Бидний амьдралд зовлон бэрхшээл тулгарах үед бид Есүсийн үлгэр дуурайллыг дагах учиртай юм. Бидний амьдралын нөхцөл байдал таагүй байж болох ч бид “Итгэлийг Эхлүүлэгч бөгөөд Төгсгөгч болох Есүс өөд харцгаах” үед бид урам зоригтой, баяр хөөртэй байж чаддаг. “Тэрээр өмнө нь тавигдсан баяр баясгалангийн төлөө гутамшгийг эс тоомсорлон, загалмайг тэвчсэн бөгөөд Бурханы сэнтийн баруун гарт заларсан юм” (Еврей 12:2).

Сэдэв: ҮЛГЭР ЖИШЭЭЧ УДИРДАГЧ БАЙ

Зочин: Ухааны Ундраа Менежментийн Академийн тэргүүн Гэрэлтуяа

Хэлэхээс хийх нь хавь илүү дээр гэдгийг менежер та мэднэ.Таны хэлж журамдсан дүрэм тушаалаас илүү үйлдэл тань ажилчдыг байлдан дагуулдаг. Менежер та үнэхээр ур чадвар, мэдлэгээрээ чадамгай, аливаа шинэ зүйлийг үзээд алдахаас буцдаггүй бол шинэ боломжийг эрж хайж гүйцэтгэгчид эргэн тойронд чинь дүүрэн байдгийг харах болно.

Эзэн Есүс нэгэнтээ, “Зүдэж зүтгэгсэд хийгээд хүнд ачаа үүрсэн бүгд ээ, Над дээр ир” (Матай 11:28) гэж хэлсэн байдаг. Есүс бидэнд, “сүмд нэгд” эсвэл “хамгийн сайнаараа бай” эсвэл “чин сэтгэлтэй бай” гэж хэлээгүй. Зүгээр л “Над дээр ир” гэсэн. Та ямар ч шашны урсгал чиглэлийг баримталдаг бай, ямар ч сүм чуулганд хамрагддаг бай танд Есүс хэрэгтэй. Тиймээс Есүсийг амьдралдаа уриарай. Библитэй болж аваад Иохан номоос эхлэн уншиж эхлээрэй.

Бурханы нигүүлсэл уучилж чадахааргүй гэм нүгэл гэж үгүй. Учир нь Бурханы уучлал болон хайранд хэмжээ хязгаар гэж үгүй.

Хэрвээ бид Библийн конкорданс аваад үзвэл Библи дээр Бурхан инээсэн тухай 3 эшлэл бичигдсэн байгааг бид олж болно. Гэхдээ энэ 3 тохиолдолд гурвууланд нь Бурхан ёрын муу хүмүүсийн мунхаглалыг хараад шоолон инээсэн байдаг.

Тэгвэл эндээс бид Бурханд ямар ч хошин шогийн мэдрэмж байдаггүй гэж дүгнэж болох уу?

Олон зуун жилийн туршид хүмүүс “яагаад? яагаад?” хэмээн асуусаар ирсэн. Гэвч энэ бүх хугацаанд Бурхан бидний яагаад гэсэн асуултын хариултыг өгөөгүй л байна. Си.Эс.Льюис нэгэнтээ энэ талаар дурдсан байдаг. Сонирхолтой нь тэр бидэнд яагаад гэдэг асуултын хариултыг өгөхийн оронд биднийг “Бурханд дуулгавартай байхыг” уриалсан байдаг.

Таны амьдралд буй зовлон шаналалд Бурхан хэр их хамаатай юм бэ? Захидал бичсэн найзын маань хэлсэнчлэн бид ядуу эсвэл эрүүл биш гэр бүлд төрж өссөн нь Бурханы буруу юу?

Бидний амьдралд тохиолдож буй шударга бус бүхэнд Бурхан хэр хамаатай юм бэ? Би ингэж төрсөн нь бүхэлдээ Бурханы буруу гэж хэлэх нь хэр үндэслэлтэй вэ?

Эзэн Есүс цовдлогдохынхоо өмнөх шөнө шавь нартайгаа сүүлчийн зоогоо барих үеэр мөнхийн улсын тухай нэгэн гайхамшигтай зүйлийг өгүүлсэн байдаг. Есүс тэдэнд, “Би та нарт орон байр бэлдэхээр явна. Би явж, та нарт орон байр бэлдчихвэл, дахин ирж, та нарыг Өөртөө авна. Би хаана байна, та нар мөн тэнд байх болно” (Иохан 14:2, 3) хэмээн айлдсан.

Есүс цэх зогсож, тэр эмэгтэйд —Эмэгтэй, тэд хаана байна? Чамайг хэн ч шийтгэсэнгүй юу? гэсэнд

тэр —Эзэн, хэн ч шийтгэсэнгүй гэв. Есүс —Би ч чамайг шийтгэхгүй. Яв. Үүнээс хойш дахин нүгэл бүү үйлд гэлээ.] Иохан 8:10-11

Таны тархи зүрх хоёр хоорондоо зөрчилдөж эхлэх үед та яадаг вэ?

Библийн Англи орчуулга дээр үнэнч шударга гэдэг үг нийт 27 удаа давтагдсан байдаг. Гэхдээ сонирхолтой нь энэ үгс бүгдээрээ Хуучин Гэрээнд бичигдсэн байдаг. Энэ үгийн еврей утга нь “бүхэл бүтэн, эрүүл, сэвтээгүй” гэсэн утгатай. Эдгээрээс 5 тохиолдол нь Иов гэдэг хүнийг тодорхойлохын тулд бичигдсэн байдаг. Хуучин Гэрээний итгэлийн баатруудын нэг болох Иов угтаа бол үнэ цэнтэй бүхнээ алдсан нэгэн. Тэр бүү хэл эхнэр нь хүртэл түүнд, “Бурханыг хараагаад, үх” (Иов 2:9) гэж хэлж байсан. Гэсэн ч Иов Бурханыг хараагаагүй, өөрийн үнэнч шударга байдлыг орхиогүй юм.