Бидний Бурханд итгэх итгэл биднийг зөв шударга амьдрал руу хөтөлж байдаг юм. Тэгвэл Бурхан шударга бус байдлыг хэрхэн хардаг юм бэ? Хамтдаа Библиэ нээгээд харцгаая. Худал хуурмагийг Бурхан үзэн яддаг болохыг батлах эшлэлүүд Библид олон бий. Жишээ нь Хуучин Гэрээний Дуулал номд хэлэхдээ, “Хууран мэхлэгч нэгэн гэрт минь эс сууна. Худал яригч нь хараанд минь үл тогтоно” (Дуулал 101:7) гэсэн байдаг.

17-р зууны үеийн дайн тулааны үед олон мянган хүн эмнэлгийн тусламж авч чадалгүй амиа алддаг байжээ. Тухайн үеийн эмч нар хэдийгээр шархадсан хүмүүсийн шархыг эмчилж чаддаг байсан ч шархнаас үүдэлтэй халдварын хэрхэн эмчлэхээ мэддэггүй байжээ. Ариун цэврийн шаардлага хангаагүй орчинд өчүүхэн шарх ч халдвар аван үрэвсэж үхэлд хүргэдэг байжээ.

Тэгвэл Др. Стэнли өнөөдөр бидний зүрхэнд агуулагдаж байдаг ХОРСОЛыг тэрхүү халдвартай зүйрлэж байна. Бидний зүрхэнд агуулагдаж байдаг хорсол занал нь өчүүхэн төдий сэтгэл хөдлөлөөс эхлэлтэй байдаг бөгөөд тэрхүү шарх нь уур хилэн, үзэн ядалтаар үрэвсэж эхлэх үед бидний амьдралыг сүйрүүлэх чадвартай аюултай халдвар болон тархаж эхэлдэг. Хэрвээ үүнийг яаралтай эмчлэхгүй бол энэ халдвар маш хурдан тархаж бидний харилцаа хандлагыг хордуулж эцэст нь бидний амьдралыг бүхэлд нь сүйрэлд хүргэдэг. Харин ХОРСОЛын халдварыг эдгээгч цорын ганц ерөндөг нь уучлал ажээ.

Өнөөдөр та муу зуршлынхаа хохирогч болчихсон яваа юм биш биз? Энэ бол маш амаргүй даваа. Гэхдээ мэдээж зуршлыг өөрчилж, муу зуршлаасаа салж болно. Гэхдээ үүний тулд тэр зуршлын хүчнээс илүү хүч бидэнд хэрэгтэй болно. Өөрчлөлтийг авчрах илүү хүчтэй мотиваци хэрэгтэй болно. Тэгвэл та 2 Коринт 5:17-д бичигдсэн, “Тиймээс хэн нэг нь Христ дотор байвал тэрээр шинэ бүтээл мөн. Харагтун, хуучин нь өнгөрч, шинэ болсон байна!” гэсэн үгийг санаарай. Шинэ хүн болно, шинэ бүтээл болно гэдэг нь мөн шинэ зуршлуудтай болно гэсэн үг.

Эцэг хүүгийн харилцаа ямар үед бий болдог вэ? Төрсөн хүү нь эцгийгээ “аав” гэж дууддаг. Мөн үрчлэлээр дамжуулаад бид хэн нэгнийг “аав, эцэг” хэмээн дуудах боломжтой болдог. Төрсөн эцэг ч бай, үрчилж авсан эцэг ч бай хуулийн өмнө яг адилхан эрх үүрэгтэй байдаг гэдгийг бид мэднэ. Эртний Ромын хуульд ч мөн ийм л байсан. Тэгвэл Бурхан биднийг үрчилж авсан. Үрчлэгдсэн гэдэг нь сонгогдсон гэсэн үг.

“Хэрэв та Есүсийг Эзэн гэж амаараа хүлээн зөвшөөрч, Бурхан Түүнийг үхэгсдээс амилуулсан гэдэгт зүрхэндээ итгэвэл, аврагдах болно” (Ром 10:9)

Есүс Христэд өөрийгөө зориулаагүй, Түүнийг Аврагчаа болгосон гэдгээ итгэлээрээ өчиж чадахгүй эргэлздэг нэгэн ихэвчлэн эргэлзээ тээнэгэлзэл, тодорхойгүй байдалд автсан нэгэн болж хувирдаг. Учир нь өөрийгөө хаана зогсож байгаагаа мэдэхгүй хүн хэзээ ч итгэлтэйгээр бат зогсож чадахгүй. Найз минь хэрвээ чи ийм эргэлзээ тээнэгэлзэл дунд байгаа бол зураасыг даван алхаж, Есүс Христийг Аврагч Эзэнээ болгосон гэдгээ чангаар тунхагла. Олны өмнө энэ итгэлээ зоригтойгоор ил гарга.

Эзэн Есүс нэгэнтээ “Хэн дээрээс эс төрнө, тэр Бурханы хаанчлалыг үзэж үл чадна” хэмээн айлдсан байдаг (Иохан 3:3). Бид амьдралдаа олон зүйлсийг мэдэлгүй өнгөрч болно. Олон зүйлсийг үл тоон өнгөрч болно. Харин энэ зүйлийг л та үл тоож болохгүй. Бурхан таны амьдралд хүрсэн л бол таны амьдрал бүхлээрээ өөрчлөгдөх болно.

Христийн дотор итгэлээр өсөхөд юу хамгийн чухал байдаг вэ? Бид Христийн дотор гүн үндэслэж, Христээс өөрсдийн сүнслэг шим тэжээлийг авч чаддаг байх нь хамгийн чухал юм. Гэтэл бид завгүй болоод ирэхээрээ хамгийн түрүүнд яадаг билээ дээ? Залбирахаа, Библи уншихаа мартчихдаг.

Хэн нэгэн хүн хааяахан цуглаанд явчихдаг, үе үе өргөл өргөчихдөг, тэр бүү хэл зарим үед сүмдээ үйлчилдэг байсан ч авралыг аваагүй явж байх боломжтой юу?

Паул “Эзэн минь, Та надаар юу хийлгэхийг хүсэж байна вэ?” гэж асуусан. Ингэж асуухдаа Паул өөрт байсан олон хувилбаруудаас Бурханаар нэгийг нь сонгуулах гэж оролдоогүй. Харин Бурханы тушаасан бүхнийг хийхдээ бэлэн байсан. Тэр өөрийгөө Бурханы ажилд бүрэн зориулахад бэлэн байсан.

Манай нэвтрүүлгийн нэгэн сонсогч бидэнд хандан бичсэн захидалдаа, “Хүндэт Др.Сала, намайг эсрэг хүйсийн хүнтэй найз нөхөр болох гэж оролдох бүрд тэд энэ үйлдлийг минь романтик харилцаа үүсгэх гэсэн оролдлого гэж бодоод байх юм. Энэ нь надад үнэхээр ядаргаатай санагддаг. Би ерөөсөө тийм зүйл бодоогүй шүү дээ. Бид зүгээр л энгийн сайн найзууд байж болохгүй гэж үү?” хэмээн өгүүлсэн байна.

Хэрвээ та энэ асуултад хариулах ёстой болбол юу гэж хариулах вэ?