ITGELRADIO

Хүний амьдралд Паул шиг хүмүүс тэр болгон тааралддаггүй. Зарим багш нар зөвхөн чадвар мэдлэг заадаг бол харин Паул шиг багш нар зөвхөн хэрэгтэй байгаа чадвар мэдлэгийг биш хүн байхыг харин өнгөрсөн амьдралын дутагдсан талбар дээр эдгэрсэн байхыг хүсэж халамжилдаг. Тимот эцгийн нөлөө байхүй байсан бол Паулаар дамжуулан Бурхан Эцэгийг таньж мэдээд өөрөө жаран мянгаар тоологдох иргэнтэй Ефес хотын чуулганы сүнсний эцэг болсон.

Тиймээс өнчин өссөн залуусыг дурсамж дотроо амьдрахаас сэргийлж, сэтгэлийнх нь хоосон орон зайг нөхөж өгөх нь итгэгч бидний хамтдаа хийж чадах Бурханаас өгөгдсөн үүрэг юм.

Эш үзүүлэгч Самуелын түүх мэндлэхээс нь ч өмнө эхэлдэгээрээ онцлогтой. Түүний эх Ханна үр хүүхэдгүйгээрээ дорд үзэгдсэн эмэгтэй байсан. Тэрээр нэг удаа сүмд уйлан залбирч байхад нь сүмийн тахилч хүртэл түүнийг согтуу байна гэж үздэг. Ханна залбирахдаа хүртэл ийнхүү бусдад доромжлуулж байсан ч Бурханд итгэсээр байсан гайхалтай итгэлтэй эмэгтэй юм. Бурхан түүний залбиралд хариулж, хүү төрүүлэн Самуел гэж нэрлэсэн. Ханна хүүгээ төрөхөөс нь өмнө Бурханд зориулна хэмээн амласан байсан. Ийнхүү ээж нь балчир хөвгүүн Самуелыг бага байхад нь сүмд авчирч өгсөн.

Израилын хаант улсын он жилүүдэд Аталиа хатан өөрийн хүүгээ үхсэнд харамсан хэт гашуудахдаа хааны удмын бусад хөвгүүдийг харгисаар алж хядсан эмгэнэлт явдал болсон байдаг. Тэр үед хааны нэг гүнж бяцхан ханхүүг хядагдаж байсан хөвгүүдийн дундаас хулгайлсан. Ингээд тэрээр зургаан жилийн турш хүүг Эзэний өргөөнд нууж байсан. Тэр хүүг Иоаш гэдэг.

Хүүхдэд байгаа бүх зүйлийг томчуудын өгсөн гэж та сонссон байх. Гэхдээ бид яагаад хүүхдэд тийм их зүйл өгдөг юм бэ? Учир нь Бурхан тэднийг бидэнд хариуцуулж, тэр бяцхан хүүхдүүд бидэнд баяр баясгалан гэрэл гэгээ, хайр авчирдаг. Тийм учраас тэднийг том болох хүртэл нь хэрэгцээтэй бүхнийг өгөх нь бидний үүрэг. Харин өнөөдөр бид өөрт байгаа бүх зүйлээ харамгүйгээр хуваалцсан хүүгийн түүхээс суралцах болно.

Бурхан яагаад Үйлс номонд Рода охиныг нэртэй нь, хамт нөхцөл байдалтай нь хамт бичин үлдээсэн юм бэ? Есүс Христийг Бурхан хүн төрөлхтөний төлөө илгээсэн гэдэгт итгэдэг хүмүүс Бурхан Петрийг шоронгоос чөлөөлсөнийг гэрчилсэн охины үгэнд итгээгүй. Хэн ч Эзэн Бурханы гайхамшгийг гэрчилж болно. Харин бид гэрчилж байгаа хүний гаднах байдал болон нөхцөл байдлыг биш Бурхан түүний амьдралд юу хийснийг харж чаддаг байх ёстой.

Библийн Сургаалт үгс номонд “Хүүхдэд явах ёстой замыг нь багад нь заа. Тэгвэл тэр өтөл болсон ч тэр замыг орхихгүй” гэжээ. Хүүхдэд замыг нь зөвхөн эцэг эх нь заадаг юм биш ээ. Хүүхдийг байгаагаар нь хүлээн авч баярлуулж, хэрэгтэй зүлийг нь өгч, аюултай үед нөмөрлөн хамгаалсан хүн л ирээдүйд хэн байхыг нь зааж өгдөг. Естерт Мордихай ах байсан нь сайн хэрэг. Аймшигт цаг үед Израилчуудад Естер хатан байсан нь гайхалтай хэрэг.

Паул Тимотод, “Бэлэвсэн эмэгтэйчүүд бол чиний эмэг эх Лойтой адил. Хүүхдээ өсгөж байгаа эх хүн бол чиний эх Юниктэй ижил. Тиймээс тэднийг хайрлаж халамжил. Үнэхээр бэлэвсэн бол тэднийг хүндэл. Харин тэр бэлэвсэн нэгэн өөрийн хүүхэд болон ач гучид орхигдсон бол ач гучийнх нь хийж байгаа зүйл болоод амьдарч байгаа хэв маяг нь Бурханд тааламжгүй гэдгийг сануулж, өөртөө хамаарах настан, бэлэвснүүдийг асарч ачийг нь хариулахыг заа” гэж сургасан.

Есүс Христийн гайхамшигт хайрын тухай авралын сайнмэдээ одоо ч өдөр бүр хүмүүсийг аварсаар байна. Сайнмэдээ болон сайн үйлс хоёр хамтдаа байх учиртай. Тэр үед Петрийн хүмүүст тараасан сайнмэдээ, Табитагийн аврагдсан хүний талархсан сэтгэлээр хуваалцсан сайн үйл үргэлжилсээр өнөө цагт ирлээ. Аврал Христэд итгээгүй бүх хүнд хэрэгтэй. Харин биднээс гарах сайхан сэтгэлийн өглөг нь итгээгүй болон аль хэдийнэ итгэсэн бүх хүнд хэрэгтэй.

Хагарын амьдралд Бурхан эхлээд уулзахдаа өөрийг нь харж байдаг гэдгээ ойлгуулсан. Харин хоёр дахь удаа уулзахдаа Би зөвхөн хардаг Бурхан биш. Чи болон чиний хүүд зориулсан төлөвлөгөөтэй Бурхан гэдгээ ойлгуулсан. Тиймээс та хүмүүсийн нөхцөл байдлыг хараад бүрэн өөрчилж л чадахгүй бол оролцох хэрэггүй гэж хойш бүү суугаарай. Олон жижиг зүйл нийлснээр агуу зүйл бий болдог. Бурхан агуу төлөвлөгөөнийхөө жижигхэн хэсэг болох тусламж хэрэгтэй хэн нэгний нэг өдрийг авруулахдаа таныг сонгосон байж болно шүү.

Христ мэндэлсний баярт зориулсан #СайнҮйл нэвтрүүлэг

Өнөөдөр бид хамтдаа “атаархал” гэдэг сэтгэл хөдлөлийн талаар авч үзэх болно. Саул хаан болон Давид хоёрын хооронд өрнөсөн зөрчлийг 1 Самуел номын 18-р бүлэгт тодорхой өгүүлсэн байдаг. Тэгвэл энэ үйл явдлаар дамжуулаад Др.Стэнли бидэнд уур хилэн, атаа хорслын талаар олон чухал зүйлсийг ойлгуулах болно.

Саул хаан Давидад атаархсандаа түүнд хорсож, түүнийг хөнөөхөөр жад шидэж байсан гэдэг. Тэгвэл та өөрөө хэзээ нэгэн цагт “Атаархлын жадыг” хэн нэгэн рүү шидэж байсан юм биш биз? Хэрвээ тийм бол 1 Самуел 18-р бүлэгт өгүүлэгдсэн түүхээр дамжуулаад хамтдаа атаархал болон уур хилэнгийн талаар суралцацгаая.