бол “Бурханы тухай асуултууд” гэсэн сэдэв байна. Эдгээр асуултууд нь танд Бурханы тухай болон Түүний агуу чанаруудын талаар илүү ихийг ойлгож мэдэхэд чинь туслах болно.

Христитгэлийн хамгийн гайхамшигтай чанар бол хүмүүсийн амьдралыг гайхамшигтайгаар өөрчилдөг хүч чадал юм. Үнэхээр Есүс Христэд итгэсэн хүн бүрийн амьдрал эрс өөрчлөгдөж тэр хүн Христтэй адил нэгэн болж аажмаар өөрчлөгдөж эхэлдэг.

Таны бие махбодыг захирахын төлөө тэмцэх тэмцэл таны оюун санаанд өрнөж байдаг гэдгийг та санаарай. Үнэндээ архи, тамхи, хар тамхи, завхайрал, садар самуун гэх мэт хүний биеийг бохирдуулан бузартуулах аливаа бүхэн бидний бодол санаанаас эхтэй байдаг. Тиймээс ч элч Паул Ромын итгэгчдэд хандан бичсэн захидалдаа, “Энэ үеийн явдалд нийцэлгүй, харин оюун санааныхаа шинэтгэлээр өөрчлөгдөж байгтун!” хэмээн захисан байдаг юм.

Үнэхээр найз минь, чиний бие элч Паулын хэлсэнчлэн Бурханыг алдаршуулах гайхамшигтай амьд тахил байх учиртай юм шүү. Сонирхолтой нь Библид хүний биеийн талаар маш олон зүйлсийг өгүүлсэн байдаг. Тэр бүхнийг ярих цаг өнөөдөр надад алга. Тэгвэл бид өөрсдийн биеийг Бурханд амьд тахил болгон өргөнө гэдэг нь юу гэсэн үг юм бэ?

Элч Паул Коринтын итгэгчдэд хандан бичсэн захидалдаа, “Та нарын бие бол Бурханаас та нарт буй, дотор чинь байдаг Ариун Сүнсний сүм бөгөөд та нар ч өөрсдөө өөрсдийнх бус гэдгээ мэддэггүй юм уу? Та нарыг үнэтэйгээр худалдан авсан тул биеэрээ Бурханыг алдаршуул” (1 Коринт 6:19-20) гэсэн байдаг.

Үнэхээр Бурханаас авралыг авсан хүмүүс бид бүгд ийнхүү амьдрах учиртай юм.

Магадгүй та яг одоо хүнд хэцүү үеийг туулж байж болно. Магадгүй таныг хэн ч анзаарахгүй байгаа мэт санагдаж байж болох ч Бурхан таныг харж байгаа. Бурхан танд санаа тавьж байгаа.

Бидний амьдарч буй энэ дэлхий ертөнц бол гэм нүгэлд унасан, төгс бус ертөнц гэдгийг бид ойлгох хэрэгтэй. Тиймээс бид өөрсдөдөө тохиолдож буй бүхний цаад шалтгааныг тэр бүр бүрэн ойлгож чаддаггүй. Яагаад нэг нь үр хүүхэдтэй болохын төлөө байдгаараа хичээсэн ч хүүхэдтэй болж чадахгүй байхад, өөр нэгэн эмэгтэй абортонд орж байдгийг бид мэдэхгүй. Яагаад олон хүүхэдтэй залуухан эх хавдрын улмаас амиа алдаж байхад, архи ууж, тамхи татахаас өөрийг мэдэхгүй, яхир хөгшин 90 гаруй насалж байгааг бид мэдэхгүй. Яагаад ядуу айлын хүүхдийн гаргасан амжилтыг баян айлын хүүхэд булааж болдгийг бид мэдэхгүй. Мэдээж энэ нь зөв сайн зүйл биш. Гэхдээ бид энэ бүхний цаад шалтгааныг хэлж мэдэхгүй ч, Библид хэлсэнчлэн, баяр хөөр болж буй хүмүүстэй хамт баярлаж, уйлж буй хүмүүстэй хамт уйлж чадна (Ром 12:15).

Хагарын амьдралд Бурхан эхлээд уулзахдаа өөрийг нь харж байдаг гэдгээ ойлгуулсан. Харин хоёр дахь удаа уулзахдаа Би зөвхөн хардаг Бурхан биш. Чи болон чиний хүүд зориулсан төлөвлөгөөтэй Бурхан гэдгээ ойлгуулсан. Тиймээс та хүмүүсийн нөхцөл байдлыг хараад бүрэн өөрчилж л чадахгүй бол оролцох хэрэггүй гэж хойш бүү суугаарай. Олон жижиг зүйл нийлснээр агуу зүйл бий болдог. Бурхан агуу төлөвлөгөөнийхөө жижигхэн хэсэг болох тусламж хэрэгтэй хэн нэгний нэг өдрийг авруулахдаа таныг сонгосон байж болно шүү.

Христ мэндэлсний баярт зориулсан #СайнҮйл нэвтрүүлэг

Паул Тимотод, “Бэлэвсэн эмэгтэйчүүд бол чиний эмэг эх Лойтой адил. Хүүхдээ өсгөж байгаа эх хүн бол чиний эх Юниктэй ижил. Тиймээс тэднийг хайрлаж халамжил. Үнэхээр бэлэвсэн бол тэднийг хүндэл. Харин тэр бэлэвсэн нэгэн өөрийн хүүхэд болон ач гучид орхигдсон бол ач гучийнх нь хийж байгаа зүйл болоод амьдарч байгаа хэв маяг нь Бурханд тааламжгүй гэдгийг сануулж, өөртөө хамаарах настан, бэлэвснүүдийг асарч ачийг нь хариулахыг заа” гэж сургасан.

Есүс Христийн гайхамшигт хайрын тухай авралын сайнмэдээ одоо ч өдөр бүр хүмүүсийг аварсаар байна. Сайнмэдээ болон сайн үйлс хоёр хамтдаа байх учиртай. Тэр үед Петрийн хүмүүст тараасан сайнмэдээ, Табитагийн аврагдсан хүний талархсан сэтгэлээр хуваалцсан сайн үйл үргэлжилсээр өнөө цагт ирлээ. Аврал Христэд итгээгүй бүх хүнд хэрэгтэй. Харин биднээс гарах сайхан сэтгэлийн өглөг нь итгээгүй болон аль хэдийнэ итгэсэн бүх хүнд хэрэгтэй.