ITGELRADIO

ХАМТДАА нэвтрүүлгээр дамжуулаад Др.Чарльз Стэнли бидэнд “СЭТГЭЛ ХӨДЛӨЛӨӨ ХЭРХЭН ЗӨВӨӨР УДИРДАН ЧИГЛҮҮЛЭХ” арга замуудыг цувралаар зааж байгаа билээ. Ингэхдээ тэр санаа зовнил, ганцаардал, айдас, буруутгал, уур хилэн, атаархал, сэтгэл гутрал болон өөрийгөө голох гэсэн сөрөг мэдрэмжүүдийн талаар бидэнд Библийн дагуух зөвлөгөөнүүдийг өгсөн. Тэгвэл өнөөдөр тэр бидэнтэй хайр бидний сэтгэл санааг хэрхэн өргөж өгдөг талаар ярилцах болно. Хайр нь бидний сэтгэл хөдлөлийн салшгүй чухал хэсэг юм. Тиймээс сэтгэл хөдлөлөө зөвөөр удирдан чиглүүлэхэд хайр ямар чухал үүрэгтэй болохыг бид ойлгох нь амин чухал юм.

Шинэ жилийг угтана гэдэг нэг талаасаа сэтгэл догдлом боловч нөгөө талаасаа бага зэрэг аймшигтай юм. Учир нь ирж буй шинэ жилд биднийг юу хүлээж байгааг хэн ч мэдэхгүй шүү дээ. Үнэхээр бидний ихэнх нь тодорхойгүй ирээдүйгээс айж түгшдэг. Хэрвээ та ийм хүмүүсийн нэг бол би танаас асууя. Та хэзээ нэгэн цагт өөрөөсөө “Тодорхойгүй зүйлээс айх ямар хэрэгтэй юм бэ?” гэж асууж байсан уу?

Өнөөдөр бид шинэ оны босгон дээр зогсож байна. Саяхан л алс хол мэт санагдаж байсан өдөр хоногууд аль хэдийн түүх болон бидний ард үлджээ. Тэгээд хэдхэн хоногийн дараа бид өөрсдөөсөө, “Ингээд дахиад нэг жил эхэлчихлээ гэж үү?” хэмээн асуух болно.

Тэгвэл би танаас асууя. Өнгөрсөн жилээс та ямар юуг сурч мэдэж авсан бэ?

Ийм зах замбараа нь мэдэгдэхээ больчихсон дэлхий ертөнц дээр ирээдүйгээ төсөөлнө гэдэг бидний хувьд тийм ч амар хэрэг биш юм. Тэр утгаараа бид бүгд л тодорхойгүй ирээдүйгээс болгоомжилдог. Ирээдүйд юу болох бол? хэмээн битүүхэндээ түгшдэг.

Амьдралд олон зүйл биднээс шалтгаалдаггүй. Бид эцэг эхээ сонгож ирээгүй. Бид гадаа дүр төрхөө сонгож мэндлээгүй. Бид хаана төрөхөө ч сонгоогүй. Бид цаг агаарыг өөрчилж чадахгүй. Бидний хийж чадахгүй зүйл энэ дэлхий дээр маш олон бий. Гэхдээ ганцаардлын хувьд гэвэл танд үүнийг өөрчлөх бүрэн боломж бий. Тиймээс хэрвээ та ганцаардлаасаа ангижрахыг хүсэж байгаа бол дараах зөвлөмжүүдийг амьдралдаа хэрэгжүүлээрэй.

Өнөөдөр танд юу ч тохиолдсон байж болно. Танд ямар ч мэдрэмж төрж байж болно. Гэхдээ би танд нэгэн сайхан мэдээ дуулгая. Есүс Христ энэ дэлхий ирэхдээ зөвхөн Христмас баярын төлөө бус харин Христмас баярын дараах өдөр хоногуудын төлөө ч мөн ирсэн юм.

Манай хөтөлбөрийн өнөөдрийн сэдэв “Нүгэл ба түүнээс ангижрах ерөндөг” гэсэн сэдэв байна. Эдгээр асуултууд нь танд гэм нүглийн тухай болон түүний аймшигт үр дагаврын талаар тодорхой ойлголттой болоход чинь туслах болно. Мөн бид гэм нүглийн асуудлыг шийдэх төгс ерөндгийн талаар ярилцах болно.

ХАМТДАА нэвтрүүлгийн өнөөдрийн дугаараар Др.Чарльз Стэнли бидэнд бусдыг голж гоочлох нь хүмүүсийн сэтгэлд ямар аймшигтай, гүн гүнзгий шарх үлдээдэг талаар тайлбарлан өгүүлэх болно. Мөн хэрвээ бид ийм шархыг зүрхэндээ тээж байгаа бол үүнийгээ хэрхэн эдгээж, хэрхэн даван гарах вэ гэдгийг ч мөн Др.Стэнли бидэнд зөвлөх боно. Бидний амьдралд байдаг сэтгэл хөдлөл бүр их бага ямар нэгэн хэмжээгээр асуудлыг дагуулж байдаг. Харин бид Бурханы үгийг судалж, Бурханы үгээс зөвлөгөө авснаараа тэр бүх асуудлыг амжилттайгаар шийдэж чаддаг билээ.

Манай хөтөлбөрийн өнөөдрийн сэдэв маань “Мөнхийн улсад хүрэх зам” гэсэн сэдэв байна. Энэ бол таны амьдралтай холбоотой хамгийн чухал сэдэв гэдэгт би итгэлтэй байна. Өнөөдрийн дугаараараа бид мөнхийн улсын талаар ярилцах болно. Ингэхдээ бид Есүсийг дагах нь яагаад чухал болох талаар болон Есүсийг хэрхэн дагаж амьдрах талаар ярилцах болно. Мөн бид Есүсийг дагахаас татгалзах нь ямар сөрөг үр дагавартай болох талаар ярилцах болно.

Библи дээр Есүс Христийг ойролцоогоо 365 янзаар нэрлэсэн байдаг. Гэхдээ тэдгээр нэрсийн дотроос хамгийн сэтгэл татам нэр бол эш үзүүлэгч Исаиагийн өгсөн “Гайхамшигт” хэмээх нэр юм (Исаиа 9:6). Үнэндээ бидний Аврагч Есүс Христийн гайхамшгийг бид дурдаад байвал дуусашгүй олон юм. Тиймээс өнөөдөр би өөрт байгаа цагтаа багтаагаад Христмас баяртай холбоотой дараах 10 гайхамшгийг танд хэлж өгөхийг хүссэн юм.