ITGELRADIO

Мөнхийн улсын үүдэнд очих үед чинь Гэгээн Петр танаас “Би яагаад таныг оруулах ёстой билээ?” гэж асуувал та юу гэж хариулах вэ?

“Би их сайн хүн байсан. Мэдээж би төгс байгаагүй ч ихэнх хүмүүсээс илүү сайн хүн байсан. Тэгээд ч би буяны үйлст овоо их мөнгө хандивласан” гэж та хэлэх үү? Таны хэлсэн энэ үг бүгд үнэн байлаа ч энэ нь таныг мөнхийн улсад оруулах хангалттай шалтгаан болж чадна гэж үү?

Библийн дагуу бол энэ хариулт хангалттай хариулт байж чадахгүй.

Тэгвэл та мөнхийн улсын тухай хэр их боддог вэ? Тэнд хэн очих тухай, бид тэнд очоод юу хийх тухай бодож байсан уу? Мэдээж та бүхний зарим нь энэ тухай бодож байсан байх. Тэгвэл энэ сэдэвтэй холбоотой асуултуудыг бидэнд хандан илгээсэн хүмүүст зориулан хэдэн асуултад хариулт өгье.

Би шинэ тэнгэр, шинэ газрыг харлаа. Учир нь анхны тэнгэр, анхны газар нь өнгөрөн одож, тэнгис үгүй болов. Илчлэл 21:1

Та 10 хүнээс “Та нас барсныхаа дараа диваажинд очих уу?” гэж асуувал ихэнх нь “Тиймээ, би тэгж найдаж байна” гэж хариулах байх. Гэвч тэр бүх хүмүүсийн ихэнх нь тэнд ямар хүн очих вэ, яаж очих вэ, тэнд очоод бид юу хийх вэ гэдгийг огт мэддэггүй.

Хэн нэгэн хүн Есүс Христийн төлөө бүхнийг хийнэ гэж ярьж байхыг та сонсож байсан уу? Энэ бол шинэхэн итгэгчдийн амнаас түгээмэл гардаг үгс. Тэд Эзэний төлөө ажилласаар, хичээн зүтгэсээр, үйлчилсээр эцэст нь урагш алхах тэнхэлгүй болдог. Хэдийгээр тэдний энэ хандлага Христийг хайрлах жинхэнэ хайр, жинхэнэ зориулалтын илрэл мэт харагдаж байж болох ч үнэн хэрэгтээ энэ нь Христитгэлийн талаар болон Бурханы нигүүлслийн талаарх буруу ойлголтын илэрхийлэл юм.

            Бурхан итгэгч хүн нэг бүрийг Өөрийнхөө хаанчлалын ажилд дуудсан нь үнэн ч бид энэ бүхнийг хэзээ ч өөрсдийнхөө хүчээр хийх ёсгүй юм. Үүний нэгэн тод жишээ бол элч Паул юм. Паул сайнмэдээний үүргийг Бурханаас хүлээн авсан. Паул сайнмэдээг эсэргүүцэж байсан хүмүүст сайнмэдээг тарааж, сүм чуулган тарьж, шинэ итгэгчдийг урамшуулан зоригжуулж, Бурханы хаанчлалын төлөө маш их зүйлийг хийсэн. Тэгвэл энэ их ажлыг Паул хэрхэн амжуулж, хэрхэн зогсолтгүй урагшилсаар байсан юм болоо? Паул нэг зүйлийг ойлгосон учраас энэ бүхнийг хийж чадсан юм. Тэр бол “Бурханы нигүүлслийн сайнмэдээ” байсан юм. Паул үргэлж Бурханы нигүүлсэлд найдан амьдарч байсан. Харин энэ нигүүлсэл түүнд урагш алхах хүчийг өгч байсан юм. Тэгвэл өнөөдөр та ч бас энэ нигүүлслийн хүч чадлыг амьдралдаа мэдэрч байна уу? Бид хамтдаа өнөөдөр энэ сэдвээр ярилцах болно.

Бурханаас бидэнд өгсөн авралын бэлгийг Есүс Христийн загалмай дээрх үхлээс салгаж ойлгох ямар ч боломжгүй юм. Есүс Христ загалмай дээр амиа өгсөн нь тохиолдол биш харин Бурханы төгс төлөвлөгөөний салшгүй амин чухал хэсэг байсан юм. Тэр нэгэн өдөр Иерусалимын дэргэдэх нэгэн толгод дээр Бурхан хүн төрөлхтөнд Өөрийн нигүүлслийн мутраа сунгаж бидэнд Бурхантай дахин эвлэрэх хоёр дахь боломжийг өгсөн юм. Тэгвэл Есүс Христийн загалмай дээр амиа өгсөн тэр өдөр чухам юу болсныг та мэдэх үү?

            Энэ бол Др.Чарльз Стэнлийн Библийн хичээлээр бэлтгэн хүргэдэг ХАМТДАА нэвтрүүлэг. Итгэгч бидний хувьд загалмайг хэрхэн харж байгаагаас бидний итгэлийн амьдрал шалтгаалж байдаг. Есүс Христийн загалмайн үхлийн талаар өнгөцхөн ойлголттой хүний хувьд итгэлийн суурь нь тийм ч хүчтэй бат бэх байж чаддаггүй. Тэдний хувьд амьдралын салхи шуурганд амархан шидэгдэж, үл итгэгч хүмүүсийн довтолгоонд амархан бууж өгдөг. Тиймээс хамтдаа энэ цагт Христийн загалмай нь чухам ямар утга учиртай болохыг хамтдаа сурцгаая.

Бид Есүс Христийг Аврагчаа болгон хүлээн авсан тэр мөчид бид Бурханы нигүүлсэлтэй нүүр тулдаг. Харин харамсалтай нь олон итгэгчид энэ мөчөөс цааш Бурханы нигүүлслийг хойш тавьж орхидог. Бурханы нигүүлсэл тэдний өдөр тутмын амьдралд ч хамаатай гэдгийг тэд тэр бүр ухаардаггүй. Харин үнэн хэрэгтээ Бурханы нигүүлсэл бидний өдөр тутмын амьдралд хамгийн их хамаатай юм. Үүнийг Др.Стэнли ХАМТДАА нэвтрүүлгийн өнөөдрийн дугаараар өгүүлэх болно.

            Бурханы нигүүлслээр бид Бурханы Ариун Сүнсийг хүлээн авдаг. Тэр л Ариун Сүнс биднийг удирдаж, биднийг чиглүүлдэг. Ариун Сүнс бидэнд Бурханы үгийг тайлбарлан өгч, биднийг гэм нүгэлд төөрөн одох үед биднийг ятгаж сэнхрүүлдэг.

            Тиймээс итгэгч бидний хувьд “Бурханы нигүүлслийн баялгийг” ойлгож ухаарах нь маш чухал юм. Есүс Христээр дамжуулаад ямар их баялаг бидэнд бэлэг болгон өгөгдсөнийг бид мэддэг байх нь маш чухал. Тэгвэл Есүс Христийн загалмайгаар дамжуулан танд юу өгөгдсөнийг та мэдэх үү? Бидэнд өгөгдсөн Бурханы нигүүлслийн баялаг чухам юу болохыг Др.Стэнли бидэнд энэ цагт тайлбарлан өгөх болно.

Бурханы нигүүлсэл бол хүн төрөлхтөнд Бурханаас өгсөн үнэгүй бэлэг юм. Магадгүй та Бурханы нигүүлслийн баялгийн тухай сонсоод бага зэрэг гайхаж байж болох юм. Таны амьдрал энд яригдаж байгаа шиг биш байна шүү дээ гэж та бодож байж болох юм. Маш олон хүмүүс Бурханы ивээл ерөөлд итгэж чаддаггүй. Бурхан биднээс ямар ч хариу нэхэлгүйгээр мөнхийн амийг өгч, мөнхийн ивээл ерөөлийг өгсөн гэдэгт хүмүүс тэр бүр итгэж чаддаггүй. Бурхан хариуд нь ямар нэг зүйл заавал шаардах ёстой гэж тэд боддог.

            Тэгвэл өнөөдрийн ХАМТДАА нэвтрүүлгээр Др.Стэнли, Бурхан бидний бодож сэтгэдгээс тэс өөрөөр ажилладаг болохыг бидэнд тайлбарлаж өгөх болно. Бурхан бидэнд Өөрийн нигүүлслийн баялгийг ҮНЭГҮЙ өгсөн гэдэг нь биднээс Бурхан хариуд нь юуг ч нэхэхгүй, юуг ч шаардахгүй гэсэн үг юм.

            Хэрвээ та үүнд эргэлзэж байгаа бол энэ цагт Др.Стэнлийн яриаг анхааралтай сонсож Бурханы нигүүлслийн талаар илүү ихийг олж мэдээрэй.

Та “өнөөдөр хийж болох зүйлээ маргааш гэж бүү хойш тавь” гэсэн үгийг сонсож байсан байх. Олон хүмүүсийн хувьд энэ үг зүгээр л нэг улиг болсон үг мэт сонсогдож байж болох ч энэ үгийн цаана сүнслэг үнэн нуугдаж байдаг гэдгийг бид мартаж болохгүй юм. Өнөөдөр бидний дунд аливаа ажлыг хойш тавих хандлага улам бүр газар авсаар байна. Гэтэл энэ хандлага нь өөрөө зүсээ хувиргасан занга гэдгийг бид мартаж болохгүй. Бид үүний цаана ямар аюул нуугдаж байгааг ойлгохгүй бол бид Бурханаас бидэнд өгсөн маш олон боломжийг алдах болно.

Та хэзээ нэгэн цагт өөрт тохиолдсон асуудлаа хэн нэгэнд ярьж байсан уу? Гэтэл цаад хүн чинь аман дээрээ “Би чамд ямар байгааг маш сайн ойлгож байна” гэж хэлж байгаа ч үнэн хэрэгтээ таны зовлонг ерөөсөө ойлгохгүй байгаа юм шиг санагдаж байсан уу? Танд учирсан зовлон бэрхшээл, хүнд хэцүү асуудлыг үнэхээр ойлгож чадах тэр нэгэн байгаа болов уу гэж та бодож байсан уу? Хэрвээ танд ийм зүйл тохиолдож байсан бол таныг ямар ч үед ойлгож, таны юу үзэж туулсныг хамгийн сайн мэдэх тэр Нэгэнийг би мэднэ. Тэр бол Есүс Христ юм.

“Есүс Христ миний амьдралд байгаа ганцаардал, зовлон шаналлыг яаж ойлгох юм бэ?” гэж та бодож байж болох юм. “Есүс Христ Бурхан юм чинь мөхөс бидний зовлонг яаж ойлгох юм бэ?” гэж бодож байж болох юм. Тиймээ, Есүс Христ бол Бурхан. Гэхдээ Тэр та бидний зовлон бэрхшээлийг ойлгож, бидний үзэж туулдаг хүнд хэцүү асуудлууд, сорилт уруу татлагыг биеэр амсаж үзэхийн тулд хүмүүн болон дэлхийд ирсэн гэдгийг бид мартаж болохгүй. Таны амьдралд юу ч тохиолдсон бай Есүс Христ түүнийг ойлгоно. Яагаад гэвэл Тэр Өөрөө түүнийг чинь амсаж үзсэн. Есүс Христ бол биднийг ямар ч үед ойлгодог гайхамшигтай Аврагч гэдгийг энэ цагт Др.Стэнли бидэнд өгүүлэх болно.

Таны амьдралд хүнд хэцүү асуудал тулгарч, танд зөвлөгөө хэрэгтэй болох үед та ямар хүнд ханддаг вэ? Ийм тохиолдолд бид бидний зовлонг ойлгож чадах, ийм асуудалд орж үүнийг амжилттай давж чадсан тийм хүмүүст хандахыг хичээдэг. Тухайн зовлонг өөрийн биеэр амсаж үзсэн хүн л тэр хүний зовлонг маш сайн ойлгож чадна шүү дээ.

Тэгвэл Есүс Христ хүмүүс болон ирж дэлхий дээр амьдрахдаа бидний амьдралд тохиолддог бүхий л зовлон бэрхшээл, уйтгар гуниг, сорилт уруу татлага бүхнийг амсаж үзсэн. Тиймээс биднийг ямар ч нөхцөл байдалд байсан биднийг хамгийн сайн ойлгож, бидэнд хамгийн мэргэн зөвлөгөөг өгч чадах Нэгэн бол Есүс Христ юм.