ITGELRADIO

Аюулгүй байдал гэдэг бол аюултай нүүр тулахгүй байхын нэр биш харин Эзэний оршихуйд байхын нэр юм. Тэр цагт таныг аюул занал хүрээлж байсан ч Бурханы оршихуй түүнээс ч илүү хүчтэй гэдгийг та мэдрэх болно.

Хэрвээ Бурхан үнэхээр байдаг бол, тэгээд Тэр Өөрийгөө бидэнд илчилж, бидний амьдралд хандсан Өөрийн хүслийг илэрхийлж, зөв бурууг бидэнд зааж өгсөн бол тэр бүхнийг нь үл хайхран амьдрах шиг том алдаа байхгүй гэдгийг бид ойлгох хэрэгтэй.

Одоогоос 1900 гаруй жилийн өмнө Библид хэлэхдээ, “Эрт үед эш үзүүлэгчдээр дамжуулан эцэг өвгөдөд олонтаа бас янз бүрийн замаар айлдсан Бурхан эдгээр эцсийн өдрүүдэд бүхний өвлөгчөөр томилсон, ертөнцийг бүтээсэн Хүүгийнхээ дотор бидэнд хандаж хэлэв” (Еврей 1:1-2) гэсэн байдаг.

Бидний амьдралд нүүрлээд буй айдас түгшүүр, санаа зовнилын ихэнх нь бид өөрийн байгаа байдалдаа, өөрт байгаа зүйлстээ, өөрийнхөө амьдралдаа сэтгэл хангалуун байж чаддаггүйтэй холбоотой юм. Үнэндээ “ЖИНХЭНЭ СЭТГЭЛ ХАНГАЛУУН БАЙДАЛ” гэдэг бол Бурханы гайхамшигтай ивээл ерөөл юм. Харин энэ ивээл ерөөлийг Христэд итгэж, Бурханы хүүхэд болсон хүн бүр хүртэх боломжтой юм. Харамсалтай бид тэр бүр амьдралдаа сэтгэл хангалуун байж чаддаггүй.

Тэгвэл ХАМТДАА нэвтрүүлгийн өнөөдрийн дугаараар Др.Стэнли бид амьдралдаа хэрхэн ЖИНХЭНЭ СЭТГЭЛ ХАНГАЛУУН БАЙДЛЫГ олох талаар бидэнтэй ярилцах болно.

Загалмайд цовдлогдохынхоо өмнөх орой Эзэн Есүс “Амар амгалангаа Би та нарт өгнө” гэж шавь нартаа айлдсан. Ингэхдээ Есүс шавь нартаа, “Өр зүрхээ бүү шаналга”, “Бүү түгшицгээ” гэсэн 2 тушаалыг өгсөн. Есүс ийнхүү хэлэхдээ зүгээр нэг санаа зовох тухай яриагүй харин сэтгэлдээ үймрээн, шаналал, хямралыг тээж амьдрах тухай өгүүлсэн юм. Харамсалтай нь өнөөдөр маш олон хүн нойрны эмгэгтэй, санаа зовнилд дарагдсан, айдас түгшүүрт дарагдсан байдалтайгаар амьдарч байна.

Эзэн Есүс шавь нартаа “Өр зүрхээ бүү шаналга. Бүү түгшицгээ” гэж айлдсан. Ингэж айлдахдаа Тэр Өөрт нь болон шавь нарт нь удахгүй юу тохиолдох гэж байгааг маш сайн мэдэж байсан. Тэр оройдоо Есүс баривчлагдан шүүгдэж, маргааш нь загалмайд цовдлогдсон юм.

Тэгвэл бид Есүсийн айлдсан энэ үгэнд итгэж найдаж болох уу?

Тэр орой Есүс шавь нартаа хандан, “Амар амгаланг Би та нарт үлдээнэ. Амар амгалангаа Би та нарт өгнө. Ертөнцийн өгдгөөс өөрийг Би та нарт өгч байна. Өр зүрхээ бүү шаналга. Бүү түгшицгээ” (Иохан 14:27) хэмээн онцгойлон захисан байдаг. Есүс Өөрт нь цаг бага үлдсэнийг мэдэж байсан учраас ардаа үлдэж буй шавь нартаа амар тайвныг өвийг үлдээсэн юм. Энэ бол үнэхээр гайхамшигтай өв юм.

Өнөөдөр бидэнд нүүрлээд байгаа тодорхойгүй байдалтай бид хэрхэн нүүр тулах вэ? Энэ асуултад хариулт өгөхийн тулд бид өөр нэгэн илүү чухал асуултад хариулт өгөх ёстой болно. Энэ бол “Та Есүс Христэд итгэж Бурханы хүүхэд болсон уу?” гэсэн асуулт юм. Хэрвээ та Бурханы хүүхэд болсон бол би танд хэлье, “Бурхан бүхнийг хянаж байгаа. Тэр танд хайртай. Тэр таныг хэзээ ч орхихгүй”. Та үүнд итгэж байвал таны сэтгэлд буй санаа зовнил, айдас түгшүүр аяндаа амар тайвнаар солигдох болно.

Дуулал 43-р бүлэгт Дуулаач, “Гэрэл ба үнэнээ илгээж, намайг тэднээр удирдуулаач” хэмээн залбирсан байдаг. Үнэхээр Бурханы гэрэл биднийг удирдан чиглүүлдэг.

Өнөөдөр Бурхан таныг ямар ажилд дуудаж байна вэ? Магадгүй тэр зүйлийг хийхэд таны ур чадвар хүрэхгүй юм шиг танд санагдаж байж болох юм. Гэхдээ Бурхан таныг дуудсан л бол Тэр Өөрөө танд хүчийг өгөх болно.

Есүс Христтэй харилцах харилцаагаар дамжуулаад Христэд итгэгчид хэзээ ч ганцаардахгүй гэдгийг Др.Шоус сайн мэдэж байсан юм. Учир нь Есүс бидэнд, “Би чамайг хэзээ ч орхихгүй мөн чамайг хаяхгүй” (Еврей 13:5) гэж айлдсан юм.