“Бурхан минь, яагаад? Та яагаад миний гуйлтад хариулахгүй, миний гуйсан хүнийг надад өгөхгүй байгаа юм бэ?” гэж та асууж байж болох юм. Тэгвэл элч Паулын бичсэн үгийг би танд сануулмаар байна. Тэрээр, Филиппой захидалдаа, “Би тарчигхан байхыг ч мэднэ, элбэг дэлбэг байхыг ч мэднэ. Ямар ч, аливаа нөхцөл байдалд цатгалан болон өлсгөлөн байх, элбэг байх, дутагдахын аль алины нууцад би суралцсан. Намайг хүчирхэгжүүлэгч Түүгээр би бүгдийг хийж чадна” (Филиппой 4:12-13) гэсэн байдаг. Дашрамд дурдахад, тэр ч бас ганц бие илгээлтийн эзэн байсан юм шүү.

Хэрвээ танд Бурханаас асуулт асуух боломж олдвол та юу гэж асуух байсан бэ? Өнөөдөр би, хүмүүс бидний зүрхний гүнд байдаг, Бурханаас “яагаад?” хэмээн асуухыг хүсдэг тэдгээр асуултуудад хариулт өгөхийг зорилоо.

Библийн нэрт багш Др.Ф.Б.Мэер (Dr. F.B.Meyer) олон жилийн өмнө ийнхүү бичсэн байдаг. “Хэрвээ та хаашаа явахаа мэдэхгүй байгаа бол Сайн Хоньчин болох Есүсээс тодорхой удирдамж ирэх хүртэл хүлээгээрэй...

Өнөө үед хүмүүс өөр хоорондоо санал нийлэх тал дээр маш учир дутагдалтай байдгийг бид мэднэ. Гэтэл тэр үед бүр ч хэцүү байсан юм. Сонирхолтой нь чуулганы ямар ч зөвлөлөөр Шинэ Гэрээнд багтах номуудыг эцэслэн баталж, “Энэ номууд орно, энэ номууд орохгүй” гэж батлаагүй. Харин Шинэ Гэрээнд багтсан 27 номыг хүмүүс аажмаар бүгд хүлээн зөвшөөрөх болсон юм. Өөрөөр хэлбэл үүний цаана Ариун Сүнс ажилласан юм.

Өнөөдөр хүмүүсийн дунд Библийн эрх мэдлийг үгүйсгэх гэсэн, хүлээн зөвшөөрөхөөс татгалзах гэсэн оролдлогууд маш их байна. Тэр хүмүүс Библийн үгсийг үнэхээр Есүс Христийн үгс мөн эсэхийг олж мэдэхийг огт хүсдэггүй. Тэглээ гээд хожим нь ирэх үр дагавраас тэд чөлөөлөгдөж чадахгүй юм.

Мэдлэггүй харанхуй хүмүүсийг 2 төрөлд хувааж болно. Нэг хэсэг хүмүүс нь сурч боловсрох ямар ч боломж олдоогүй учраас мэдлэггүй байдаг бол нөгөө хэсэг хүмүүс нь мэдсээр байж бодит баримтыг үл тоох сонголтыг хийсэн хүмүүс байдаг. Өнөөдөр олон сая хүн ядуу зүдүү, боломжгүй байдлаасаа болоод мэдлэг боловсролгүй амьдарч байна. Гэтэл нөгөө талд магистр, докторын зэрэгтэй атлаа бодит баримтыг үл тоох сонголтыг хийсэн хүмүүс байна. Тэгвэл мэдсээр байж үнэнийг хүлээн авахаас татгалзаж буй тэр хүмүүс эхний хүмүүсээсээ илүү харамсалтай юм.

Зөвтийн замыг ЭЗЭН мэдмүй Буруутын зам сөнөж мөхмүй. Дуулал 1:6

Бусад хүмүүс худлаа ярих үед бид “чи худлаа яриад байна шүү дээ” гэж нүүрэн дээр нь хэлдэг. Тэгсэн атлаа замын цагдаагийн өмнө очоод, “Би хурд хэтрүүлээгүй шүү дээ” гэж мэлздэг. Энэ мэтчилэн бид аар саархан худлаа ярихдаа тэр бүр эмзэглэдэггүй. Ажилд орохдоо cv-гээ дөвийлгөж, өмнөх ажилдаа авдаг байсан цалингаа ихэсгэж бичих зэрэг нь байдаг л зүйл мэт боддог хүн олон болжээ.

Итгэл найдвар хоёр юугаараа ялгаатай юм бэ? Энэ 2 үг хоёулаа Библид маш олон удаа давтагдсан байдаг. 1 Коринт 13-р бүлэгт, “Эдүгээ итгэл найдвар хайр 3 үлддэг” хэмээн бичигдсэн байдаг шүү дээ. Тэгвэл Библид “итгэл” гэдэг үг нь “эргэлзээгүй бат итгэх” гэсэн санааг илэрхийлдэг бол “найдвар” гэдэг үг нь “итгэлтэйгээр хүлээх” гэсэн санааг илүүтэйгээр илэрхийлдэг.

Бидний Бурханд итгэх итгэл биднийг зөв шударга амьдрал руу хөтөлж байдаг юм. Тэгвэл Бурхан шударга бус байдлыг хэрхэн хардаг юм бэ? Хамтдаа Библиэ нээгээд харцгаая. Худал хуурмагийг Бурхан үзэн яддаг болохыг батлах эшлэлүүд Библид олон бий. Жишээ нь Хуучин Гэрээний Дуулал номд хэлэхдээ, “Хууран мэхлэгч нэгэн гэрт минь эс сууна. Худал яригч нь хараанд минь үл тогтоно” (Дуулал 101:7) гэсэн байдаг.

17-р зууны үеийн дайн тулааны үед олон мянган хүн эмнэлгийн тусламж авч чадалгүй амиа алддаг байжээ. Тухайн үеийн эмч нар хэдийгээр шархадсан хүмүүсийн шархыг эмчилж чаддаг байсан ч шархнаас үүдэлтэй халдварын хэрхэн эмчлэхээ мэддэггүй байжээ. Ариун цэврийн шаардлага хангаагүй орчинд өчүүхэн шарх ч халдвар аван үрэвсэж үхэлд хүргэдэг байжээ.

Тэгвэл Др. Стэнли өнөөдөр бидний зүрхэнд агуулагдаж байдаг ХОРСОЛыг тэрхүү халдвартай зүйрлэж байна. Бидний зүрхэнд агуулагдаж байдаг хорсол занал нь өчүүхэн төдий сэтгэл хөдлөлөөс эхлэлтэй байдаг бөгөөд тэрхүү шарх нь уур хилэн, үзэн ядалтаар үрэвсэж эхлэх үед бидний амьдралыг сүйрүүлэх чадвартай аюултай халдвар болон тархаж эхэлдэг. Хэрвээ үүнийг яаралтай эмчлэхгүй бол энэ халдвар маш хурдан тархаж бидний харилцаа хандлагыг хордуулж эцэст нь бидний амьдралыг бүхэлд нь сүйрэлд хүргэдэг. Харин ХОРСОЛын халдварыг эдгээгч цорын ганц ерөндөг нь уучлал ажээ.