Толь бичгээс үзвэл “бууж өгөх” гэдэг нь “бусдын хүч чадалд өөрийгөө тавьж өгөх” гэсэн утгыг илэрхийлдэг байна. Гэтэл бидний хувьд өөрийн амьдралын жолоог бусдад атгуулна гэдэг санаанд багтамгүй хэрэг мэт санагддаг шүү дээ. Эсрэгээрээ бид амьдралаа өөрийнхөө хяналтад бүрэн авч, бүх шийдвэрээ бие даан гаргахыг хүсдэг. Гэтэл Бурханы төлөвлөгөө биднийг Бурханаас бүрэн хамааралтай амьдрахыг шаардаж байдаг.

Тиймээс Бурханд үйлчлэх үйлчлэлдээ үр нөлөөтэй байхыг хүсвэл, цаашлаад итгэлийн амьдралдаа үр жимстэй байхыг хүсвэл бид өөрсдийн амьдралын жолоог Бурханд бүрэн атгуулж, Түүнд нөхцөл болзолгүйгээр буун өгч сурах учиртай юм. Өөрөөр хэлбэл гэр бүл, ажил хөдөлмөр, цаг зав, санхүү мөнгө гээд бүхий л талбараа бид Бурханд бүрэн дүүрэн өргөнө гэсэн үг.

Тэгвэл өнөөдөр Др.Стэнли биднээс, “Та Есүс Христэд НӨХЦӨЛ БОЛЗОЛГҮЙГЭЭР БУУЖ ӨГӨХдөө бэлэн байна уу?” хэмээн асууж байна.

Үнэндээ бидний ихэнх нь үхэлтэй ямар ойрхон байдгаа огт анзаардаггүй. Гэвч угтаа бол бидний амь нас зүрхний ганцхан цохилт дээр тогтож байдаг юм шүү дээ. Саяхан би зүрхний шигдээснээс болоод хэвтэрт орсон найзыгаа асарч орных нь дэргэд олон цагийг өнгөрүүлсэн юм. Найзын маань зүрхний хэмийг илэрхийлэх ногоон зураас бүхий дэлгэцийг харж суухдаа би, “Хүмүүний амьдрал гэдэг юутай хэврэг эд вэ?” хэмээн өөрийн эрхгүй бодож суусан юм. Бидний амь нас гэдэг үнэндээ зүрх хэмээх атгасан гарны хэмжээтэй булчингийн цохилтоос шууд хамаарч байдаг ажээ. Аз болоход найз маань хурдан тэнхэрсэн. Гэхдээ нөхцөл байдал муугаар эргэж найз маань өөд болсон ч түүнийг хаана очихыг би баттай мэдэж байсан юм.

Копмьютер бий болохоос бүр өмнө Английн нэрт зохиолч, философич И.Каммингс нэгэнтээ, “Бидний мэдлэг улам бүр нэмэгдсээр байна. Харин мэргэн ухаан маань хаачив?” хэмээн асуусан байдаг. Английн өөр нэгэн нэрт зохиолч Самуел Жонсон өөрийн үеийнхнийг мэргэн ухаанаараа дутагдаж байна хэмээн дүгнээд, үүнийг “сэтгэцийн эмгэг” хэмээн тодорхойлсон байдаг. Тэгвэл үүнээс олон зуун жилийн өмнө Соломон хаан мэргэн ухааны тухай өгүүлэхдээ, “Мэргэн нь сонсог, мэдлэгээ тэлэг Ухаалаг нь мэргэн удирдамжийг мөн аваг” (Сургаалт үгс 1:5-6) хэмээн сургасан байдаг.

Өнөөдөр бид дэргэдээ байгаа хүнээсээ хайрыг тэр бүр мэдэрдэггүй хамгийн гол шалтгаан нь бидний хайрын хэл өөр хоорондоо зөрж байдагтай холбоотой юм. Эрэгтэй эмэгтэй хүмүүс өөр хоорондоо эрс ялгаатай. Тэдний бие махбод ч ялгаатай, сэтгэл зүй ч ялгаатай. Түүнийгээ дагаад хайраа илэрхийлэх хэл нь ч ялгаатай байдаг.

Нэрт зохиолч, профессор Си.Эс.Льюис нэгэнтээ “ихэнх хүмүүс амьдралдаа илүү ихийг хийж бүтээх боломжтой байдаг ч тэр потенциалаа бүрэн дүүрэн ашиглаж чаддаггүй” хэмээн бичсэн байдаг. Тэрээр үргэлжлүүлэн бичихдээ, “Бурхан бидэнд мөнхийн баяр хөөрийг амласан байтал бид зугаа цэнгэл, секс, хувийн амбиц төдийхнөөр сэтгэл ханачихдаг. Энэ нь зүйрлүүлбэл далайн эрэгт амрах гайхалтай амралтаас татгалзаад шавар шалбааг дунд тоглохыг илүүд үзэж буй хүүхэдтэй адилхан юм. Үнэхээр бид дэндүү бага зүйлд сэтгэл ханадаг ажээ” гэсэн байна.

Дэндүү бага зүйлд сэтгэл ханадаг гэж үү?

Өөрийг нь хохироосон хүмүүсээс хариугаа авахыг хүсэх нь хүний төрөлх мөн чанар. Харин тэднийг уучлан өршөөх нь тэнгэрлэг чанар юм. Тиймээс ч Шинэ гэрээнд хоёр ч удаа, ““Өшөө авалт нь Минийх, Би буцааж төлнө” гэж Эзэн хэлэв” (Ром 12:19) гэсэн байдаг. Тиймээс ч Эзэн Есүс загалмайд цовдлогдох үедээ, “Аав аа, тэднийг уучлаач. Учир нь тэд юу хийж байгаагаа мэдэхгүй байна” (Лук 23:34) хэмээн залбирсан юм.

Библийн сүүлийн ном болох Илчлэл номд өгүүлэхдээ, мөнхийн улсад Бурхан бидний нүднээс нулимс бүрийг арчих болно хэмээн тунхагласан байдаг. Үнэхээр мөнхийн улсын хаалгаар алхан орох үед бидний дотор ганцхан “Яагаад?” гэсэн асуулт үлдэх болно. Тэр нь “Та яагаад намайг ийм ихээр хайрласан юм бэ?” гэсэн асуулт байх болно.

Өнөөдөр маш олон хүн амьдралдаа атаа хорслыг тээн амьдарч байна. Энэ нь эргээд тэдний амьдралын талбар бүрийг хордуулж, эрүүл мэндийг нь ч доройтуулсаар байна. Цаашилбал аливаа хүний дотор нуугдаж буй уур хилэн, атаа хорсол нь эрт орой хэзээ нэгэн цагт ил гарч ирдэг. Улмаар тэр хүний эргэн тойронд буй хүмүүсийг ч хордуулдаг.

Тэгвэл өнөөдөр Др.Стэнли бидэнд Израилийн анхны хаан Саулын амьдралаар дамжуулаад нэгэн чухал сургамжийг өгч байна. Учир нь Саул хаан бол атаа хорсолдоо бүрэн автсан хүний тод жишээ байсан юм.

Хэрвээ таны амьдралд ч мөн ийм зүйл байгаа бол та энэ дугаарыг анхааралтай сонсоорой. Ингэснээр та өөрийн амьдралд буй тэрхүү хор хөнөөлтэй аюулыг дотроосоо зайлуулан хаях чухал түлхүүрийг олж мэдэх болно.

Есөн сарын туршид хэвлийдээ тээсэн бяцхан үрээ үхлийн саварт алдах шиг аймшигтай зүйл гэж үгүй. Ийнхүү хайртай үрээ алдсан хүн бүр л уйлан байж, “Бурхан минь, яагаад?” хэмээн дуу алддаг.

“Бурхан минь яагаад? Яагаад заавал миний хүүхэд гэж?” хэмээн бид уйлдаг. Үр хүүхдээ алдсан эцэг эхийн шаналалд Бурхан үнэхээр хайхрамжгүй ханддаг юм гэж үү? Үнэхээр гэм зэмгүй бяцхан хүүхэд амиа алдах үед яагаад? гэсэн асуултад хариулах бодитой хариулт бидэнд тэр бүр байдаггүй.

“Яагаад Бурхан минь? Ийм зовлонг Та надад яагаад зөвшөөрч байгаа юм бэ?”. Энэ бол хүн төрөлхтний хувьд Бурханаас асууж ирсэн хамгийн эртний асуултуудын нэг юм. Библийн Иов номонд ч мөн Иов Бурханаас ийнхүү асуусан тухай өгүүлсэн байдаг.