ITGELRADIO

Эш үзүүлэгч Исаиа итгэлтэйгээр, “ЭЗЭНий амьсгал дээрээс нь үлээвээс Өвс хатдаг, цэцэг ганддаг. Өргөн түмэн гэгч өвс л юм. Өвс хатдаг, цэцэг ганддаг. Харин бидний Бурханы үг мөнхөд байна” (Исаиа 40:7,8) хэмээн тунхагласан юм. Тэгвэл бид өмнөх үеийнхнийхээ алдаанаас суралцаж болох уу?

Хэрвээ үнэн гэдэг субъектив ойлголт бол, хэрвээ энэ нь зүгээр л тухайн хүний үзэл бодолтой холбоотой ойлголт юм бол 2 хүн нэг зүйл дээр санал эрс зөрөлдсөн ч хоёулангийнх нь үнэн зөв байх боломжтой болж хувирна гэсэн үг юм. Гэвч эцсийн дүндээ бид аливаа зүйлийг нэг бол үнэн эсвэл худлаа хэмээн дүгнэх ёстой болдог нь жам юм. Тэгвэл аливаа зүйлийг үнэн эсвэл худлаа гэдгийг ямар баримтаар нотлох вэ?

Үнэндээ үнэн гэж юу вэ гэдгийг тодорхойлно гэдэг хүмүүний амьдралын хамгийн чухал асуудлуудын нэг юм. Нэгэн толь бичигт үнэн гэдгийг “бодит байдалтай нийцэх” гэж тодорхойлсон байдаг. Өөрөөр хэлбэл “үнэн нь бодитойгоор оршин байдаг” гэсэн санааг энд илэрхийлсэн байна.

“Та яагаад Библид итгэдэг юм бэ?”. Энэ асуултад тодорхой хариулт өгч чадаагүй оюутан сурагчдыг шүүмжлэхээсээ өмнө та өөрөө эхлээд энэ талаар сайтар бодох нь зүйтэй юм. Магадгүй энэ асуултад итгэлтэйгээр хариулж чаддаггүй учраас л бид Христэд итгэгчдэд өгөгдсөн энэ гайхамшигтай номонд тийм ч итгэлтэй хандаж чаддаггүй биз ээ.

Дэлхий өдөр бүр тэнхлэгээрээ нэг удаа эргэдэг. Өөрөөр хэлбэл экваторын бүсээс хэмжвэл дэлхий цагт 1670 км хурдтайгаар эргэж байна гэсэн үг. Тэгсэн хэр нь дэлхий нарыг тойрон жилд 1 удаа эргэхдээ 107,000 км цагийн хурдтайгаар эргэж байдаг. Гэтэл дэлхийн татах хүч биднийг ийм хурдтай эргэж буй дэлхийн гадаргаас сугараад явчихааргүй тогтоон барьж байдаг нь үнэхээр гайхалтай.

Тэгвэл орчлон ертөнцийг ийм гайхамшигтайгаар бүтээсэн тэр л агуу Бурханд хандан бид залбирч байдаг юм шүү.

Бидний амьдралд тохиолддог асуудлууд, өвчин зовлон, сэтгэл гутрал, гомдол шарх гэх мэт олон шалтгаанаас болоод хүмүүс өөрийгөө цаашид амьдрах боломжгүй боллоо гэж боддог. Тиймээс ч тэд амиа хорлох харамсалтай сонголтыг хийдэг.

Уур хилэн. Уур хилэн хэмээх энэ зүйл яг л асар хүчтэй хүчил мэт бидний аз жаргал баяр хөөр, эрүүл мэндийг дотроос маань идэж устгаж байдаг. Тэгвэл ХАМТДАА нэвтрүүлгийн өнөөдрийн дугаараар бид уур хилэнд автсанаасаа болоод амьдралаа сүйрүүлсэн хүмүүсийн жишээ болгож Хуучин гэрээний нэгэн хүний амьдралыг үзэх болно. Др. Чарльз Стэнли бидэнд 1 Самуел 18-р бүлэгт гарч буй түүхээр дамжуулан энэхүү “УУР ХИЛЭНГИЙН ХҮЧИЛ” бидний амьдралд хэрхэн сөргөөр нөлөөлдөг болохыг тайлбарлан, уур хилэнгээ ялан дийлэх Библийн дагуух арга замуудыг зааж өгөх болно.

Хүүгээ 19 нас хүрэх үед нь тэд түүнд хүссэн сургуульдаа ороход нь саад хийж, худалдааны сургуульд оруулж орхижээ. Гэвч энэ цагаас эхлэн хүүгийнх нь зам уруудаж эхэлсэн байна. Улмаар хүү нь архи тамхинд орж, зугаа цэнгэлд толгойгоо мэдүүлэх болжээ. Тэр үүнийгээ, “Надад сайхан байдаг юм” хэмээн тайлбарласан байна. Түүний гадаад байдал ч өөрчлөгдөж эхэлжээ. Тэр урьдынх шигээ жавхаатай, эрч хүчтэй байхаа больж биеэ гаргуунд нь гаргах болжээ. Тэр өрөөндөө хаалгаа түгжин сууж, өдрийг хөгжим сонсож юмуу унтаж өнгөрүүлэх болсон байна. Тэр бүү хэл “Болдог бол үхчих юмсан” гэж найздаа хэлж байхыг нь ээж нь сонсжээ.

Эцэг эх нь түүнийг өрөөнөөсөө гарч ирэхийг шаардах үед тэр чангаар, “Намайг ганцааранг минь орхи, би зүв зүгээр байна” хэмээн хашхирдаг байв. Удалгүй тэр хамгийн хайртай эд зүйлсээ бусдад тарааж өгөх болжээ. Тэгээд нэг л өдөр тэр амиа хорлосон байна.

Хүүхдүүд томчуудтай адил шалтгаанаар худлаа ярьдаг. Ингэхдээ тэд бусдын хүндэтгэлийг хүлээх гэж, эсвэл байгаагаасаа илүү дээр харагдах гэж худлаа ярьдаг. Мөн зарим тохиолдолд тэд цаад хүндээ үнэнээ хэлэх хэмжээнд итгэж чадахгүй байгаа учраас худлаа ярьдаг. Бас зарим тохиолдолд айж, сүрдсэндээ худлаа ярьдаг. Харамсалтай нь эцэг эхчүүд өөрсдөө ч мэдэлгүйгээр хүүхдүүддээ худлаа ярихыг зааж өгч байдаг. Тэгсэн атлаа хүүхдүүдээ худлаа ярилаа гэж шийтгэдэг.

Тэгвэл бид хүүхдүүддээ худлаа ярих бус харин үнэнч шударга зан чанарыг чухалчилдаг хүмүүс болгон хүмүүжүүлэхийн тулд яах ёстой вэ?

Өнөө үед үнэнч шударга хүмүүс улам бүр цөөрч байгаа гэдэгтэй та санал нэгдэх байх. Үүний улмаас харилцаанууд сэвтэж, гэр бүлүүд салж, хүмүүс бие биедээ итгэх итгэлээ улам бүр алдсаар байна. Улмаар хүмүүс өөрсдийгөө хамгаалахын тулд бодит байдлаасаа өөр дүр эсгэх болжээ.

Цаашилбал бид Библийг ёс суртахууны үндсэн хэм хэмжээ гэж үзэхээ больж, үр дүнд нь ёс суртахууны нэгдсэн хэм хэмжээ алдагдсан байна.