ITGELRADIO

Манай хөтөлбөрийн өнөөдрийн сэдэв “Есүсийн тухай асуултууд” гэсэн сэдэв байна. Өнөөдрийн дугаараар бид Есүсийн тухай болон Түүнтэй хэрхэн харилцах тухай ярилцах болно. Нэвтрүүлэг маань асуулт хариулт хэлбэрээр явагдах болно. Ингэхдээ бид сонсогчдоос маань ирсэн асуултуудад хариулт өгөх болно.

Хэрвээ та сэтгэл гутралд автсан бол, хэрвээ таны амьдралд сэтгэл гутрал байгаа бол та ХАМТДАА нэвтрүүлгийн өнөөдрийн дугаарт анхаарлаа хандуулаарай. Өнөөдөр Др.Стэнли бидэнд “СЭТГЭЛ ГУТРАЛЫН ГҮН НҮХЭНД” унасан хэн бүхэнд туслах Библийн дагуух арга замуудыг зааж өгөх болно.

Өнөөдрийн хөтөлбөрөөрөө бид өмнөх дугаараар ярилцсан “Бурханы тухай асуултууд” гэсэн сэдвээ үргэлжлүүлэх болно. Эдгээр асуултууд нь танд Бурханы тухай болон Түүний агуу чанаруудын талаар илүү ихийг ойлгож мэдэхэд чинь туслах болно.

Манай хөтөлбөрийн өнөөдрийн сэдэв бол “Бурханы тухай асуултууд” гэсэн сэдэв байна. Эдгээр асуултууд нь танд Бурханы тухай болон Түүний агуу чанаруудын талаар илүү ихийг ойлгож мэдэхэд чинь туслах болно.

Христитгэлийн хамгийн гайхамшигтай чанар бол хүмүүсийн амьдралыг гайхамшигтайгаар өөрчилдөг хүч чадал юм. Үнэхээр Есүс Христэд итгэсэн хүн бүрийн амьдрал эрс өөрчлөгдөж тэр хүн Христтэй адил нэгэн болж аажмаар өөрчлөгдөж эхэлдэг.

Таны бие махбодыг захирахын төлөө тэмцэх тэмцэл таны оюун санаанд өрнөж байдаг гэдгийг та санаарай. Үнэндээ архи, тамхи, хар тамхи, завхайрал, садар самуун гэх мэт хүний биеийг бохирдуулан бузартуулах аливаа бүхэн бидний бодол санаанаас эхтэй байдаг. Тиймээс ч элч Паул Ромын итгэгчдэд хандан бичсэн захидалдаа, “Энэ үеийн явдалд нийцэлгүй, харин оюун санааныхаа шинэтгэлээр өөрчлөгдөж байгтун!” хэмээн захисан байдаг юм.

Үнэхээр найз минь, чиний бие элч Паулын хэлсэнчлэн Бурханыг алдаршуулах гайхамшигтай амьд тахил байх учиртай юм шүү. Сонирхолтой нь Библид хүний биеийн талаар маш олон зүйлсийг өгүүлсэн байдаг. Тэр бүхнийг ярих цаг өнөөдөр надад алга. Тэгвэл бид өөрсдийн биеийг Бурханд амьд тахил болгон өргөнө гэдэг нь юу гэсэн үг юм бэ?

Элч Паул Коринтын итгэгчдэд хандан бичсэн захидалдаа, “Та нарын бие бол Бурханаас та нарт буй, дотор чинь байдаг Ариун Сүнсний сүм бөгөөд та нар ч өөрсдөө өөрсдийнх бус гэдгээ мэддэггүй юм уу? Та нарыг үнэтэйгээр худалдан авсан тул биеэрээ Бурханыг алдаршуул” (1 Коринт 6:19-20) гэсэн байдаг.

Үнэхээр Бурханаас авралыг авсан хүмүүс бид бүгд ийнхүү амьдрах учиртай юм.

Магадгүй та яг одоо хүнд хэцүү үеийг туулж байж болно. Магадгүй таныг хэн ч анзаарахгүй байгаа мэт санагдаж байж болох ч Бурхан таныг харж байгаа. Бурхан танд санаа тавьж байгаа.

Бидний амьдарч буй энэ дэлхий ертөнц бол гэм нүгэлд унасан, төгс бус ертөнц гэдгийг бид ойлгох хэрэгтэй. Тиймээс бид өөрсдөдөө тохиолдож буй бүхний цаад шалтгааныг тэр бүр бүрэн ойлгож чаддаггүй. Яагаад нэг нь үр хүүхэдтэй болохын төлөө байдгаараа хичээсэн ч хүүхэдтэй болж чадахгүй байхад, өөр нэгэн эмэгтэй абортонд орж байдгийг бид мэдэхгүй. Яагаад олон хүүхэдтэй залуухан эх хавдрын улмаас амиа алдаж байхад, архи ууж, тамхи татахаас өөрийг мэдэхгүй, яхир хөгшин 90 гаруй насалж байгааг бид мэдэхгүй. Яагаад ядуу айлын хүүхдийн гаргасан амжилтыг баян айлын хүүхэд булааж болдгийг бид мэдэхгүй. Мэдээж энэ нь зөв сайн зүйл биш. Гэхдээ бид энэ бүхний цаад шалтгааныг хэлж мэдэхгүй ч, Библид хэлсэнчлэн, баяр хөөр болж буй хүмүүстэй хамт баярлаж, уйлж буй хүмүүстэй хамт уйлж чадна (Ром 12:15).