ITGELRADIO

Сатан өнөөдөр ч бидний замд саад болж, бидний хийхийг хүссэн ажлыг саатуулсаар байна. Гэхдээ бид нэг зүйлийг санах хэрэгтэй. Сатан Бурханы зөвшөөрөлгүйгээр бидний эсрэг юуг ч хийж чадахгүй билээ.

Та өөрийнхөө талаар ямар бодолтой явдаг вэ? Өөрийгөө харах хараа чинь таныг Бурханы хүслийн дагуу өөрчлөгдөхөд чинь тус нэмэр болж байна уу? Эсвэл чөдөр тушаа болж байна уу? Өнөөдөр бид “Өөрийгөө эергээр харах нь” гэсэн сэдвээр ярилцах болно. Энэ нь эргээд биднийг сэтгэл хөдлөлтэй хэрхэн холбогддог болохыг ч мөн авч үзэх болно.

Бидэнд хандсан Бурханы төлөвлөгөө хэзээд бидний төлөвлөгөөнөөс илүү агуу байдаг. Учир нь бид ирээдүйд юу болохыг мэдэхгүй. Харин Бурхан өнгөрснөөс ирээдүйг хүртэл бүгдийг мэдэж байдаг. Тийм ч учраас амьдралын жинхэнэ утга учрыг бидэнд өгдөг Бурханаас ангид амьдарсныхаа улмаас амьдрал нь утга учиргүй мэт санагдаж эцэст нь амиа хорлоход хүрсэн хүмүүс цөөнгүй байдаг.

Библийн хуудсыг сөхвөл, “Өөрт нь бүрэн хандсан зүрхтэй хүмүүсийг хүчирхэгжүүлэх гэж ЭЗЭНий мэлмий дэлхий даяар хэрэн хэсэж явдаг юм” хэмээн 2 Шастир 16:9-д өгүүлсэн байдаг. Мөн Дуулал 86:11-д хэлэхдээ, “Таны нэрээс эмээхэд зүрхийг минь нэгтгээч!” гэсэн байдаг. Бурханд өөрийгөө бүрэн зориулсан хүн гэж ямар хүнийг хэлэх вэ?

Та ямар ч үед Бурханд итгэж чадах уу? хэрвээ та Бурханы хүүхэд бол Бурханы амлалтуудад итгэж чаддаг байх учиртай. Учир нь Бурхан амлалтаа биелүүлэхгүй байж чадахгүй.

Өнөөдөр бид гэр бүл, үр хүүхэд, ажил бизнес гэх мэт амьдралынхаа бүхий л талбарт нэг бол санаачилгыг өөрийн гартаа авч, өөрийн хүслийг дагаж болно. Эсвэл “Бурхан надаас юу хүсэж байна вэ?” хэмээн асууж, Бурханы удирдамжийг эрэн хайж болно.

Хүнд хэцүү нөхцөл байдал дунд чинь Бурхан тантай гарцаагүй хамт зогсож, танд хүчийг өгөх болно. Хуучин гэрээний эш үзүүлэгч Даниел арслангийн үүрнээс амьд гарч ирсэн онцгой түүхтэй нэгэн. Түүнийг хүч тамираа барж, сульдан унах үед Бурхан хэрхэн хүч өгсөнийг дурсан бичихдээ, “надад дахин хүрч, намайг тэнхээтэй болгов” (Даниел 10:18) гэсэн байдаг.

Хэрвээ бид түүхийг судлаад үзвэл, бас Библийн баатруудыг судлаад үзвэл Бурхан авьяас чадвартай, нэр алдартай, хөрөнгө мөнгөтэй хүмүүсээс илүү эгэл жирийн хүмүүсийг алдрынхаа төлөө гайхамшигтайгаар хэрэглэж ирсэн болохыг харж болно.

Христэд итгэгч та өөрийнхөө итгэлийн амьдралыг тэр чигтээ сүнслэг тэмцэл гэдгийг мэдэх үү? Хэрвээ та үүнийг мэдэхгүй байгаа бол та сүнслэг мэдрэмжээ дээшлүүлэх хэрэгтэй гэж танд зөвлөмөөр байна. Гэтэл зарим хүмүүс бүх зүйлийг хэт сүнслэгжүүлж хардаг. Тэд хар бараан бүхнийг диаволтой холбож, Сатаныг дэндүү хүчтэй нэгэн мэтээр төсөөлдөг.

Тэгэхээр бид Сатаныг давуулан үнэлэх ч хэрэггүй, бас дутуу үнэлэх ч хэрэггүй юм.

Бидний амьдралд тохиолдсон аливаа нөхцөл байдлын дунд бид ямар хариу үйлдлүүд үзүүлдэг талаар өнөөдөр бид ярилцах болно. Ингэхдээ бидний дотор төрж байдаг сэтгэл хөдлөлүүдийг авч үзэх болно. Мөн бид сэтгэл хөдлөлөө хэрхэн зөвөөр хянаж, зөвөөр удирдах вэ гэдгийг Др.Стэнли бидэнд зөвлөх болно. Үүний тулд эхлээд хамтдаа өөрсдийн дотор байнга төрдөг тэдгээр “СЭТГЭЛ ХӨДЛӨЛҮҮДЭЭ ЭРГЭН ХАРАХ НЬ” чухал юм.

Ингэхэд та ер нь өөрийгөө хэр үнэ цэнтэй хүн гэж боддог вэ? Та очир эрдэнэ эсвэл бадмааргаар хэмжигдэхүйц үнэ цэнтэй юу? эсвэл ердөө л будаа, төмсхөнөөр хэмжигдэх үнэ цэнтэй нэгэн гэж өөрийгөө боддог уу? Өнөөдөр өөрийнхөө үнэ цэнийг ганц сүрэлний дайнд ч хүрэхгүй гэж боддог хүмүүс олон бий. Тэд өөрсдийгөө үнэ цэнгүй гэж бодоод зогсохгүй өөртөө сэтгэл дундуур байдалдаа бүрэн автсан байдаг. Тэд энэ талаар хэдий чинээ их бодно, нөхцөл байдал нь төдий чинээ дордсоор байдаг.