ITGELRADIO

Бидний бүтэлгүйтэл, алдаа дутагдлаас үл шалтгаалаад Бурхан Эцэг маань биднийг хайрласаар байдаг. Биднийг Бурханаас холдон төөрч одох үед ч Тэр төөрсөн хонин сүргээ эрэн хайж буй хоньчин мэт биднийг эрж хайсаар байдаг. Тийм ч учраас Эзэн Есүс нэгэнтээ 99 хонио орхиод төөрсөн ганц хониныхоо хойноос явсан хоньчны тухай сургаалт зүйрлэлийг өгүүлсэн байдаг.

“Тэр та нарын дээр баяр хөөртэйгөөр баясна. Тэр хайр дотроо чимээгүй байна. Тэр та нарын дээр баярын уухайгаар баясах болно” Зефаниа 3:17

Нэрт зохиолч, теологич Ж.К.Честертон нэгэнтээ, “Баяр хөөр бол Христэд итгэгчдийн агуу нууц юм” хэмээн дуу алдсан байдаг. Харамсалтай нь өнөөдөр ихэнх итгэгчид энэ нууцыг бусдад харуулах бус харин дотроо нуун амьдарч байна. Таны таних итгэгчдээс хэд нь баяр хөөрөөр дүүрэн амьдарч байна вэ?

Бурханыг бид хэрхэн таньж мэдэх вэ? Шинэ Гэрээнээс үзвэл бид Бурханы Хүү Есүс Христийн амьдралаас Бурханыг таньж мэдэх бүрэн боломжтой. Гэвч бидний эргэн тойронд буй хүмүүс тэр бүр Библи уншдаггүй. Гэхдээ тэд бидний амьдралыг харж байдаг. Тиймээс тэд бидний амьдралаар дамжуулаад Бурханыг таньж мэдэх бүрэн боломжтой юм.

Хэн нэгэн хүн бидний итгэлийг сөрөх үед бид ихэвчлэн ухарч няцдаг. Бид тэр хүмүүсийн үгийг үл тоох буюу тэдэнтэй зөрчилдөхөөс аль болох зайлсхийдэг. Заримдаа бид Бурханы үгийн улмаас гадуурхагдах вий гэж болгоомжилдог. Хэдийгээр энэ нь бидний хувьд илүү амар хялбар хариу үйлдэл байж болох ч Бурхан биднийг ийм байдалтай байгаасай гэж хүсдэггүй.

Тиймээс ХАМТДАА нэвтрүүлгийн өнөөдрийн дугаараар Др.Стэнли бидэнд итгэлийнхээ төлөө хэрхэн бат зогсохыг зааж өгөх болно. Биднийг шүүмжлэх шүүмжлэлийн өмнө итгэлээр бат зогсох нь заримдаа амаргүй боловч эргэлзээ айдаст автахын оронд бид бидний өмнө тулгарч буй аливаа СОРИЛТЫГ итгэлтэйгээр сөрөн зогсох нь чухал юм. Учир нь бидний дуулгавартай байдлыг Бурхан харж, биднийг шагнадаг гэдгийг бид ойлгох хэрэгтэй.

Ихэнх дунд сургуульд бусдыгаа дээрэлхдэг дээрэлхүү хүүхдүүд байдаг шүү дээ. Ийм хүүхдүүд ихэвчлэн бусдаасаа биерхүү байдаг учир бусад хүүхдүүд нь тэдний гадаад байдлыг хараад амархан сүрддэг. Тэгвэл Христэд итгэгчид бид ч бас бидэн рүү довтолдог сүнслэг дайснаасаа маш амархан сүрдэж, хулчийдаг. Гэвч үнэндээ Сатан биднээс илүү том, илүү хүчтэй байж болох ч бидэнд түүнээс айж сүрдэх хэрэг байхгүй юм. ХАМТДАА нэвтрүүлгийн өнөөдрийн дугаараар Др.Стэнли бидэнд диаволын аюул заналын эсрэг Бурханы хүч дотор хэрхэн зоригтойгоор бат зогсохыг зааж өгөх болно.

“Би Бурханыг эрж хайсан ч олоогүй” гэж зарим хүмүүс хэлдэг. Саяхан нэг хүн надад ингэж хэлсэн. Харин би хариуд нь, “Магадгүй та Бурханыг яг л цагдаа ирж байгаа эсэхийг харж буй хулгайч шиг эрж хайсан байх” гэж хэлсэн.

Үнэндээ бид Бурханыг хаанаас олох юм бэ? Байгаль дэлхийгээс үү? Замдаа таарсан бүхнийг устган сүйрүүлдэг үерийн ус, аянга цахилгаан, хүчит шуурганаас уу?

Хоёр бор шувууг задгай зоосоор худалддаг бус уу? Эцэгийн чинь зөвшөөрөлгүйгээр тэдний нэг нь ч газарт унахгүй. Та нарын толгой дээрх ширхэг үс чинь хүртэл тоологдсон. Тиймээс бүү ай! Та нар олон бор шувуунаас ч эрхэм үнэтэй. Maтай 10:29-31

Америкийн нэрт шог зохиолч Марк Твейн нэгэнтээ, “Би өчнөөн олон зүйлд санаа зовсоор ирсэн ч тэдгээрээс ихэнх нь надад огт тохиолдоогүй юм даа” хэмээн хошигнон хэлсэн байдаг.

“Уулс бий болохоос ч өмнө, Таныг дэлхий ба ертөнцийг төрүүлэхээс ч өмнө, үүрдээс үүрд мөнх хүртэл Та Бурхан” (Дуулал 90:2) хэмээн Дуулал номд өгүүлсэн байдаг. Үүнийг санах үед миний санаа зовнил ямар ч үр дүнгүй гэдгийг би ухаардаг.

Дайн тулааны хор хөнөөлийг мэдэрч үзээгүй улс орон гэж дэлхийд үгүй. Тиймээс ч улс орон бүр батлан хамгаалахын салбартаа анхаарч, гаднын халдлагад өртсөн тохиолдолд хэрхэн хамгаалах тусгай төлөвлөгөөг баталсан байдаг. Тэгвэл сүнслэг тулааны хувьд ч мөн үүнтэй адил зарчим үйлчилдэг гэдгийг бид ойлгох хэрэгтэй.

ХАМТДАА нэвтрүүлгийн өнөөдрийн дугаараар Др.Стэнли итгэгч хүн бүрийн эсрэг чиглэж байдаг сүнслэг дайралт руу бидний анхаарлыг хандуулах болно. Сатан Еден цэцэрлэгт Адам Ева хоёрыг мэхэлсэн шигээ одоо ч Христэд итгэж Бурханы хүүхэд болсон хүмүүсийн эсрэг сүнслэг дайралтаа үргэлжлүүлсээр байна. Тэгвэл таны эргэн тойронд өрнөж буй энэхүү сүнслэг тэмцэл тулаанд хэрхэн ялалт байгуулахаа та мэдэх үү? Хэрвээ үгүй бол өнөөдрийн нэвтрүүлгээр дамжуулан энэхүү итгэлийн “САЙН ТЭМЦЭЛД” хэрхэн ялалт байгуулахыг олж мэдээрэй.

Нэрт зохиолч, Библийн багш Анн Ортлунд нэгэнтээ, “Энэ дэлхий дээр 2 төрлийн хүмүүс байдаг. Хүмүүсийг энэ хоёр төрлийн алинд нь хамаарах вэ гэдгийг бид өрөөнд ороод ирэхэд нь л мэдэх боломжтой юм. Учир нь нэг хэсэг хүмүүс “Би орж ирлээ” гэсэн хандлагатай байдаг бол нөгөө хэсэг хүмүүс “Чи энд байна уу?” гэсэн хандлагатай байдаг” хэмээн бичсэн байдаг.

Заримдаа бид өөрсдийнхөө хэрэгцээнд хэтэрхий анхаараад бусдад хэрхэн ивээл ерөөл болж болох вэ гэдгээ мартчихдаг.