ITGELRADIO

Бурхан бидэнд “айдсын мэдрэмжээ” ялан дийлэх арга замыг өгсөн байна. Харин өнөөдөр бид хамтдаа тэр арга замыг амьдралдаа хэрхэн хэрэгжүүлэх талаар суралцах болно. Хамтдаа нэвтрүүлгээрээ бид хүмүүсийн дотор төрдөг сөрөг болон эерэг сэтгэл хөдлөлүүдийн талаар цуврал болгон үзэж байгаа билээ. Ингээд хамтдаа “Айдсын мэдрэмжээ” хэрхэн ялан дийлэх талаар суралцацгаая.

Бусдыг хайрлах жинхэнэ хайрын түлхүүр бол цаад хүнээ өөрийнхөө хүсэлд нийцүүлэн өөрчлөх гэж оролдох бус харин "байгаагаар нь" хүлээж авах явдал юм. Зарим тохиолдолд бидний хооронд эвлэрэх аргагүй, өөрчлөх аргагүй ялгаатай талууд байсаар байдаг. Тэгвэл бие биенээ хайрлах хайраа хадгалахын тулд бид тэр бүх ялгаатай талуудыг хүлцэн тэвчиж, тэр бүхэнтэй мөр зэрэгцэн амьдарч сурах ёстой болдог. Тэгвэл ямар зүйлс бидний эгдүүцлийг төрүүлж, хамт амьдарч байгаа хүнээ тэсэхэд бэрх болгодог юм бэ?

Библид элч Паул “Эдүгээ итгэл, найдвар, хайр гурав үлддэг ч хамгийн агуу нь хайр мөн” (1 Коринт 13:13) хэмээн бичсэн байдаг. Бүх зүйл өөрчлөгдөж, амьдрал нь бүхлээрээ өөрчлөгдсөн тэр эгзэгтэй, тодорхойгүй цаг үе дунд Паул эдгээр үгсийг бичсэн юм. Энд Паулын өгүүлж буй “найдвар” гэдэг зүйл бол бидний амьдралын хувьд амьсгалах агаартай адилхан юм. Учир нь найдвар үгүй бол амьдрал үгүй. Учир нь найдвар тасрах тэр мөчөөс эхлэн амьдрал мөхөж эхэлдэг.

Өнөөдөр амьдрах итгэл найдвараа алдсан маш олон хүн байна. Тэд бүгд амьдралд нь тохиолдсон хүнд хэцүү нөхцөл байдлаас болоод сэтгэлээр унаж, цөхрөлд автсан байдаг. Тэгвэл Есүс Христэд итгэгч хүмүүсийн хувьд ямар ч нөхцөл байдал дунд итгэл найдвараа алдахгүй байх хангалттай шалтгаан бий. Энэ бол Бурханд итгэх тэдний итгэл юм.

Бидний эдлэх ёстой байсан зовлонг Есүс эдэлсэн. Есүс бидний өмнөөс төлөөсийг төлсөн учраас бидний гэм нүгэл бүхэлдээ уучлагдсан юм.

Еврей 6-р бүлэгт бидний итгэл найдвар Есүс Христэд итгэх итгэлээр дамжуулан Бурханаас ирдэг гэдгийг онцолсон байдаг. Еврей 6:19-д хэлэхдээ, “Энэхүү найдвар бидэнд сэтгэлийн зангуу мэт бөгөөд найдвартай хөдөлгөөнгүй...” гэсэн байдаг.

Тэгвэл найз минь би чамаас асууя. Итгэл найдварыг чинь 1-10 оноогоор хэмжвэл та өөртөө хэдэн оноо өгөх вэ?

Өнөөдөр өөрт хэрэггүй эд зүйлсийг хурааж хуримтлуулдаг, муухайгаар хэлбэл новш цуглуулдаг хүмүүс олон байна. Энэ бол нэг төрлийн сэтгэцийн эмгэг юм. Үүнээс болоод бидний орон гэр хэрэггүй хог новшоор дүүрээд зогсохгүй бидний зүрх сэтгэл, оюун санаа ч мөн бохирдож байдаг.

Эзэн Есүс нэгэнтээ, “Сүнсэндээ ядуус ерөөлтэй еэ! Тэнгэрийн хаанчлал тэднийх юм” (Maтай 5:3) хэмээн айлдсан байдаг.

Өнөөдөр ганцаардалд автсан хүмүүс улам бүр олширсоор байна. Ганцаардал гэгч энэ хар сүүдэр хүмүүсийг нөмөрч тэдний баяр хөөр, аз жаргал, эрч хүчийг сорсоор байна.

Христэд итгэгч хүмүүсийн хувьд ч ганцаардал нь Есүс Христэд итгэх итгэлээр дамжуулан хүлээн авсан эрч хүч урам зоригийг шавхаж байдаг хор хөнөөлтэй зүйл гэдгийг бид ойлгох хэрэгтэй. Тэгвэл бидэнд ганцаардлыг ялан дийлэх ямар арга зам байна вэ? Хэрвээ та энэ асуултын хариултыг авахыг хүсэж байгаа бол Чарльз Стэнлийн Библийн хичээлээр бэлтгэн хүргэдэг ХАМТДАА нэвтрүүлгийн өнөөдрийн дугаарт анхаарлаа хандуулаарай.

Хайртай дотнын хүнээ үхэлд алдаж, уй гашууд автан үлдэнэ гэдэг үнэхээр хэцүү. Гэтэл хүн бүр харилцан адилгүй учраас бидний харуусан гашуудах үйл явц ч өөр хоорондоо харилцан адилгүй байдаг. Зарим хүмүүс сэтгэл хөдлөлөө илүү илэрхийлдэг байхад зарим хүмүүс үүнийгээ дотроо хадгалахыг хичээдэг. Зарим хүмүүс уй гашуутайгаа амархан эвлэрдэг бол зарим нь тийм ч амархан эвлэрч чаддаггүй.

Хэрвээ бид өөрийн амьдралыг ямар нэгэн санамсаргүй тохиолдол гэж боддог бол нөхцөл байдал хэцүү болох үед амиа хорлох нь тийм ч ноцтой асуудалд тооцогдохгүй гэсэн үг юм. Гэтэл эсрэгээрээ бид Бурхан хүнийг Өөрийнхөө дүр төрхөөр бүтээсэн учраас хүмүүний амь амьдрал нь эрхэм нандин гэдэгт итгэдэг бол амиа хорлох нь бидний мэдэх асуудал биш гэдгийг ухаарах болно