ITGELRADIO

Иерусалимд Симеон гэгч зөвт агаад сүсэгт хүн байв. Тэр хүн Израилийн тайтгарлыг хүлээж байсан. Тэрээр Сүнсэнд хөтлөгдөн сүмд ирээд, бяцхан хүү Есүстэй уулзсан нэгэн юм. Зөвт агаад сүсэгт хүн Симеоноос хамтдаа суралцъя.

Тэнгэрийн хаанчлал нь сүйт залууг угтахаар дэнлүүгээ аваад гарсан арван охинтой төстэй юм. Тэдний тав нь мунхаг, тав нь ухаалаг байлаа. Мунхгууд нь дэнлүүгээ авахдаа тосыг нь авсангүй. Харин ухаалгууд нь савтай тосыг дэнлүүтэй нь хамт авчээ... Матай 25:1-4

Та Эзэнийг ирэхийг хүлээхдээ ухаалаг 5 охин шиг итгэмжтэй, хариуцлагатай байгаарай.

Христ мэндэлсэн баярыг угтан "ИРЭЭРЭЙ" тусгай цуврал нэвтрүүлгийг бэлтгэн хүргэж байгаа билээ. Өнөөдөр бид Эхлэл номын 18 бүлгээс Абрахамын амьдралаас суралцах болно. 

Абрахамд тохиолдсон зүйл өнөөдөр хэнд ч тохиолдож болно. Бурхан Абрамд хийсэн шигээ таны амьдралд хийж өгөх болно. 

Христмасын баяр ойртсон эдгээр өдрүүдэд бид өмнөхөөсөө ч илүү өгөөмөр бас зочломтгой байдаг үе. Таныг зориод ирсэн нэгнийг дайлах Бурханы ивээл, очоод хуваалцах Бурханы ивээл байгаа гэдгийг харж чадах Абрахам шиг итгэлийн нүүдэлтэй байцгаарай.

Хүн нь гайхалтай биш боловч сургамж авах түүхийг өнөөдрийн "ИРЭЭРЭЙ" нэвтрүүлгээрээ ярихаар сонголоо. Энэ хүн бол Херод хаан. Херод хааны түүхээс хуваалцах нь ямар чухал болохыг өнөөдрийн нэвтрүүлгээс сурч аваарай. Та өөрийн үнэлэмжээр бусдыг дүгнэж, сайнмэдээг хуваалцахаас бүү хойш суугаарай.

Өнөөдөр "ИРЭЭРЭЙ" нэвтрүүлгээрээ Хуучин гэрээнд өгүүлэгддэг аварга загасны гэдсэнд 3 өдөр, 3 шөнө болсон гэдгээр нь сайн мэдэх Ионагийн түүхээс суралцах болно. Иона Ниневе хот руу явахыг эсэргүүцсэн ч Бурхан дотор өөртэйгөө тулж, Түүний дуудсан дуудлагыг биелүүлэхээр явсан юм. Иона 4:10-11-р эшлэлд "...Чи эрэндийн бут өрөвдөж байдаг. Чиний арчлаагүй, ургуулаагүй, шөнөдөө ургаад, шөнөдөө устаж үгүй болсон эд шүү дээ. Тэгвэл Би их хот Ниневег, баруун зүүн гараа ялгаж мэдэхгүй зуун хорин мянга гаруй хүнийг бас тэр олон амьтдыг өрөвдөн тэдэнд санаа зовохгүй гэж үү? гэж айлдав." гэсэн байдаг.  

Ниневе хотынхон Бурханыг ирээсэй хүлээгээгүй боловч Бурхан байдаг гэдгийг мэдэж байсан. Түүнчлэн хэн нэгэн хүн ирээд Бурханы үгийг хуваалцаасай гэсэн хүсэл хүмүүсийн дотор байдаг юм шүү. Харин та сайнмэдээг хуваалцахад, Бурхан таныг дуудсан дуудлагад бэлэн байна уу?

Христ мэндэлсэн баярт зориулсан ИРЭЭРЭЙ нэвтрүүлгийн энэ удаагийн дугаараа Матай 24:45-т өгүүлэгдэх Итгэмжит болон Итгэмжит бус зарцын сургаалт зүйрлэлээс суралцах болно. 

Итгэмжит ухаалаг зарц нь та байгаасай. Хүн болгонд бурханы хариуцуулсан зүйл байдаг. бурхан хүний итгэлийг шүүхгүй. Харин үйлсийг шүүнэ. үйлсээр аврагдахгүй гэдэг ч үйлсээрээ хүн шүүгдэнэ.

Нэгэн мөнгө зээлдүүлэгчид хоёр хүн өртэй байжээ. Нэг нь таван зуу, нөгөө нь тавин денарын өртэй байв. Тэд төлөх чадваргүй тул өнөөх хүн тэднийг хоёуланг нь өрнөөс хэлтрүүлжээ. Тэгвэл тэдний хэн нь түүнийг илүү хайрлах бол? гэхэд нь, Симон

-Илүү өгөөмрөөр хэлтрүүлэгдсэн нь гэж би бодож байна гэсэнд Есүс түүнд

-Чи зөв шүүлээ гээд, тэр эмэгтэй уруу эргэж, Симонд

-Чи энэ эмэгтэйг харж байна уу? Намайг гэрт чинь орж ирэхэд чи Надад хөл угаах ус ч өгөөгүй, харин энэ эмэгтэй Миний хөлийг нулимсаараа норгоод үсээрээ арчлаа. Чи Намайг үнсээгүй. Харин энэ эмэгтэй Намайг энд байх мөчөөс эхлээд хөлийг минь үнссээр байна. Чи Миний толгойг тосоор тослоогүй. Харин тэр үнэт тосоор хөлийг минь тослов. Тийм учраас Би чамд хэлье. Түүний олон нүгэл уучлагдсан. Учир нь тэр ихэд хайрласан. Харин багахан шигээр уучлагдсан нэг нь бага хайрладаг гээд, эмэгтэйд

-Нүгэл чинь уучлагдсан гэлээ.

Христ Мэндэлсэн баярт зориулсан "ИРЭЭРЭЙ" нэвтрүүлэг энэ удаагийн дугаараа "Сонор сэрэмжтэй байх тухай" Матай 24:36-44 эшлэлээс бэлдлээ.

...Тэр үед хоёр хүн талбайд байхад нэгийг нь авч, нөгөөг нь үлдээнэ. Хоёр эмэгтэй тээрэмдэж байхад нэгийг нь авч, нөгөөг нь орхино. Тиймээс Эзэн чинь ямар өдөр ирэхийг та нар мэдэхгүй тул сонор соргог бай. Матай 24:40-42

Итгэгч хүмүүс өөрсдийгөө авагдана гэж боддог. Харин та өөрийгөө хоёр хүний нэг нь гэдгийг, авагдана гэдгийг яаж мэдэж байна вэ? Та Бурхантай ямар харилцаатай байна вэ? энэ тухай та эргэцүүлэн бодоорой.

Хүний Хүү алдраа дуурсган бүх тэнгэр элч нарынхаа хамт ирж Өөрийн сүр жавхлант сэнтийдээ залрах болно. Тэр бүх үндэстнийг өмнөө цуглуулж, хорьчин хонио ямаанаас тусгаарладаг шиг Тэр тэднийг нэг нэгээс нь тусгаарлаад хонио Өөрийн баруун талд, зүүн талд байлгана. Тэр Өөрийн баруун талд байгсдыг “Миний Эцэгээр ерөөгдөгсөд өө” гэж дууддаг. Тэгээд та нарыг Намайг хооллож ундалж, хувцаслаж, эргэж тойрсон. Харин Түүний даруу хүмүүс “Хэзээ бид Таныг хооллож, ундалж, хувцаслаж, эргэж тойрч байсан юм бэ?” гэдэг. “Ирээрэй” нэвтрүүлгийн энэ дугаарт Матай 25:31-46 эшлэлийн дагуу “Бетаны ургац” Христийн чуулганы туслах пастор Ж.Сайнбаяр ярилцахдаа хонь ба ямаануудын хандлагын ялгааг онцлон тэмдэглэсэн. Сонсогч та нэвтрүүлгээс үргэлжлүүлэн хүлээн авч сонсоорой.

Өнөөдөр "ИРЭЭРЭЙ" нэвтрүүлгээрээ сайхан сэтгэлт Самари хүний сургаалт зүйрлэлийг сонгож ярилцлаа.

Сайн Самари хүний тухай сургаалт үлгэрийг Есүс “авралыг хэрхэн авах вэ?” гэсэн энэхүү асуултын хариулт болгон ярьсан юм. Та Бурханы хий гэсэн зүйлийг хийж байна уу? Бурханы хайрыг та харуулж байна уу? эсвэл өөрийнхөөрөө бусдыг дүгнэж, өөрийн үнэлэмжээрээ хандаж байна уу?

Сайхан сэтгэлт Самари хүн шиг бусдыг хайрлан энэрч, Бурханы хайрыг та харуулаарай.